Shiva Sahasranama Stotram from Saurapurana in Bengali:
॥ শ্রীশিবসহস্রনামস্তোত্রং শ্রীসৌরপুরাণান্তর্গতম্ ॥
ঋষয় ঊচু –
সুদর্শনাখ্যং য়চ্চক্রং লব্ধবাংস্তত্কথং হরিঃ ।
মহাদেবাদ্ভগবতঃ সত্ত তদ্বক্তুমর্হসি ॥ ১ ॥
সূত উবাচ –
দেবাসুরাণামভবত্সঙ্গ্রামোঽদ্ভুতদর্শনঃ ।
দেবা বিনির্জিতা দৈত্যৈর্বিষ্ণুং শরণমাগতাঃ ॥ ২ ॥
স্তুত্বা তং বিবিধৈঃ স্তোত্রৈঃ প্রণম্য পুরতঃ স্থিতাঃ ।
ভয়ভীতাশ্চ তে সর্বে ক্ষতাঙ্গাঃ ক্লেশিতা ভৃশম্ ॥ ৩ ॥
তান্দৃষ্ট্বা প্রাহ ভগবান্দেবদেবো জনার্দনঃ ।
কিমর্থমাগতা দেবা বক্তুমর্হথ সাম্প্রতম্ ॥ ৪ ॥
বচঃ শ্রুত্বা হরের্দেবাঃ প্রণম্যোচুঃ সুরোত্তমাঃ ।
নির্জিতা দানবৈঃ সর্বে শরণং ত্বামিহাঽঽগতাঃ ॥ ৫ ॥
গতিস্ত্বমেব দেবানাং ত্রাতা ত্বং পুরুষোত্তম ।
হন্তুমর্হসি তাঞ্শীঘ্রমবধ্যান্বারিজেক্ষণ ॥ ৬ ॥
জালন্ধরবধার্থায় য়চ্চক্রং শূলপাণিনঃ ।
মহাদেববরাল্লব্ধং জহি তেন মহাবলান্ ॥ ৭ ॥
তেষাং তদ্বচনং শ্রুত্বা ভগবান্বারিজেক্ষণঃ ।
অহং দেবাস্তথা নূনং করিষ্যামীতি সুব্রতাঃ ॥ ৮ ॥
হিমবত্পর্বতং গত্বা পূজয়ামাস শঙ্করম্ ।
লিঙ্গং তত্র প্রতিষ্ঠাপ্য স্নাপ্য গন্ধোদকৈঃ শুভৈঃ ॥ ৯ ॥
ত্বরিতাখ্যেন রুদ্রেণ সম্পূজ্য চ মহেশ্বরম্ ।
ততো নাম্নাং সহস্রেণ তুষ্টাব পরমেশ্বরম্ ॥ ১০ ॥
প্রতিনাম চ পদ্মানি তৈরিষ্ট্বা বৃষভধ্বজম্ ।
ভবাদ্যৈর্নামভির্ভক্ত্যা স্তোতুং সমুপচক্রমে ॥ ১১ ॥
শ্রীবিষ্ণুরুবাচ –
ভবঃ শিবো হরো রুদ্রঃ পুষ্কলো মুগ্ধলোচনঃ ।
অগ্রগণ্যঃ সদাচারঃ সর্বঃ শম্ভুর্মহেশ্বরঃ ॥ ১২ ॥
ঈশ্বরঃ স্থাণুরীশানঃ সহস্রাক্ষঃ সহস্রপাত্ ।
বরীয়ান্বরদো বন্দ্যঃ শঙ্করঃ পরমেশ্বরঃ ॥ ১৩ ॥
গঙ্গাধরঃ শূলধরঃ পরার্থৈকপ্রয়োজকঃ ।
সর্বজ্ঞঃ সর্বদেবাদির্গিরিধন্বা জটাধরঃ ॥ ১৪ ॥
চন্দ্রাপীডশ্চন্দ্রমৌলির্বেধা বিশ্বামরেশ্বরঃ ।
বেদান্তসারসন্দোহঃ কপালী নীললোহিতঃ ॥ ১৫ ॥
ধ্যানাহারোঽপরিচ্ছেদ্যো গৌরীভর্তা গণেশ্বরঃ ।
অষ্টমূর্তির্বিশ্বমূর্তিস্ত্রিবর্গঃ স্বর্গসাধনঃ ॥ ১৬ ॥
জ্ঞানগম্যো দৃঢপ্রজ্ঞো দেবদেবস্ত্রিলোচনঃ ।
বামদেবো মহাদেবঃ পটুঃ পরিবৃঢো দৃঢঃ ॥ ১৭ ॥
বিশ্বরূপো বিরূপাক্ষো বাগীশঃ শ্রুতিমন্ত্রগঃ ।
সর্বপ্রণবসংবাদী বৃষাঙ্কো বৃষবাহনঃ ॥ ১৮ ॥
ঈশঃ পিনাকী খট্বাঙ্গী চিত্রবেষশ্চিরন্তনঃ ।
মনোময়ো মহায়োগী স্থিরো ব্রহ্মাণ্ডধূর্জটী ॥ ১৯ ॥
