Gayatri Atharvashirsha in Oriya:
॥ ଗାୟତ୍ର୍ୟଥର୍ୱଶୀର୍ଷମ୍ ॥
ଶ୍ରୀଗଣେଶାୟ ନମଃ ॥
ନମସ୍କୃତ୍ୟ ଭଗବାନ୍ ଯାଜ୍ଞବଲ୍କ୍ୟଃ ସ୍ୱୟଂ ପରିପୃଚ୍ଛତି
ତ୍ୱଂ ବ୍ରୂହି ଭଗବନ୍ ଗାୟତ୍ର୍ୟା ଉତ୍ପତ୍ତିଂ ଶ୍ରୋତୁମିଚ୍ଛାମି ॥ ୧ ॥
ବ୍ରହ୍ମୋବାଚ ।
ପ୍ରଣବେନ ବ୍ୟାହୃତୟଃ ପ୍ରବର୍ତନ୍ତେ ତମସସ୍ତୁ ପରଂ ଜ୍ୟୋତିଷ୍କଃ ପୁରୁଷଃ ସ୍ୱୟମ୍ ।
ଭୂର୍ୱିଷ୍ଣୁରିତି ହ ତାଃ ସାଙ୍ଗୁଲ୍ୟା ମଥେତ୍ ॥ ୨ ॥
ମଥ୍ୟମାନାତ୍ଫେନୋ ଭବତି ଫେନାଦ୍ବୁଦ୍ବୁଦୋ ଭବତି ବୁଦ୍ବୁଦାଦଣ୍ଡଂ ଭବତି
ଅଣ୍ଡବାନାତ୍ମା ଭବତି ଆତ୍ମନ ଆକାଶୋ ଭବତି ଆକାଶାଦ୍ୱାୟୁର୍ଭବତି
ବାୟୋରଗ୍ନିର୍ଭବତି ଅଗ୍ନେରୋଙ୍କାରୋ ଭବତି ଓଙ୍କାରାଦ୍ୱ୍ୟାହୃତିର୍ଭବତି
ବ୍ୟାହୃତ୍ୟା ଗାୟତ୍ରୀ ଭବତି ଗାୟତ୍ର୍ୟାଃ ସାବିତ୍ରୀ ଭବତି ସାବିତ୍ର୍ୟାଃ
ସରସ୍ୱତୀ ଭବତି ସରସ୍ୱତ୍ୟା ବେଦା ଭବନ୍ତି ବେଦେଭ୍ୟୋ ବ୍ରହ୍ମା ଭବତି
ବ୍ରହ୍ମଣୋ ଲୋକା ଭବନ୍ତି ତସ୍ମାଲ୍ଲୋକାଃ ପ୍ରବର୍ତନ୍ତେ ଚତ୍ୱାରୋ ବେଦାଃ ସାଙ୍ଗାଃ
ସୋପନିଷଦଃ ସେତିହାସାସ୍ତେ ସର୍ୱେ ଗାୟତ୍ର୍ୟାଃ ପ୍ରବର୍ତନ୍ତେ ଯଥାଽଗ୍ନିର୍ଦେବାନାଂ
ବ୍ରାହ୍ମଣୋ ମନୁଷ୍ୟାଣାଂ ମେରୁଃ ଶିଖରିଣାଂ ଗଙ୍ଗା ନଦୀନାଂ ବସନ୍ତ ଋତୂନାଂ
ବ୍ରହ୍ମା ପ୍ରଜାପତୀନାମେବାସୌ ମୁଖ୍ୟୋ ଗାୟତ୍ର୍ୟା ଗାୟତ୍ରୀ ଛନ୍ଦୋ ଭବତି ॥ ୩ ॥
କିଂ ଭୂଃ କିଂ ଭୁବଃ କିଂ ସ୍ୱଃ କିଂ ମହଃ କିଂ ଜନଃ କିଂ ତପଃ କିଂ ସତ୍ୟଂ
