Nateshvara Sahasranama Stotrasya Uttarapithika in Bengali:
॥ নটেশ্বরসহস্রনামস্তোত্রস্য উত্তরপীঠিকা ॥
শ্রীগণেশায় নমঃ ।
শ্রীচিদম্বরনটেশ্বর সহস্রনামস্তোত্রস্য উত্তরপীঠিকা ॥
ইতি তে কথিতং দেবি নটরাজস্য সুন্দরম্ ।
নাম্নাং সহস্রমত্যন্তং গোপ্যং নেদং প্রকাশয়েত্ ॥ ১ ॥
সর্বসিদ্ধিকরং পুণ্যং সর্ববিদ্যাবিবর্ধনম্ ।
সম্পদ্প্রদমিদং নৃণাং সর্বাপদ্ঘ্নমঘাপহম্ ॥ ২ ॥
অভিচার প্রয়োগাদি মহাকৃত্য নিবারণম্ ।
অপস্মার মহাব্যাধি জ্বরকুষ্ঠাদি নাশনম্ ॥ ৩ ॥
অত্যুত্পাদ ভয়ক্ষোভ ক্ষুদ্রশান্তিদ কারণম্ ।
কূশ্মাণ্ড রুদ্র বেতাল শাকিন্যাদি ভয়াপহম্ ॥ ৪ ॥
স্মরণাদেব জন্তূনাং ব্রহ্মহত্যাদি নাশনম্ ।
অস্মাত্পরতরং স্তোত্রং নাস্তি লোকত্রয়েঽম্বিকে ॥ ৫ ॥
এতন্নাম সহস্রস্য পঠনাত্ সকৃদেব হি ।
মহাপাতকয়ুক্তোঽপি শিবসায়ুজ্যমাপ্নুয়াত্ ॥ ৬ ॥
প্রয়োগলক্ষণং বক্ষ্যে শৃণু শৈলসুতেঽধুনা ।
পজ্চম্যামথবাঽষ্টম্যাং দশম্যাং বা বিশেষতঃ ॥ ৭ ॥
স্নাত্বা শুভাসনে স্থিত্বা ধ্যায়ন্ শ্রীনটনায়কম্ ।
প্রজপেত্দ্বাদশাবৃত্যা সর্বান্ কামান্ লভেন্নর। ॥ ৮ ॥
আর্দ্রায়াং প্রাতরারভ্য নটরাজস্য সন্নিধৌ ।
আসায়ং প্রজপেদেতত্ এবং সংবত্সরত্রয়ম্ ॥ ৯ ॥
তস্য ভক্তস্য দেবেশো নটনং দর্শয়েত্প্রভুঃ ।
বিল্ববৃক্ষস্য নিকটে ত্রিবারং প্রজপেদিদম্ ॥ ১০ ॥
ষড্ভির্মাসৈর্মহৈশ্বর্যং লভতে ন চিরান্নরঃ ।
অনেন স্তোত্ররাজেন মন্ত্রিতং ভস্মধারয়েত্ ॥ ১১ ॥
ভস্মাবলোকনান্মৃত্যুর্বশ্যো ভবতি তত্ক্ষণাত্ ।
সলিলং প্রাশয়েদ্ধীমান্ মন্ত্রেণানেন মন্ত্রিতম্ ॥ ১২ ॥
সর্ববিদ্যাময়ো ভূত্বা ব্যাকরোত্যশ্রুতাদিকম্ ।
নাটকাদি মহাগ্রন্থং কুরুতে নাত্র সংশয়ঃ ॥ ১৩ ॥
চতুর্থ্যন্তং সমুচ্চার্যনামৈকৈকং ততো জপেত্ ।
পঞ্চাক্ষরং তথা নাম্নাং সহস্রং প্রজপেত্ক্রমাত্ ॥ ১৪ ॥
এবং ত্রিবারং মাসানামষ্টাবিংশতিকে গতে ।
নিগ্রহানুগ্রহৌ কর্তুং শক্তিরস্যোপজায়তে ॥ ১৫ ॥
নাম্নামাদৌ তথান্তে চ পঞ্চাক্ষরমহামনুম্ ।
জপ্ত্বা মধ্যস্থিতং নাম নির্মমোন্তং সদা সকৃত্ ॥ ১৬ ॥
চতুর্থ্যন্তং জপেদ্বিদ্বান্ ত্রিবর্ষং চ ত্রিমাসকৈঃ ।
অণিমাদি মহাসিদ্ধি রচিরাত্ প্রাপ্নুয়াদ্ধ্রুবম্ ॥ ১৭ ॥
সর্বেষ্বপি চ লোকেষু সিদ্ধঃ সন্বিচরেন্নরঃ ।
লক্ষ্মীবীজ দ্বয়ক্ষিপ্তমাদ্যং তন্নাম য়ঃ শিবে ॥ ১৮ ॥
বাঞ্ছিতাং শ্রিয়মাপ্নোতি সত্যমুক্তং বরাননে ।