কালকালঃ কৃত্তিবাসাঃ সুভগঃ প্রণবাত্মকঃ ।
নাগচূডঃ সুচক্ষুষ্যো দুর্বাসাঃ পুরশাসনঃ ॥ ২০ ॥
দৃগায়ুধঃ স্কন্দগুরুঃ পরমেষ্ঠী পরায়ণঃ ।
অনাদিমধ্যনিধনো গিরীশো গিরিজাধবঃ ॥ ২১ ॥
কুবেরবন্ধুঃ শ্রীকণ্ঠো লোকবন্দ্যোত্তমো মৃদুঃ ।
সামান্যো দেবকো দণ্ডী নীলকণ্ঠঃ পরশ্বধীঃ ॥ ২২ ॥
বিশালাক্ষো মহাব্যাধঃ সুরেশঃ সূর্যতাপনঃ ।
ধর্মধামা ক্ষমাক্ষেত্রং ভগবান্ভগনেত্রহা ॥ ২৩ ॥
উগ্রঃ পশুপতিস্তার্ক্ষ্যঃ প্রিয়ভক্তঃ প্রিয়ংবদঃ ।
দাতা দয়াকরো দক্ষঃ কপর্দী কামশাসনঃ ॥ ২৪
শ্মশাননিলয়স্তিষ্যঃ শ্মশানস্থো মহেশ্বরঃ ।
লোককর্তা ভূতপতির্মহাকর্তা মহৌষধিঃ ॥ ২৫ ॥
উত্তরো গোপতির্গোপ্তা জ্ঞানগম্যঃ পুরাতনঃ ।
নীতিঃ সুনীতিঃ শুদ্ধাত্মা সোমঃ সোমরতঃ সুধীঃ ॥ ২৫ ॥
সোমপোঽমৃতপঃ সৌম্যো মহানীতির্মহাস্মৃতিঃ ।
অজাতশত্রুরালোক্যঃ সম্ভাব্যো হব্যবাহনঃ ॥ ২৭ ॥
লোককারো বেদকারঃ সূত্রকারঃ সনাতনঃ ।
মহর্ষিঃ কপিলাচার্যো বিশ্বদীপ্তির্বিলোচনঃ ॥ ২৮ ॥
পিনাকপাণির্ভূদেবঃ স্বস্তিকৃত্স্বস্তিদঃ সুধা ।
ধাত্রীধামা ধামকরঃ সর্বগঃ সর্বগোচরঃ ॥ ২৯ ॥
ব্রহ্মসৃগ্বিশ্বসৃক্সর্গঃ কর্ণিকারঃ প্রিয়ঃ কবিঃ ।
শাখো বিশাখো গোশাখঃ শিবো ভিষগনুত্তমঃ ॥ ৩০ ॥
গঙ্গাপ্লবোদকো ভব্যঃ পুষ্কলঃ স্থপতিঃ স্থিতঃ ।
বিজিতাত্মা বিধেয়াত্মা ভূতবাহনসারথিঃ ॥ ৩১ ॥
সগণো গণকায়শ্চ সুকীর্তিশ্ছিন্নসংশয়ঃ ।
কামদেবঃ কামকালো ভস্মোদ্ধূলিতবিগ্রহঃ ॥ ৩২ ॥
ভস্মপ্রিয়ো ভস্মশায়ী কামী কান্তঃ কৃতাগমঃ ।
সমাবৃত্তো নিবৃত্তাত্মা ধর্মপুঞ্জঃ সদাশিবঃ ॥ ৩৩ ॥
অকল্মষশ্চতুর্বাহুঃ সর্বাবাসো দুরাসদঃ ।
দুর্লভো দুর্গমো দুর্গঃ সর্বায়ুধবিশারদঃ ॥ ৩৪ ॥
অধ্যাত্ময়োগনিলয়ঃ সুতন্তুস্তন্তুবর্ধনঃ ।
শুভাঙ্গো য়োগসারঙ্গো জগদীশো জনার্দনঃ ॥ ৩৫ ॥
ভস্মশুদ্ধিকরো মেরুস্তেজস্বী শুদ্ধবিগ্রহঃ ।
হিরণ্যরেতাস্তরণির্মরীচির্মহিমালয়ঃ ॥ ৩৬ ॥
মহাহ্রদো মহাগর্তঃ সিদ্ধবৃন্দারবন্দিতঃ ।
ব্যাঘ্রচর্মধরো ব্যালী মহাভূতো মহানিধিঃ ॥ ৩৭ ॥
অমৃতাত্মাঽমৃতবপুঃ পঞ্চয়জ্ঞঃ প্রভঞ্জনঃ ।
পঞ্চবিংশতিতত্ত্বস্থঃ পারিজাতঃ পরাপরঃ ॥ ৩৮ ॥
সুলভঃ সুব্রতঃ শূরো বাগ্মায়ৈকনিধির্নিধিঃ ।
বর্ণাশ্রমগুরুর্বর্ণী শত্রুজিচ্ছত্রুতাপনঃ ॥ ৩৯ ॥
আশ্রমঃ ক্ষপণঃ ক্ষামো জ্ঞানবানচলশ্চলঃ ।
প্রমাণভূতো দুর্জ্ঞেয়ঃ সুপর্ণো বায়ুবাহনঃ ॥ ৪০ ॥
ধনুর্ধরো ধনুর্বেদো গুণরাশির্গুণাকরঃ ।