କିଂ ତତ୍ କିଂ ସବିତୁଃ କିଂ ବରେଣ୍ୟଂ କିଂ ଭର୍ଗଃ କିଂ ଦେବସ୍ୟ କିଂ ଧୀମହି
କିଂ ଧିୟଃ କିଂ ଯଃ କିଂ ନଃ କିଂ ପ୍ରଚୋଦୟାତ୍ ॥ ୪ ॥
ଭୂରିତି ଭୂର୍ଲୋକଃ ଭୁବ ଇତ୍ୟନ୍ତରିକ୍ଷଲୋକଃ ।
ସ୍ୱରିତି ସ୍ୱର୍ଲୋକୋ ମହ ଇତି ମହର୍ଲୋକୋ ଜନ ଇତି ଜନୋ ଲୋକସ୍ତପ
ଇତି ତପୋଲୋକଃ ସତ୍ୟମିତି ସତ୍ୟଲୋକଃ ।
ଭୂର୍ଭୁବଃସ୍ୱରୋମିତି ତ୍ରୈଲୋକ୍ୟମ୍ ॥ ୫ ॥
ତଦସୌ ତେଜୋ ଯତ୍ତେଜସୋଽଗ୍ନିର୍ଦେବତା ସବିତୁରିତ୍ୟାଦିତ୍ୟସ୍ୟ ବରେଣ୍ୟମିତ୍ୟନ୍ନମ୍ ।
ଅନ୍ନମେବ ପ୍ରଜାପତିର୍ଭର୍ଗ ଇତ୍ୟାପଃ ।
ଆପୋ ବୈ ଭର୍ଗ ଏତାବତ୍ସର୍ୱା ଦେବତା ଦେବସ୍ୟେନ୍ଦ୍ରୋ ବୈ ଦେବୟଦ୍ଦିବଂ
ତଦିନ୍ଦ୍ରସ୍ତସ୍ମାତ୍ସର୍ୱକୃତ୍ ପୁରୁଷୋ ନାମ ବିଷ୍ଣୁଃ ॥ ୬ ॥
ଧୀମହି କିମଧ୍ୟାତ୍ମଂ ତତ୍ପରମଂ ପଦମିତ୍ୟଧ୍ୟାତ୍ମଂ ଯୋ ନ ଇତି ପୃଥିବୀ ବୈ
ଯୋ ନଃ ପ୍ରଚୋଦୟାତ୍ କାମ ଇମାଁଲ୍ଲୋକାନ୍ ପ୍ରଚ୍ୟାବୟନ୍ ଯୋ ନୃଶଂସ୍ୟୋଽସ୍ତୋ-
ଷ୍ୟସ୍ତତ୍ପରମୋ ଧର୍ମ ଇତ୍ୟେଷା ଗାୟତ୍ରୀ କିଙ୍ଗୋତ୍ରା କତ୍ୟକ୍ଷରା କତିପଦା
କତିକୁକ୍ଷିଃ କତିଶୀର୍ଷା ଚ ॥ ୭ ॥
ସାଙ୍ଖ୍ୟାୟନସଗୋତ୍ରା ଗାୟତ୍ରୀ ଚତୁର୍ୱିଂଶତ୍ୟକ୍ଷରା ତ୍ରିପଦା
ଷଟ୍କୁକ୍ଷିଃ ସାବିତ୍ରୀ କଶାସ୍ତ୍ରୟଃ ପାଦା ଭବନ୍ତି ॥ ୮ ॥
କାଽସ୍ୟାଃ କୁକ୍ଷିଃ କାନି ପଞ୍ଚ ଶୀର୍ଷାଣି ।
ଋଗ୍ୱେଦୋଽସ୍ୟାଃ ପ୍ରଥମଃ ପାଦୋ ଭବତି ଯଜୁର୍ୱେଦୋ ଦ୍ୱିତୀୟଃ
ସାମବେଦସ୍ତୃତୀୟଃ ପୂର୍ୱା ଦିକ୍ ପ୍ରଥମା କୁକ୍ଷିର୍ଭବତି ଦକ୍ଷିଣା ଦ୍ୱିତୀୟା
