Templesinindiainfo

Best Spiritual Website

Bengali Surya Ashtottara Shatanama Stotra by Vishvakarma | Sri Surya Bhagwan Slokam

Vishvakarma’s Surya Ashtottara Shatanama Stotram Lyrics in Bengali:

॥ নরসিংহপুরাণে সূর্যাষ্টোত্তরশতনামস্তোত্রং বিশ্বকর্মকৃত ॥

ভরদ্বাজ উবাচ —
য়ৈঃ স্তুতো নামভিস্তেন সবিতা বিশ্বকর্মণা ।
তান্যহং শ্রোতুমিচ্ছামি বদ সূত বিবস্বতঃ ॥ ১ ॥

সূত উবাচ —
তানি মে শৃণু নামানি য়ৈঃ স্তুতো বিশ্বকর্মণা ।
সবিতা তানি বক্ষ্যামি সর্বপাপহরাণি তে ॥ ২ ॥

আদিত্যঃ সবিতা সূর্যঃ খগঃ পূষা গভস্তিমান্ ।
তিমিরোন্মথনঃ শম্ভুস্ত্বষ্টা মার্তণ্ড আশুগঃ ॥ ৩ ॥

হিরণ্যগর্ভঃ কপিলস্তপনো ভাস্করো রবিঃ ।
অগ্নিগর্ভোঽদিতেঃ পুত্রঃ শম্ভুস্তিমিরনাশনঃ ॥ ৪ ॥

অংশুমানংশুমালী চ তমোঘ্নস্তেজসাং নিধিঃ ।
আতপী মণ্ডলী মৃত্যুঃ কপিলঃ সর্বতাপনঃ ॥ ৫ ॥

হরির্বিশ্বো মহাতেজাঃ সর্বরত্নপ্রভাকরঃ ।
অংশুমালী তিমিরহা ঋগ্যজুস্সামভাবিতঃ ॥ ৬ ॥

প্রাণাবিষ্করণো মিত্রঃ সুপ্রদীপো মনোজবঃ ।
য়জ্ঞেশো গোপতিঃ শ্রীমান্ ভূতজ্ঞঃ ক্লেশনাশনঃ ॥ ৭ ॥

অমিত্রহা শিবো হংসো নায়কঃ প্রিয়দর্শনঃ ।
শুদ্ধো বিরোচনঃ কেশী সহস্রাংশুঃ প্রতর্দনঃ ॥ ৮ ॥

ধর্মরশ্মিঃ পতংগশ্চ বিশালো বিশ্বসংস্তুতঃ ।
দুর্বিজ্ঞেয়গতিঃ শূরস্তেজোরাশির্মহায়শাঃ ॥ ৯ ॥

ভ্রাজিষ্ণুর্জ্যোতিষামীশো বিজিষ্ণুর্বিশ্বভাবনঃ ।
প্রভবিষ্ণুঃ প্রকাশাত্মা জ্ঞানরাশিঃ প্রভাকরঃ ॥ ১০ ॥

আদিত্যো বিশ্বদৃগ্ য়জ্ঞকর্তা নেতা য়শস্করঃ ।
বিমলো বীর্যবানীশো য়োগজ্ঞো য়োগভাবনঃ ॥ ১১ ॥

অমৃতাত্মা শিবো নিত্যো বরেণ্যো বরদঃ প্রভুঃ ।
ধনদঃ প্রাণদঃ শ্রেষ্ঠঃ কামদঃ কামরূপধৃক্ ॥ ১২ ॥

তরণিঃ শাশ্বতঃ শাস্তা শাস্ত্রজ্ঞস্তপনঃ শয়ঃ ।
বেদগর্ভো বিভুর্বীরঃ শান্তঃ সাবিত্রিবল্লভঃ ॥ ১৩ ॥

ধ্যেয়ো বিশ্বেশ্বরো ভর্তা লোকনাথো মহেশ্বরঃ ।
মহেন্দ্রো বরুণো ধাতা বিষ্ণুরগ্নির্দিবাকরঃ ॥ ১৪ ॥

এতৈস্তু নামভিঃ সূর্যঃ স্তুতস্তেন মহাত্মনা ।
উবাচ বিশ্বকর্মাণং প্রসন্নো ভগবান্ রবিঃ ॥ ১৫ ॥

ভ্রমিমারোপ্য মামত্র মণ্ডলং মম শাতয় ।
ত্বত্বুদ্ধিস্থং ময়া জ্ঞাতমেবমৌষ্ণ্যং শমং ব্রজেত্ ॥ ১৬ ॥

ইত্যুক্তো বিশ্বকর্মা চ তথা স কৃতবান্ দ্বিজ ।
শান্তোষ্ণঃ সবিতা তস্য দুহিতুর্বিশ্বকর্মণঃ ॥ ১৭ ॥

সংজ্ঞায়াশ্চাভবদ্বিপ্র ভানুস্ত্বষ্টারমব্রবীত্ ।
ত্বয়া য়স্মাত্ স্তুতোঽহং বৈ নাম্নামষ্টশতেন চ ॥ ১৮ ॥

বরং বৃণীষ্ব তস্মাত্ ত্বং বরদোঽহং তবানঘ ।
ইত্যুক্তো ভানুনা সোঽথ বিশ্বকর্মাব্রবীদিদম্ ॥ ১৯ ॥

বরদো য়দি মে দেব বরমেতং প্রয়চ্ছ মে ।
এতৈস্তু নামভির্যস্ত্বাং নরঃ স্তোষ্যতি নিত্যশঃ ॥ ২০ ॥

তস্য পাপক্ষয়ং দেব কুরু ভক্তস্য ভাস্কর ॥ ২১ ॥

তেনৈবমুক্তো দিনকৃত্ তথেতি
ত্বষ্টারমুক্ত্বা বিররাম ভাস্করঃ ।
সংজ্ঞাং বিশঙ্কাং রবিমণ্ডলস্থিতাং
কৃত্বা জগামাথ রবিং প্রসাদ্য ॥ ২২ ॥

ইতি শ্রীনরসিংহপুরাণে একোনবিংশোঽধ্যায়ঃ ॥ ১৯ ॥

Also Read:

Surya Ashtottara Shatanama Stotra by Vishvakarma in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Bengali Surya Ashtottara Shatanama Stotra by Vishvakarma | Sri Surya Bhagwan Slokam

Leave a Reply

Your email address will not be published. Required fields are marked *

Scroll to top