অনন্তদৃষ্টিরানন্দো দণ্ডো দময়িতা দমঃ ॥ ৪১ ॥
অবিবাদ্যো মহাকায়ো বিশ্বকর্মা বিশারদঃ ।
বীতরাগো বিনীতাত্মা তপস্বী ভূতবাহনঃ ॥ ৪২ ॥
উন্মত্তবেষঃ প্রচ্ছন্নো জিতকামো জিতপ্রিয়ঃ ।
কল্যাণপ্রকৃতিঃ কল্পঃ সর্বলোকপ্রজাপতিঃ ॥ ৪৩ ॥
তপস্বী তারকো ধীমান্প্রধানপ্রভুরব্যয়ঃ ।
লোকপালোঽন্তর্হিতাত্মা কল্পাদিঃ কমলেক্ষণঃ ॥ ৪৪
বেদশাস্ত্রার্থতত্ত্বজ্ঞো নিয়মো নিয়মাশ্রয়ঃ ।
রাহুঃ সূর্যঃ শনিঃ কেতুর্বিরামো বিদ্রুমচ্ছবিঃ ॥ ৪৫ ॥
ভক্তিগম্যঃ পরং ব্রহ্ম মৃগবাণার্পণোঽনঘঃ ।
অদ্রিদ্রোণিকৃতস্থানঃ পবনাত্মা জগত্পতিঃ ॥ ৪৬ ॥
সর্বকর্মাচলস্ত্বষ্টা মঙ্গঽল্যো মঙ্গলপ্রদঃ ।
মহাতপা দীর্ঘতপাঃ স্থবিষ্ণুঃ স্থবিরো ধ্রুবঃ ॥ ৪৭ ॥
অহঃ সংবত্সরো ব্যালঃ প্রমাণং পরমং তপঃ ।
সংবত্সরকরো মন্ত্রঃ প্রত্যয়ঃ সর্বদর্শনঃ ॥ ৪৮ ॥
অজঃ সর্বেশ্বরঃ সিদ্ধো মহারেতা মহাবলঃ ।
য়োগী য়োগো মহাদেবঃ সিদ্ধঃ সর্বাদিরচ্যুতঃ ॥ ৪৯ ॥
বসুর্বসুমনাঃ সত্যঃ সর্বপাপহরো হরঃ ।
অমৃতঃ শাশ্বতঃ শান্তো বাণহস্তঃ প্রতাপবান্ ॥ ৫০ ॥
কমণ্ডলুধরো ধন্বী বেদাঙ্গো বেদবিন্মুনিঃ ।
ভ্রাজিষ্ণুর্ভোজনং ভোক্তা লোকনেতা দুরাধরঃ ॥ ৫১ ॥
অতীন্দ্রিয়ো মহামায়ঃ সর্বাবাসশ্চতুষ্পথঃ ।
কালয়োগী মহানাদো মহোত্সাহো মহাচলঃ ॥ ৫২ ॥
মহাবুদ্ধির্মহাবীর্যো ভূতচারী পুরন্দরঃ ।
নিশাচরঃ প্রেতচারী মহাশক্তির্মহাদ্যুতিঃ ॥ ৫৩ ॥
অনির্দেশ্যবপুঃ শ্রীমান্সর্বাকর্ষকরো মতঃ ।
বহুশ্রুতো বহুমায়ো নিয়তাত্মাঽভয়োদ্ভবঃ ॥ ৫৪ ॥
ওজস্তেজোদ্যুতিধরো নর্তকঃ সর্বনায়কঃ ।
নিত্যঘণ্টাপ্রিয়ো নিত্যপ্রকাশাত্মা প্রতাপনঃ ॥ ৫৫ ॥
ঋদ্ধঃ স্পষ্টাক্ষরো মন্ত্রঃ সঙ্গ্রামঃ শারদপ্লবঃ ।
য়ুগাদিকৃদ্যুগাবর্তো গম্ভীরো বৃষবাহনঃ ॥ ৫৬ ॥
ইষ্টো বিশিষ্টঃ শিষ্টেষ্টঃ শরভঃ সরভো ধনুঃ ।
অপাং নিধিরধিষ্ঠানং বিজয়ো জয়কালবিত্ ॥ ৫৭ ॥
প্রতিষ্ঠিতঃ প্রমাণজ্ঞো হিরণ্যকবচো হরিঃ ।
বিমোচনং সুরগণো বিদ্যেশো বিবুধাশ্রয়ঃ ॥ ৫৮ ॥
বালরূপো বলোন্মায়ী বিকর্তা গহনো গুহঃ ।
করণং কারণং কর্তা সর্ববন্ধপ্রমোচনঃ ॥ ৫৯ ॥
ব্যবসায়ো ব্যবস্থানঃ স্থানদো জনদাদিজঃ ।
দুন্দুভো ললিতো বিশ্বো ভবাত্মাঽঽত্মনি সংস্থিতঃ ॥ ৬০ ॥
রাজরাজপ্রিয়ো রামো রাজচূডামণিঃ প্রভুঃ ।
বীরেশ্বরো বীরভদ্রো বীরাসনবিধির্বিরাট্ ॥ ৬১ ॥
বীরচূডামণিহর্তা তীব্রানন্দো নদীধরঃ ।