ପଶ୍ଚିମା ତୃତୀୟା ଉଦୀଚୀ ଚତୁର୍ଥା ଊର୍ଧ୍ୱା ପଞ୍ଚମୀ ଅଧରା ଷଷ୍ଠୀ
କୁକ୍ଷିଃ । ବ୍ୟାକରଣମସ୍ୟାଃ ପ୍ରଥମଂ ଶୀର୍ଷଂ ଭବତି ଶିକ୍ଷା ଦ୍ୱିତୀୟଂ
କଲ୍ପସ୍ତୃତୀୟଂ ନିରୁକ୍ତଃ ଜ୍ୟୋତିଷାମୟନଂ ପଞ୍ଚମମ୍ ॥ ୯ ॥
କିଂ ଲକ୍ଷଣଂ କିମୁ ଚେଷ୍ଟିତଂ କିମୁଦାହୃତଂ କିମକ୍ଷରଂ ଦୈବତ୍ୟମ୍ ॥ ୧୦ ॥
ଲକ୍ଷଣଂ ମୀମାଂସା ଅଥର୍ୱବେଦୋ ବିଚେଷ୍ଟିତମ୍ ।
ଛନ୍ଦୋବିଧିରିତ୍ୟୁଦାହୃତମ୍ ॥ ୧୧ ॥
କୋ ବର୍ଣଃ କଃ ସ୍ୱରଃ ।
ଶ୍ୱେତୋ ବର୍ଣଃ ଷଟ୍ ସ୍ୱରାଣି ଇମାନ୍ୟକ୍ଷରାଣି ଦୈବତାନି ଭବନ୍ତି
ପୂର୍ୱା ଭବତି ଗାୟତ୍ରୀ ମଧ୍ୟମା ସାବିତ୍ରୀ ପଶ୍ଚିମା ସନ୍ଧ୍ୟା ସରସ୍ୱତୀ ॥ ୧୨ ॥
ପ୍ରାତଃ ସନ୍ଧ୍ୟା ରକ୍ତା ରକ୍ତପଦ୍ମାସନସ୍ଥା ରକ୍ତାମ୍ବରଧରା
ରକ୍ତବର୍ଣା ରକ୍ତଗନ୍ଧାନୁଲେପନା ଚତୁର୍ମୁଖା ଅଷ୍ଟଭୁଜା ଦ୍ୱିନେତ୍ରା
ଦଣ୍ଡାକ୍ଷମାଲାକମଣ୍ଡଲୁସ୍ରୁକ୍ସ୍ରୁବଧାରିଣୀ ସର୍ୱାଭରଣଭୂଷିତା କୌମାରୀ
ବ୍ରାହ୍ମୀ ହଂସବାହିନୀ ଋଗ୍ୱେଦସଂହିତା ବ୍ରହ୍ମଦୈବତ୍ୟା ତ୍ରିପଦା ଗାୟତ୍ରୀ
ଷଟ୍କ୍ରୁକ୍ଷିଃ ପଞ୍ଚଶୀର୍ଷା ଅଗ୍ନିମୁଖା ରୁଦ୍ରଶିବବିଷ୍ଣୁହୃଦୟା
ବ୍ରହ୍ମକବଚା ସାଙ୍ଖ୍ୟାୟନସଗୋତ୍ରା ଭୂର୍ଲୋକବ୍ୟାପିନୀ ଅଗ୍ନିସ୍ତତ୍ତ୍ୱଂ
ଉଦାତ୍ତାନୁଦାତ୍ତସ୍ୱରିତସ୍ୱରମକାର ଆତ୍ମଜ୍ଞାନେ ବିନିୟୋଗଃ ।
ଇତ୍ୟେଷା ଗାୟତ୍ରୀ ॥ ୧୩ ॥
ମଧ୍ୟାହ୍ନସନ୍ଧ୍ୟା ଶ୍ୱେତା ଶ୍ୱେତପଦ୍ମାସନସ୍ଥା ଶ୍ୱେତାମ୍ବରଧରା
ଶ୍ୱେତଗନ୍ଧାନୁଲେପନା ପଞ୍ଚମୁଖୀ ଦଶଭୁଜା ତ୍ରିନେତ୍ରା ଶୂଲାକ୍ଷମାଲା