হল্লেখামন্ত্র সংয়ুক্তং পূর্ববত্ সংয়ুতং জপেত্ ॥ ১৯ ॥
য়োগসিদ্ধির্ভবেত্তস্য ত্রিচতুঃ পঞ্চবত্সরৈঃ ।
কিমত্র বহুনোক্তেন য়ায়া সিদ্ধিরভীপ্সিতা ॥ ২০ ॥
তাং তাং সিদ্ধিং লভেন্মর্ত্যঃ সত্যমেব ময়োদিতম্ ।
কণ্ঠদঘ্নজলেস্থিত্বা ত্রিবারং প্রজপেদিদম্ ॥ ২১ ॥
রিপূনুচ্বাটয়েচ্ছীঘ্রমেকেনৈব দিনেন সঃ ।
দক্ষিণাভিমুখোভূত্বা ধৃত্বাঽঽর্দ্রবসনং শুচিঃ ॥ ২২ ॥
শত্রুনামসমুচ্বার্য মারয়েতিপদাঙ্কিতম্ ।
পঠেদিদং স্তবং ক্রোধাত্ সপ্তকৃত্বস্ত্রিভির্দিনৈঃ ॥ ২৩ ॥
স রিপুর্মৃত্যুগেহস্য ধ্রুবমাতিথ্যভাগ্ভবেত্ ।
হরিদ্রয়া নটাধীশং কৃত্বা প্রাণান্ প্রতিষ্ঠিপেত্ ॥ ২৪ ॥
পীতপুষ্পৈঃ সমভ্যর্চ্য স্তোত্রমেতজ্জপেন্নরঃ ।
স্তম্ভয়েত্সকলান্লোকান্ কিমিহক্ষুদ্রমানুষান্ ॥ ২৫ ॥
আকর্ষণায় সর্বেষামুত্তরাভিমুখোজপেত্ ।
বাঞ্ছিতায়োষিতস্সর্বাস্তথা লোকান্তরস্থিতাঃ ॥ ২৬ ॥
য়ক্ষাশ্চ কিন্নরাশ্চাপি রাজানোবশমাপ্নুয়ুঃ ।
কুম্ভস্থিতং জলংস্পৃষ্ট্বা ত্রিবারং প্রজপেদিদম্ ॥ ২৭ ॥
মহাগ্রহগণগ্রস্তান্ অভিষেকঞ্চকারয়েত্ ।
জলস্পর্শনমাত্রেণমুচ্যতে চ গ্রহাদিভিঃ ॥ ২৮ ॥
কিমত্র বহুনোক্তেন সিদ্ধয়ন্ত্যখিলসিদ্ধয়ঃ ।
সাক্ষান্নটেশ্বরো দেবো বশ্যো ভবতি তত্ক্ষণাত্ ॥ ২৯ ॥
(শৈলজে ॥ )
অস্মাত্পরতরাসিদ্ধিঃ কাবাস্তিকথয়প্রিয়ে ।
নিষ্কামস্যাচিরাদেব ব্রহ্মজ্ঞানমবাপ্যতে ॥ ৩০ ॥
তস্মাত্সর্বপ্রয়ত্নেন য়তিভির্ব্রহ্মচারিভিঃ ।
বনস্থৈশ্চ গৃহস্থৈশ্চ সর্বৈর্জপ্যং প্রয়ত্নতঃ ॥ ৩১ ॥
নিত্যকর্মবদেবেদং স্তোত্রং জপ্যং সদাদরাত্ ।
ব্রহ্মাদয়োঽপি য়ন্নাম পাঠস্যৈব প্রসাদতঃ ॥ ৩২ ॥
সৃষ্টিত্বিত্যন্তকর্তারো জগতাং চিরজীবিনঃ ।
য়দিদং মুনয়ঃ সর্বে হয়গ্রীবাদয়ঃ পুরা ॥ ৩৩ ॥
পঠিত্বা পরমাং সিদ্ধিং পুনরাবৃত্তিবর্জিতাম্ ।
প্রাপিরে তদিদং স্তোত্রং পঠত্বমপি শৈলজে ॥ ৩৪ ॥
অস্মাত্ পরতরং বেদ্যং নাস্তি সত্যং ময়োদিতম্ ।
॥ ইত্যুত্তর পীঠিকা ॥
ইত্যাকাশভৈরবকল্পে প্রত্যক্ষসিদ্ধিপ্রদে উমামহেশ্বরসংবাদে
পঞ্চবিংশতিমূর্তিপ্রকরণে তত্বাতীত শ্রী চিদম্বর
নটেশ্বর সহস্রনামস্তোত্রমালামহামনোপদশো
নাম একোনষষ্টিতমোঽধ্যায়ঃ
॥ ওঁ শিবমস্তু ॥
Also Read:
1000 Names of Nateshwara | Sahasranama Stotram Uttara PIthika in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