আত্মাধারস্ত্রিশূলাঙ্কঃ শিপিবিষ্টঃ শিবাশ্রয়ঃ ॥ ৬২ ॥
বালখিল্যো মহাচারস্তিগ্মাংশুর্বারিধিঃ খগঃ ।
অভিরামঃ সুশরণ্যঃ সুব্রহ্মণ্যঃ সুধাপতিঃ ॥ ৬৩ ॥
মধুমান্কৌশিকো গোমান্বিরামঃ সর্বসাধনঃ ।
ললাটাক্ষো বিশ্বদেহঃ সারঃ সংসারচক্রভৃত্ ॥ ৬৪ ॥
অমোঘদণ্ডো মধ্যস্থো হিরণ্যো ব্রহ্মবর্চসী ।
পরব্রহ্মপদো হংসঃ শবরো ব্যাঘ্রকোঽনলঃ ॥ ৬৫ ॥
রুচির্বররুচির্বন্দ্যো বাচস্পতিরহর্পতিঃ ।
রবির্বিরোচনঃ স্কন্দঃ শাস্তা বৈবস্বতোঽর্জুনঃ ॥ ৬৬ ॥
মুক্তিরুন্নতকীর্তিশ্চ শান্তরামঃ পুরঞ্জয়ঃ ।
কৈলাসপতিঃ কামারিঃ সবিতা রবিলোচনঃ ॥ ৬৭ ॥
বিদ্বত্তমো বীতভয়ো বিশ্বকর্মাঽনিবারিতঃ ।
নিত্যো নিয়তকল্যাণঃ পুণ্যশ্রবণকীর্তনঃ ॥ ৬৮ ॥
দূরশ্রবা বিশ্বসহো ধ্যেয়ো দুঃস্বপ্ননাশনঃ ।
উত্তারকো দুষ্কৃতিহা দুর্ধর্ষো দুঃসহোঽভয়ঃ ॥ ৬৯ ॥
অনাদির্ভূর্ভুবো লক্ষ্মীঃ কিরীটী ত্রিদশাধিপঃ ।
বিশ্বগোপ্তা বিশ্বহর্তা সুবীরো রুচিরাঙ্গদী ॥ ৭০ ॥
জননো জনজন্মাদিঃ প্রীতিমান্নীতিমানথ ।
বসিষ্ঠঃ কশ্যপো ভানুর্ভীমো ভীমপরাক্রমঃ ॥ ৭১ ॥
প্রণবঃ সত্পথাচারো মহাকায়ো মহাধনুঃ ।
জন্মাধিপো মহাদেবঃ সকলাগমপারগঃ ॥ ৭২ ॥
তত্ত্বং তত্ত্ববিদেকাত্মা বিভূতির্ভূতিভূষণঃ ।
ঋষির্ব্রাহ্মণবিদ্বিষ্ণুর্জন্মমৃত্যুজরাতিগঃ ॥ ৭৩ ॥
য়জ্ঞো য়জ্ঞপতির্যজ্বা য়জ্ঞান্তোঽমোঘবিক্রমঃ ।
মহেন্দ্রো দুর্ভরঃ সেনী য়জ্ঞাঙ্গো য়জ্ঞবাহনঃ ॥ ৭৪ ॥
পঞ্চব্রহ্মসমুত্পত্তির্বিশ্বতো বিমলোদয়ঃ ।
আত্ময়োনিরনাদ্যন্তঃ পট্ত্রিংশো লোকভৃত্কবিঃ ॥ ৭৫ ॥
গায়ত্রীবল্লভঃ প্রাংশুর্বিশ্বাবাসঃ সদাশিবঃ ।
শিশুর্গিরিরতঃ সম্রাট্ সুষেণঃ সুরশত্রুহা ॥ ৭৬ ॥
অমেয়োঽরিষ্টমথনো মুকুন্দো বিগতজ্বরঃ ।
স্বয়ঞ্জ্যোতিরনুজ্যোতিরচলঃ পরমেশ্বরঃ ॥ ৭৭ ॥
পিঙ্গলঃ কপিলশ্মশ্রুঃ শাস্ত্রনেত্রস্ত্রয়ীতনুঃ ।
জ্ঞানস্কন্ধো মহাজ্ঞানী বীরোত্পত্তিরুপপ্লবী ॥ ৭৮ ॥
ভগো বিবস্বানাদিত্যো য়োগাচারো দিবস্পতিঃ ।
উদারকীর্তিরুদ্যোগী সদ্যোগী সদসন্ময়ঃ ॥ ৭৯ ॥
নক্ষত্রমার্লা নাকেশঃ স্বাধিষ্ঠানষডাশ্রয়ঃ ।
পবিত্রপাদঃ পাপারির্মণিপূরো নভোগতিঃ ॥ ৮০ ॥
হৃত্পুণ্ডরীকমাসীনঃ শুক্রাশানো বৃষাকপিঃ ।
তুষ্টো গৃহপতিঃ কৃষ্ণঃ সমর্থোঽনর্থশাসনঃ ॥ ৮১ ॥
অধর্মশত্রুরক্ষয়্যঃ পুরুহূতঃ পুরুষ্টুতঃ ॥
বৃহদ্ভুজো ব্রহ্মগর্ভো ধর্মধেনুর্ধনাগমঃ ॥ ৮২ ॥
জগদ্ধিতৈষী সুগতঃ কুমারঃ কুশলাগমঃ ।