କମଣ୍ଡଲୁକପାଲଧାରିଣୀ ସର୍ୱାଭରଣଭୂଷିତା ସାବିତ୍ରୀ ଯୁବତୀ ମାହେଶ୍ୱରୀ
ବୃଷଭବାହିନୀ ଯଜୁର୍ୱେଦସଂହିତା ରୁଦ୍ରଦୈବତ୍ୟା ତ୍ରିପଦା ସାବିତ୍ରୀ ଷଟ୍କୁକ୍ଷିଃ
ପଞ୍ଚଶୀର୍ଷା ଅଗ୍ନିମୁଖା ରୁଦ୍ରଶିଖା ବ୍ରହ୍ମକବଚା ଭାରଦ୍ୱାଜସଗୋତ୍ରା
ଭୁବର୍ଲୋକବ୍ୟାପିନୀ ବାୟୁସ୍ତତ୍ତ୍ୱଂ ଉଦାତ୍ତାନୁଦାତ୍ତସ୍ୱରିତସ୍ୱରମକାରଃ
ଶ୍ୱେତବର୍ଣ ଆତ୍ମଜ୍ଞାନେ ବିନିୟୋଗଃ । ଇତ୍ୟେଷା ସାବିତ୍ରୀ ॥ ୧୪ ॥
ସାୟଂସନ୍ଧ୍ୟା କୃଷ୍ଣା କୃଷ୍ଣପଦ୍ମାସନସ୍ଥା କୃଷ୍ଣାମ୍ବରଧରା
କୃଷ୍ଣବର୍ଣା କୃଷ୍ଣଗନ୍ଧାନୁଲେପନା କୃଷ୍ଣମାଲ୍ୟାମ୍ବରଧରା
ଏକମୁଖୀ ଚତୁର୍ଭୁଜା ଦ୍ୱିନେତ୍ରା ଶଙ୍ଖଚକ୍ରଗଦାପଦ୍ମଧାରିଣୀ
ସର୍ୱାଭରଣଭୂଷିତା ସରସ୍ୱତୀ ବୃଦ୍ଧା ବୈଷ୍ଣବୀ ଗରୁଡବାହିନୀ
ସାମବେଦସଂହିତା ବିଷ୍ଣୁଦୈବତ୍ୟା ତ୍ରିପଦା ଷଟ୍କୁକ୍ଷିଃ ପଞ୍ଚଶୀର୍ଷା
ଅଗ୍ନିମୁଖା ବିଷ୍ଣୁହୃଦୟା ରୁଦ୍ରଶିଖା ବ୍ରହ୍ମକବଚା କାଶ୍ୟପସଗୋତ୍ରା
ସ୍ୱର୍ଲୋକବ୍ୟାପିନୀ ସୂର୍ୟସ୍ତତ୍ତ୍ୱମୁଦାତ୍ତାନୁଦାତ୍ତସ୍ୱରିତମକାରଃ କୃଷ୍ଣବର୍ଣୋ
ମୋକ୍ଷଜ୍ଞାନେ ବିନିୟୋଗଃ । ଇତ୍ୟେଷା ସରସ୍ୱତୀ ॥ ୧୫ ॥
ରକ୍ତା ଗାୟତ୍ରୀ ଶ୍ୱେତା ସାବିତ୍ରୀ କୃଷ୍ଣବର୍ଣା ସରସ୍ୱତୀ ।
ପ୍ରଣବୋ ନିତ୍ୟଯୁକ୍ତଶ୍ଚ ବ୍ୟାହୃତୀଷୁ ଚ ସପ୍ତସୁ ॥ ୧୬ ॥
ସର୍ୱେଷାମେବ ପାପାନାଂ ସଙ୍କରେ ସମୁପସ୍ଥିତେ ।
ଦଶ ଶତଂ ସମଭ୍ୟର୍ଚ୍ୟ ଗାୟତ୍ରୀ ପାବନୀ ମହତ୍ ॥ ୧୭ ॥
ପ୍ରହ୍ରାଦୋଽତ୍ରିର୍ୱସିଷ୍ଠଶ୍ଚ ଶୁକଃ କଣ୍ୱଃ ପରାଶରଃ ।
ବିଶ୍ୱାମିତ୍ରୋ ମହାତେଜାଃ କପିଲଃ ଶୌନକୋ ମହାନ୍ ॥ ୧୮ ॥
ଯାଜ୍ଞବଲ୍କ୍ୟୋ ଭରଦ୍ୱାଜୋ ଜମଦଗ୍ନିସ୍ତପୋନିଧିଃ ।
ଗୌତମୋ ମୁଦ୍ଗଲଃ ଶ୍ରେଷ୍ଠୋ ବେଦବ୍ୟାସଶ୍ଚ ଲୋମଶଃ ॥ ୧୯ ॥
ଅଗସ୍ତ୍ୟଃ କୌଶିକୋ ବତ୍ସଃ ପୁଲସ୍ତ୍ୟୋ ମାଣ୍ଡୁକସ୍ତଥା ।
ଦୁର୍ୱାସାସ୍ତପସା ଶ୍ରେଷ୍ଠୋ ନାରଦଃ କଶ୍ୟପସ୍ତଥା ॥ ୨୦ ॥
ଉକ୍ତାତ୍ୟୁକ୍ତା ତଥା ମଧ୍ୟା ପ୍ରତିଷ୍ଠାନ୍ୟାସୁ ପୂର୍ୱିକା ।
ଗାୟତ୍ର୍ୟୁଷ୍ଣିଗନୁଷ୍ଟୁପ୍ ଚ ବୃହତୀ ପଙ୍କ୍ତିରେବ ଚ ॥ ୨୧ ॥
ତ୍ରିଷ୍ଟୁପ୍ ଚ ଜଗତୀ ଚୈବ ତଥାତିଜଗତୀ ମତା ।
ଶକ୍ୱରୀ ସାତିପୂର୍ୱା ଯାଦଷ୍ଟ୍ୟତ୍ୟଷ୍ଟୀ ତଥୈବ ଚ ।
ଧୃତିଶ୍ଚାତିଧୃତିଶ୍ଚୈବ ପ୍ରକୃତିଃ କୃତିରାକୃତିଃ ॥ ୨୨ ॥
ବିକୃତିଃ ସଙ୍କୃତିଶ୍ଚୈବ ତଥାତିକୃତିରୁତ୍କୃତିଃ ।
ଇତ୍ୟେତାଶ୍ଛନ୍ଦସାଂ ସଂଜ୍ଞାଃ କ୍ରମଶୋ ବଚ୍ମି ସାମ୍ପ୍ରତମ୍ ॥ ୨୩ ॥
ଭୂରିତି ଛେନ୍ଦୋ ଭୁବ ଇତି ଛନ୍ଦଃ ସ୍ୱରିତି ଛନ୍ଦୋ
ଭୂର୍ଭୁବଃସ୍ୱରୋମିତି ଦେବୀ ଗାୟତ୍ରୀ ଇତ୍ୟେତାନି ଛନ୍ଦାଂସି ପ୍ରଥମମାଗ୍ନେୟଂ
ଦ୍ୱିତୀୟଂ ପ୍ରାଜାପତ୍ୟଂ ତୃତୀୟଂ ସୌମ୍ୟଂ ଚତୁର୍ଥମୈଶାନଂ
ପଞ୍ଚମମାଦିତ୍ୟଂ ଷଷ୍ଠଂ ବାର୍ହସ୍ପତ୍ୟଂ ସପ୍ତମଂ ପିତୃଦୈବତ୍ୟମଷ୍ଟମଂ
ଭଗଦୈବତ୍ୟଂ ନବମମାର୍ୟମଂ ଦଶମଂ ସାବିତ୍ରମେକାଦଶଂ ତ୍ୱାଷ୍ଟ୍ରଂ
ଦ୍ୱାଦଶଂ ପୌଷ୍ଣଂ ତ୍ରୟୋଦଶମୈନ୍ଦ୍ରାଗ୍ନଂ ଚତୁର୍ଦଶଂ ବାୟବ୍ୟଂ ପଞ୍ଚଦଶଂ
ବାମଦୈବତ୍ୟଂ ଷୋଡଶଂ ମୈତ୍ରାବରୁଣଂ ସପ୍ତଦଶମାଙ୍ଗିରସମଷ୍ଟାଦଶଂ