হিরণ্যগর্ভো জ্যোতিষ্মানুপেন্দ্রস্তিমিরাপহঃ ॥ ৮৩ ॥
অরোগস্তপনাধ্যক্ষো বিশ্বামিত্রো দ্বিজেশ্বরঃ ।
ব্রহ্মজ্যোতিঃ সুবুদ্ধাত্মা বৃহজ্জ্যোতিরনুত্তমঃ ॥ ৮৪
মাতামহো মাতরিশ্বা মনস্বী নাগহারধৃক্ ।
পুলস্ত্যঃ পুলহোঽগস্ত্যো জাতূকর্ণ্যঃ পরাশরঃ ॥
নিরাবরণবিজ্ঞানো বিরঞ্চো বিষ্টরশ্রবাঃ ।
আত্মভূরনিরুদ্ধোঽত্রির্জ্ঞানমূর্তির্মহায়শাঃ ॥ ৮৬ ॥
লোকচূডামণির্বীরশ্চন্দ্রঃ সত্যপরাক্রমঃ ।
ব্যালকল্পো মহাকল্পঃ কল্পবৃক্ষঃ কলানিধিঃ ॥ ৮৭ ॥
অলকরিষ্ণুরচলো রোচিষ্ণুর্বিক্রমোত্তমঃ ।
আশুঃ সপ্তপতির্বেগী প্লবনঃ শিখিসারথিঃ ॥ ৮৮ ॥
অসন্তুষ্টোঽতিথিঃ শুক্তঃ প্রমাথী পাপশাসনঃ ।
বসুশ্রবাঃ কব্যবাহঃ প্রতপ্তো বিশ্বভোজনঃ ॥ ৮৯ ॥
জয়ো জরারিশমনো লোহিতাশ্বস্তনূনপাত্ ।
পৃষদশ্বো নভোয়োনিঃ সুপ্রতীকস্তমিস্রহা ॥ ৯০ ॥
নিদাঘস্তপনো মেঘঃ পক্ষঃ পরপুরঞ্জয়ঃ ।
সুখী নীলঃ সুনিষ্পন্নঃ সুরভিঃ শিশিরাত্মকঃ ॥ ৯১ ॥
বসন্তো মাধবো গ্রীষ্মো নভস্যো বীজবাহনঃ ।
মনো বুদ্ধিরহঙ্কারঃ ক্ষেত্রজ্ঞঃ ক্ষেত্রপালকঃ ॥ ৯২ ॥
জমদগ্নির্জলনিধির্বিপাকো বিশ্বকারকঃ ।
অধরোঽনুত্তরো জ্ঞেয়ো জ্যেষ্ঠো নিঃশ্রেয়সালয়ঃ ॥ ৯৩ ॥
শৈলো নাম তরুর্দাহো দানবারিররিন্দমঃ ।
চামুণ্ডী জনকশ্চারুর্নিঃশল্যো লোকশল্যহৃত্ ॥ ৯৪ ॥
চতুর্বেদশ্চতুর্ভাবশ্চতুরশ্চত্বরপ্রিয়ঃ ।
আম্নায়োঽথ সমাম্নায়রতীর্থদেবঃ শিবালয়ঃ ॥ ৯৫ ॥
বজ্ররূপো মহাদেবঃ সর্বরূপশ্চরাচরঃ ।
ন্যায়নির্বাহকো ন্যায়ো ন্যায়গম্যো নিরঞ্জনঃ ॥ ৯৬ ॥
সহস্রমূর্ধা দেবেন্দ্রঃ সর্বশস্ত্রপ্রভঞ্জনঃ ।
মুণ্ডো বিরূপো বিকৃতো দণ্ডী দান্তো গুণোত্তরঃ ॥ ৯৭ ॥
পিঙ্গলাক্ষোঽথ হর্যশ্বো নীলগ্রীবো নিরাময়ঃ ।
সহস্রবাহুঃ সর্বেশঃ শরণ্যঃ সর্বলোকধৃক্ ॥ ৯৮ ॥
পদ্মাসনঃ পরং জ্যোতিঃ পরাবরঃ পরং ফলম্ ।
পদ্মগর্ভো মহাগর্ভো বিশ্বগর্ভো বিলক্ষণঃ ॥ ৯৯ ॥
য়জ্ঞভুগ্বরদো দেবো বরেশশ্চ মহাস্বনঃ ।
দেবাসুরগুরুর্দেবঃ শঙ্করো লোকসম্ভবঃ ॥ ১০০ ॥
সর্ববেদময়োঽচিন্ত্যো দেবতাসত্যসম্ভবঃ ।
দেবাধিদেবো দেবর্ষির্দেবাসুরবরপ্রদঃ ॥ ১০১ ॥
দেবাসুরেশ্বরো দিব্যো দেবাসুরমহেশ্বরঃ ।
দেবাসুরাণাং বরদো দেবাসুরনমস্কৃতঃ ॥ ১০২ ॥
দেবাসুরমহামাত্রো দেবাসুরমহাশ্রয়ঃ ।
সর্বদেবময়োঽচিন্ত্যো দেবানামাত্মসম্ভবঃ ॥ ১০৩ ॥
ঈড্যোঽনীশঃ সুরব্যাপ্তো দেবসিংহো দিবাকরঃ ।
বিবুধাগ্রবরঃ শ্রেষ্ঠঃ সর্বদেবোত্তমোত্তমঃ ॥ ১০৪ ॥