ବୈଶ୍ୱଦେବ୍ୟମେକୋନବିଂଶଂ ବୈଷ୍ଣବଂ ବିଂଶଂ ବାସବମେକବିଂଶଂ ରୌଦ୍ରଂ
ଦ୍ୱାବିଂଶମାଶ୍ୱିନଂ ତ୍ରୟୋବିଂଶଂ ବ୍ରାହ୍ମଂ ଚତୁର୍ୱିଶଂ ସାବିତ୍ରମ୍ ॥ ୨୪ ॥
ଦୀର୍ଘାନ୍ସ୍ୱରେଣ ସଂୟୁକ୍ତାନ୍ ବିନ୍ଦୁନାଦସମନ୍ୱିତାନ୍ ।
ବ୍ୟାପକାନ୍ୱିନ୍ୟସେତ୍ପଶ୍ଚାଦ୍ଦଶପଙ୍କ୍ତ୍ୟକ୍ଷରାଣି ଚ ।
ଦ୍ରବୁପୁଂସ ଇତି ପ୍ରତ୍ୟକ୍ଷବୀଜାନି ।
ପ୍ରହ୍ଲାଦିନୀ ପ୍ରଭା ସତ୍ୟା ବିଶ୍ୱା ଭଦ୍ରା ବିଲାସିନୀ ।
ପ୍ରଭାବତୀ ଜୟା କାନ୍ତା ଶାନ୍ତା ପଦ୍ମା ସରସ୍ୱତୀ ॥ ୨୫ ॥
ବିଦ୍ରୁମସ୍ଫଟିକାକାରଂ ପଦ୍ମରାଗସମପ୍ରଭମ୍ ।
ଇନ୍ଦ୍ରନୀଲମଣିପ୍ରଖ୍ୟଂ ମୌକ୍ତିକଂ କୁଙ୍କୁମପ୍ରଭମ୍ ॥ ୨୬ ॥
ଅଞ୍ଜନାଭଂ ଚ ଗାଙ୍ଗେୟଂ ବୈଡୂର୍ୟଂ ଚନ୍ଦ୍ରସନ୍ନିଭମ୍ ।
ହାରିଦ୍ରଂ କୃଷ୍ଣଦୁଗ୍ଧାଭଂ ରବିକାନ୍ତିସମଂ ଭବମ୍ ॥ ୨୭ ॥
ଶୁକପିଚ୍ଛସମାକାରଂ କ୍ରମେଣ ପରିକଲ୍ପୟେତ୍ ।
ପୃଥିବ୍ୟାପସ୍ତଥା ତେଜୋ ବାୟୁରାକାଶ ଏବ ଚ ॥ ୨୮ ॥
ଗନ୍ଧୋ ରସଶ୍ଚ ରୂପଂ ଚ ଶବ୍ଦଃ ସ୍ପର୍ଶସ୍ତଥୈବ ଚ ॥ ୨୯ ॥
ଘ୍ରାଣଂ ଜିହ୍ୱା ଚ ଚକ୍ଷୁଶ୍ଚ ତ୍ୱକ୍ ଶ୍ରୋତ୍ରଂ ଚ ତଥାପରମ୍ ।
ଉପସ୍ଥପାୟୁପାଦାଦି ପାଣିର୍ୱାଗପି ଚ କ୍ରମାତ୍ ॥ ୩୦ ॥
ମନୋ ବୁଦ୍ଧିରହଙ୍କାରମବ୍ୟକ୍ତଂ ଚ ଯଥାକ୍ରମମ୍ ।
ସୁମୁଖଂ ସମ୍ପୁଟଂ ଚୈବ ବିତତଂ ବିସ୍ତୃତଂ ତଥା ।
ଏକମୁଖଂ ଚ ଦ୍ୱିମୁଖଂ ତ୍ରିମୁଖଂ ଚ ଚତୁର୍ମୁଖମ୍ ॥ ୩୧ ॥
ପଞ୍ଚମୁଖଂ ଷଣ୍ମୁଖଂ ଚାଧୋମୁଖଂ ଚୈବ ବ୍ୟାପକମ୍ ।
ଅଞ୍ଜଲୀକଂ ତତଃ ପ୍ରୋକ୍ତଂ ମୁଦ୍ରିତଂ ତୁ ତ୍ରୟୋଦଶମ୍ ॥ ୩୨ ॥