শিবধ্যানরতঃ শ্রীমাঞ্শিখী শ্রীপর্বতপ্রিয়ঃ ।
বজ্রহস্তঃ প্রতিষ্টম্ভী বিশ্বজ্ঞানী নিশাকরঃ ॥ ১০৫ ॥
ব্রহ্মচারী লোকচারী ধর্মচারী ধনাধিপঃ ।
নন্দী নন্দীশ্বরো নগ্নো নগ্নব্রতধরঃ শুচিঃ ॥ ১০৬ ॥
লিঙ্গাধ্যক্ষঃ সুরাধ্যক্ষো ধর্মাধ্যক্ষো য়ুগাবহঃ ।
স্ববশঃ স্বর্গতঃ স্বর্গঃ সর্গঃ স্বরময়ঃ স্বনঃ ॥ ১০৭ ॥
বীজাধ্যক্ষো বীজকর্তা ধর্মকৃদ্ধর্মবর্ধনঃ ।
দম্ভোঽদম্ভো মহাদম্ভঃ সর্বেভূতমহেশ্বরঃ ॥ ১০৮ ॥
শ্মশাননিলয়স্তিষ্যঃ সেতুরপ্রতিমাকৃতিঃ ।
লোকোত্তরঃ স্ফুতালোকস্ত্র্যম্বকো ভক্তবত্সলঃ ॥ ১০৯ ॥
অন্ধকারির্মখদ্বেষী বিষ্ণুকন্ধরপাতনঃ ।
বীতদোষোঽক্ষয়গুণোঽন্তকারিঃ পূষদন্তভিত্ ॥ ১১০ ॥
ধূর্জটিঃ খণ্ডপরশুঃ সকলো নিষ্কলোঽনঘঃ ।
আকারঃ সকলাধারঃ পাণ্ডুরাগো মৃগো নটঃ ॥ ১১১ ॥
পূর্ণঃ পূরয়িতা পুণ্যঃ সুকুমারঃ সুলোচনঃ ।
সামগেয়ঃ প্রিয়ঃ ক্রূরঃ পূণ্যকীর্তিরনাময়ঃ ॥ ১১২ ॥
মনোজবস্তীর্থকরো জটিলো জীবিতেশ্বরঃ ।
জীবিতান্তকরোঽনন্তো বসুরেতা বসুপ্রদঃ ॥ ১১৩ ॥
সদ্গতিঃ সত্কৃতিঃ শান্তঃ কালকণ্ঠঃ কলাধরঃ ।
মানী মন্তুর্মহাকালঃ সদ্ভূতিঃ সত্পরায়ণঃ ॥ ১১৪ ॥
চন্দ্রসঞ্জীবনঃ শাস্তা লোকরূঢো মহাধিপঃ ।
লোকবন্ধুর্লোকনাথঃ কৃতজ্ঞঃ কৃতভূষণঃ ॥ ১১৫ ॥
অনপায়োঽক্ষরঃ শান্তঃ সর্বশস্ত্রভৃতাং বরঃ ।
তেজোময়ো দ্যুতিধরো লোকমায়োঽগ্রণীরণুঃ ॥ ১১৬ ॥
সুবিস্মিতঃ প্রসন্নাত্মা দুর্জয়ো দুরতিক্রমঃ ।
জ্যোতির্ময়ো নিরাকারো জগন্নাথো জলেশ্বরঃ ॥ ১১৭ ॥
তুম্বী বীণা মহাশোকো বিশোকঃ শোকনাশনঃ ।
ত্রিলোকেশস্রিলোকাত্মা সিদ্ধিঃ শুদ্ধিরধোক্ষজঃ ॥ ১১৮ ॥
অব্যক্তলক্ষণো ব্যক্তো ব্যক্তাব্যক্তো বিশাম্পতিঃ ।
বরশীলো বরগুণো গতো গব্যয়নো ময়ঃ ॥ ১১৯ ॥
ব্রহ্মা বিষ্ণুঃ প্রজাপালো হংসো হংসগতির্মতঃ ।
বেধা বিধাতা স্রষ্টা চ কর্তা হর্তা চতুর্মুখঃ ॥ ১২০ ॥
কৈলাসশিখরাবাসী সর্বাবাসী সদাগতিঃ ।
হিরণ্যগর্ভো গগনঃ পুরুষঃ পূর্বজঃ পিতা ॥ ১২১ ॥
ভূতালয়ো ভূতপতির্ভূতিদো ভুবনেশ্বরঃ ।
সংয়মো য়োগবিদ্ভ্রষ্টো ব্রহ্মণ্যো ব্রাহ্মণপ্রিয়ঃ ॥ ১২২ ॥
দেবপ্রিয়ো দেবনাথো দৈবজ্ঞো দেবচিন্তকঃ ।
বিষমাক্ষো বিশালাক্ষো বৃষদো বৃষবর্ধনঃ ॥ ১২৩
নির্মমো নিরহঙ্কারো নির্মোহো নিরুপদ্রবঃ ।
দর্পহা দর্পণো দৃপ্তঃ সর্বর্তুপরিবর্তকঃ ॥ ১২৪ ॥
সপ্তজিহ্বঃ সহস্রার্চিঃ স্নিগ্ধঃ প্রকৃতিদক্ষিণঃ ।
ভূতভব্যভবন্নাথঃ প্রভবো ভ্রান্তিনাশনঃ ॥ ১২৫ ॥
অর্থোঽনর্থো মহাকোশঃ পরকার্যৈকপণ্ডিতঃ ।
নিষ্কণ্টকঃ কৃতানন্দো নির্ব্যাজো ব্যাজদর্শনঃ ॥
সত্ত্ববান্সাত্বিকঃ সত্যঃ কীর্তিস্তম্ভঃ কৃতাগমঃ ।
অকম্পিতো গুণগ্রাহী নৈকাত্মা লোককর্মকুত্ ॥ ১২৭ ॥
শ্রীবল্লভঃ শিবারম্ভঃ শান্তভদ্রঃ সমঞ্জসঃ ।
ভূশয়ো ভূতিকৃদ্ভূতির্বিভূতির্ভূতিবাহনঃ ॥ ১২৮ ॥
অকায়ো ভূতকায়রথঃ কালজ্ঞানো মহাপটুঃ ।
সত্যব্রতো মহাত্যাগ ইচ্ছাশান্তিপরায়ণঃ ॥ ১২৯ ॥
পরার্থবৃত্তিবরদো বিবিক্তঃ শ্রুতিসাগরঃ ।
অনির্বিণ্ণো গুণগ্রাহী নিষ্কলঙ্কঃ কলঙ্কহা ॥ ১৩০ ॥
স্বভাবভদ্রো মধ্যস্থঃ শত্রুঘ্নঃ শত্রুনাশনঃ ।
শিখণ্ডী কবচী শূলী জটী মুণ্ডী চ কুণ্ডলী ॥ ১৩১ ॥
মেখলী কঞ্চুকী খড্গী মৌলী সংসারসারথিঃ ।
অমৃত্যুঃ সর্বজিত্সিংহস্তেজোরাশির্মহামণিঃ ॥ ১৩২ ॥
অসঙ্খ্যেয়োঽপ্রমেয়াত্মা বীর্যবান্কার্যকোবিদঃ ।
বেদ্যো বৈদ্যো বিয়দ্গোপ্তা সপ্তাবরমুনীশ্বরঃ ॥ ১৩৩ ॥
অনুত্তমো দুরাধর্ষো মধুরঃ প্রিয়দর্শনঃ ।
সুরেশঃ শরণং শর্ম সর্বঃ শব্দবতাং গতিঃ ॥ ১৩৪ ॥
কালঃ পক্ষঃ করঙ্কারিঃ কঙ্কণীকৃতবাসুকিঃ ।
মহেষ্বাসো মহীভর্তা নিষ্কলঙ্কো বিশৃঙ্খলঃ ॥ ১৩৫ ॥
দ্যুমণিস্তরণির্ধন্যঃ সিদ্ধিদঃ সিদ্ধিসাধনঃ ।
বিবৃতঃ সংবৃতঃ শিল্পী ব্যূঢোরস্কো মহাভুজঃ ॥ ১৩৬ ॥
একজ্যোতির্নিরাতঙ্কো নরনারায়ণপ্রিয়ঃ ।
নির্লেপো নিষ্প্রপঞ্চাত্মা নির্ব্যগ্রো ব্যগ্রনাশনঃ ॥ ১৩৭ ॥
স্তব্যঃ স্তবপ্রিয়ঃ স্তোতা ব্যোমমূর্তিরনাকুলঃ ।
নিরবেদ্যপদোপায়ো বিদ্যারাশিরকৃত্রিমঃ ॥ ১৩৮ ॥
প্রশান্তবুদ্ধিরক্ষুদ্রঃ ক্ষুদ্রহা নিত্যসুন্দরঃ ।
ধ্যেয়োঽগ্রধুর্যো ধাত্রীশঃ সাকল্যঃ শর্বরীপতিঃ ॥ ১৩৯ ॥
পরমার্থগুরুর্ব্যাপী শুচিরাশ্রিতবত্সলঃ ।
রসো রসজ্ঞঃ সারজ্ঞঃ সর্বসত্ত্বাবলম্বনঃ ॥ ১৪০ ॥
এবং নাম্নাং সহস্রেণ তুষ্টাব গিরিজাপতিম্ ।
সম্পূজ্য পরয়া ভক্ত্যা পুণ্ডরীকৈদ্বিজোত্তমাঃ ॥ ১৪১ ॥
জিজ্ঞাসার্থং হরের্ভক্ত্যা কমলেষু শিবঃ স্বয়ম্ ।
তত্রৈকং গোপয়ামাস কমলং মুনিপুঙ্গবাঃ ॥ ১৪২ ॥
হৃতে পুষ্পে তদা বিষ্ণুশ্চিন্তয়ন্কিমিদং ত্বিতি ।
জ্ঞাত্বাঽঽত্মনোঽক্ষিমুদ্ধৃত্য পূজয়ামাস শঙ্করম্ ॥ ১৪৩ ॥
অথ জ্ঞাত্বা মহাদেবো হরের্ভক্তি সুনিশ্চলাম্ ।
প্রাদুর্ভূতো মহাদেবো মণ্ডলাত্তিগ্মদীধিতেঃ ॥ ১৪৪ ॥
সূর্যকোটিপ্রতীকাশস্ত্রিনেত্রশ্চন্দ্রশেখরঃ ।