ଶକଟଂ ଯମପାଶଂ ଚ ଗ୍ରଥିତଂ ସମ୍ମୁଖୋନ୍ମୁଖମ୍ ।
ପ୍ରଲମ୍ବଂ ମୁଷ୍ଟିକଂ ଚୈବ ମତ୍ସ୍ୟଃ କୂର୍ମୋ ବରାହକମ୍ ॥ ୩୩ ॥
ସିଂହାକ୍ରାନ୍ତଂ ମହାକ୍ରାନ୍ତଂ ମୁଦ୍ଗରଂ ପଲ୍ଲବଂ ତଥା ।
ଏତା ମୁଦ୍ରାଶ୍ଚତୁର୍ୱିଶଦ୍ଗାୟତ୍ର୍ୟାଃ ସୁପ୍ରତିଷ୍ଠିତାଃ ॥ ୩୪ ॥
ଓଁ ମୂର୍ଘ୍ନି ସଙ୍ଘାତେ ବ୍ରହ୍ମା ବିଷ୍ଣୁର୍ଲଲାଟେ ରୁଦ୍ରୋ ଭ୍ରୂମଧ୍ୟେ
ଚକ୍ଷୁଶ୍ଚନ୍ଦ୍ରାଦିତ୍ୟୌ କର୍ଣୟୋଃ ଶୁକ୍ରବୃହସ୍ପତୀ ନାସିକେ ବାୟୁଦୈବତ୍ୟଂ
ପ୍ରଭାତଂ ଦୋଷା ଉଭେ ସନ୍ଧ୍ୟେ ମୁଖମଗ୍ନିର୍ଜିହ୍ୱା ସରସ୍ୱତୀ ଗ୍ରୀବା ସ୍ୱାଧ୍ୟାୟାଃ
ସ୍ତନୟୋର୍ୱସବୋ ବାହ୍ୱୋର୍ମରୁତଃ ହୃଦୟଂ ପର୍ଜନ୍ୟମାକାଶମପରଂ
ନାଭିରନ୍ତରିକ୍ଷଂ କଟିରିନ୍ଦ୍ରିୟାଣି ଜଘନଂ ପ୍ରାଜାପତ୍ୟଂ କୈଲାସମଲୟୌ
ଊରୂ ବିଶ୍ୱେଦେବା ଜାନୁଭ୍ୟାଂ ଜାନ୍ୱୋଃ କୁଶିକୌ ଜଙ୍ଘୟୋରୟନଦ୍ୱୟଂ ସୁରାଃ
ପିତରଃ ପାଦୌ ପୃଥିବୀ ବନସ୍ପତିର୍ଗୁଲ୍ଫୌ ରୋମାଣି ମୁହୂର୍ତାସ୍ତେ ବିଗ୍ରହାଃ
କେତୁମାସା ଋତବଃ ସନ୍ଧ୍ୟାକାଲତ୍ରୟମାଚ୍ଛାଦନଂ ସଂବତ୍ସରୋ ନିମିଷଃ
ଅହୋରାତ୍ରାବାଦିତ୍ୟଚନ୍ଦ୍ରମସୌ ସହସ୍ରପରମାଂ ଦେବୀଂ ଶତମଧ୍ୟାଂ
ଦଶାପରାମ୍ । ସହସ୍ରନେତ୍ରୀଂ ଦେବୀଂ ଗାୟତ୍ରୀଂ ଶରଣମହଂ ପ୍ରପଦ୍ୟେ ॥ ୩୫ ॥
ତତ୍ସବିତୁର୍ୱରଦାୟ ନମଃ ତତ୍ପ୍ରାତରାଦିତ୍ୟାୟ ନମଃ ।
ସାୟମଧୀୟାନୋ ରାତ୍ରିକୃତଂ ପାପଂ ନାଶୟତି ॥ ୩୬ ॥
ପ୍ରାତରଧୀୟାନୋ ରାତ୍ରିକୃତଂ ପାପଂ ନାଶୟତି ।
ତତ୍ସାୟମ୍ପ୍ରାତଃ ପ୍ରୟୁଞ୍ଜାନୋଽପାପୋ ଭବତି ।