শূলটঙ্কদগাচক্রকুন্তপাশধরো বিভুঃ ॥ ১৪৫ ॥
বরদাভয়পাণিশ্চ সর্বাভরণভূষিতঃ ।
তং দৃষ্ট্বা দেবদেবেশং ভগবান্কমলেক্ষণঃ ॥ ১৪৬ ॥
পুনর্ননাম চরণৌ দণ্ডবচ্ছূলপাণিনঃ ।
দৃষ্ট্বা শম্ভুং তদা দেবা দুদ্রুবুর্ভয়বিহ্বলাঃ ॥ ১৪৭ ॥
চচাল ব্রহ্মভুবনং চকম্পে চ বসুন্ধরা ।
অধশ্চোর্ধ্বং ততঃ প্রীতে দদাহ শতয়োজনম্ ॥ ১৪৮ ॥
শম্ভোর্ভগবতস্তেজস্তদ্দৃষ্ট্বা প্রহসঞ্শিবঃ ।
অব্রবীচ্ছার্ঙ্গিণং বিপ্রাঃ কৃতাঞ্জলিপুটং স্থিতম্ ॥ ১৪৯ ॥
দেবকার্যমিঽদং জ্ঞাতমিদানীং মধুসূদন ।
দিব্যং দদামি তে চক্রমদ্ভুতং তত্সুদর্শনম্ ॥ ১৫০ ॥
হিতার্থং সর্বদেবানাং নির্মিতং য়ন্ময়া পুরা ।
গৃহীত্বা তদ্গুণৈর্দৈত্যাঞ্জহি বিষ্ণো মমাঽঽজ্ঞয়া ॥ ১৫১ ॥
এবমুক্ত্বা দদৌ চক্রং সূর্যায়ুতসমপ্রভম্ ।
লোকেষু পুণ্ডরীকাক্ষ ইতি খ্যাতিং গতা হরিঃ ॥ ১৫২ ॥
পুনস্তমব্রবীচ্ছম্ভুর্নারায়ণমনাময়ম্ ।
বরানন্যান্সুরশ্রেষ্ঠ বরয়স্ব য়থেপ্সিতান্ ॥ ১৫৩ ॥
এবং শম্ভোর্নিগদিতং শ্রুত্বা দেবো জনার্দনঃ ।
অব্রবীত্খণ্ডপরশুং প্রাঞ্জলিঃ প্রণয়ান্বিতঃ ॥ ১৫৪ ॥
শ্রীবিষ্ণুরুবাচ –
ভগবন্দেবদেবেশ পরমাত্মঞ্শিবাব্যয় ।
নিশ্চলা ত্বয়ি মে ভক্তির্ভবত্বিতি বরো মম ॥ ১৫৫ ॥
ঈশ্বর উবাচ –
ভক্তির্ময়ি দৃঢা বিষ্ণো ভবিষ্যতি তবানঘ ।
অজেয়স্ত্রিষু লোকেষু মত্প্রসাদাদ্ভবিষ্যসি ॥ ১৫৬ ॥
সূত উবাচ –
এবং দত্ত্বা বরং শম্ভুর্বিষ্ণবে প্রভবিষ্ণবে ।
অন্তর্হিতো দ্বিজশ্রেষ্ঠা ইতি দেবোঽব্রবীদ্রবিঃ ॥ ১৫৭ ॥
নাম্নাং সহস্রং য়দ্দিব্যং বিষ্ণুনা সমুদীরিতম্ ।
য়ঃ পঠেচ্ছৃণুয়াদ্বাঽপি সর্বপাপৈঃ প্রমুচ্যতে ॥ ১৫৮ ॥
অশ্বমেধসহস্রস্য ফলং প্রাপ্নোতি নিশ্চিতম্ ।
পঠতঃ সর্বভাবেন বিদ্যা বা মহতী ভবে ॥ ১৫৯ ॥
জায়তে মহদৈশ্বর্যং শিবস্য দয়িতো ভবেত্ ।
দুস্তরে জলসঙ্ঘাতে য়জ্জলং স্থলতাং ব্রজেত্ ॥ ১৬০ ॥
হারায়ন্তে মহাসর্পাঃ সিংহঃ ক্রীডামৃগায়তে ।
তস্মান্নাম্নাং সহস্রেণ স্তোতব্যো ভগবাঞ্শিবঃ ॥ ১৬১ ॥
প্রয়চ্ছত্যখিলান্কামান্দেহান্তে চ পরাং গতিম্ ॥ ১৬২ ॥
ইতি শ্রীব্রহ্মপুরাণোপপুরাণে শ্রীসৌরে সূতশৌনকসংবাদে
(বিষ্ণুচক্রপ্রাপ্তিকথনং নামৈকচত্বারিংশোঽধ্যায়ঃ)
শ্রীশিবসহস্রনামস্তোত্রং সম্পূর্ণম্ ॥
Also Read:
1000 Names of Sri Shiva | Sahasranama Stotram from Saurapurana Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