ଯ ଇଦଂ ଗାୟତ୍ର୍ୟଥର୍ୱଶୀର୍ଷଂ ବ୍ରାହ୍ମଣଃ ପ୍ରୟତଃ ପଠେତ୍ ।
ଚତ୍ୱାରୋ ବେଦା ଅଧୀତା ଭବନ୍ତି ।
ସର୍ୱେଷୁ ତୀର୍ଥେଷୁ ସ୍ନାତୋ ଭବତି ସର୍ୱୈଦେବୈର୍ଜ୍ଞାତୋ ଭବତି ।
ସର୍ୱପ୍ରତ୍ୟୂହାତ୍ପୂତୋ ଭବତି ॥ ୩୭ ॥
ଅପେୟପାନାତ୍ପୂତୋ ଭବତି ॥ ୩୮ ॥
ଅଭକ୍ଷ୍ୟଭକ୍ଷଣାତ୍ପୂତୋ ଭବତି ।
ଅଲେହ୍ୟଲେହନାତ୍ପୂତୋ ଭବତି ।
ଅଚୋଷ୍ୟଚୋଷଣାତ୍ପୂତୋ ଭବତି ।
ସୁରାପାନାତ୍ପୂତୋ ଭବତି ॥ ୩୯ ॥
ସୁବର୍ଣସ୍ତେୟାତ୍ପୂତୋ ଭବତି ।
ପଙ୍କ୍ତିଭେଦନାତ୍ପୂତୋ ଭବତି ।
ପତିତସମ୍ଭାଷଣାତ୍ପୂତୋ ଭବତି ।
ଅନୃତବଚନାତ୍ପୂତୋ ଭବତି ।
ଗୁରୁତଲ୍ପଗମନାତ୍ପୂତୋ ଭବତି ।
ଅଗମ୍ୟାଗମନାତ୍ପୂତୋ ଭବତି ।
ବୃଷଲୀଗମନାତ୍ପୂତୋ ଭବତି ॥ ୪୦ ॥
ବ୍ରହ୍ମହତ୍ୟାୟାଃ ପୂତୋ ଭବତି ।
ଭ୍ରୂଣହତ୍ୟାୟାଃ ପୂତୋ ଭବତି ।
ବୀରହତ୍ୟାୟାଃ ପୂତୋ ଭବତି ।
ଅବ୍ରହ୍ମଚାରୀ ସୁବ୍ରହ୍ମଚାରୀ ଭବତି ॥ ୪୧ ॥
ଅନେନାଥର୍ୱର୍ଶାର୍ଷେଣାଧୀତେନ କ୍ରତୁଶତେନେଷ୍ଟଂ ଭବତି ।
ଷଷ୍ଟିସହସ୍ରଂ ଗାୟତ୍ରୀ ଜପ୍ତା ଭବତି ।
ଅଷ୍ଟୌ ବ୍ରାହ୍ମଣାନ୍ ଗ୍ରାହୟେଦର୍ଥସିଦ୍ଧିର୍ଭବତି ।
ଯ ଇଦଂ ଗାୟତ୍ର୍ୟଥର୍ୱଶୀର୍ଷଂ ବ୍ରାହ୍ମଣଃ ପ୍ରୟତଃ ପଠେତ୍ ।
ସ ସର୍ୱପାପୈଃ ପ୍ରମୁଚ୍ୟତେ ବ୍ରହ୍ମଲୋକେ ମହୀୟତେ ବ୍ରହ୍ମଲୋକେ ମହୀୟତେ ॥ ୪୨ ॥
ଇତି ଗାୟତ୍ର୍ୟଥର୍ୱଶୀର୍ଷଂ ସମ୍ପୂର୍ଣମ୍ ॥
Also Read:
Gayatri Atharvashirsha Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
