Hanumath Ashtakam in Telugu:
॥ హనుమదష్టకమ్ ॥
వీర! త్వమాదిథ రవిం తమసా త్రిలోకీ
వ్యాప్తా భయం తదిహ కోఽపి న హర్త్తుమీశః ।
దేవైః స్తుతస్తమవముచ్య నివారితా భీ-
ర్జానాతి కో న భువి సఙ్కటమోచనం త్వామ్ ॥ ౧ ॥
భ్రాతుర్భయాదవసదద్రివరే కపీశః
శాపాన్మునే రధువరం ప్రతివీక్షమాణః ।
ఆనీయ తం త్వమకరోః ప్రభుమార్త్తిహీనం
జానాతి కో న భువి సఙ్కటమోచనం త్వామ్ ॥ ౨ ॥
విజ్ఞాపయఞ్జనకజా -స్థితిమీశవర్యం
సీతావిమార్గణపరస్య కపేర్గణస్య ।
ప్రాణాన్ రరక్షిథ సముద్రతటస్థితస్య
జానాతి కో న భువి సఙ్కటమోచనం త్వామ్ ॥ ౩ ॥
శోకాన్వితాం జనకజాం కృతవానశోకాం
ముద్రాం సమర్ప్య రఘునన్దననామయుక్తామ ।
హత్వా రిపూనరిపురం హుతవాన్ కృశానౌ
జానాతి కో న భువి సఙ్కటమోచనం త్వామ్ ॥ ౪ ॥
శ్రీలక్ష్మణ నిహతవాన్ యుధి మేఘనాదో
ద్రోణాచలం త్వముదపాటయ ఔషధార్థమ్ ।
ఆనీయ తం విహితవానసుమన్తమాశు
జానాతి కో న భువి సఙ్కటమోచనం త్వామ్ ॥ ౫ ॥
యుద్ధే దశాస్యవిహితే కిల నాగపాశై-
ర్బద్ధాం విలోక్య పృతనాం ముముహే ఖరారిః ।
ఆనీయ నాగభుజమాశు నివారితా భీ-
ర్జానాతి కో న భువి సఙ్కటమోచనం త్వామ్ ॥ ౬ ॥
భ్రాత్రాన్వితం రఘువరం త్వహిలోకమేత్య
దేవ్యై ప్రదాతుమనసం త్వహిరావణం త్వామ్ ।
సైన్యాన్వితం నిహతవాననిలాత్మజం ద్రాక్
జానాతి కో న భువి సఙ్కటమోచనం త్వామ్ ॥ ౭ ॥
వీర! త్వయా హి విహితం సురసర్వకార్యం
మత్సఙ్కటం కిమిహ యత్త్వయకా న హార్యమ్ ।
ఏతద్ విచార్య హర సఙ్కటమాశు మే త్వం
జానాతి కో న భువి సఙ్కటమోచనం త్వామ్ ॥ ౮ ॥
రక్తవర్ణో మహాకాయో రక్తలాఙ్గులవాఞ్ఛుచిః ।
హనూమాన్ దుష్టదలనః సదా విజయతేతరామ్ ॥ ౯ ॥
హనుమదష్టకమేతదనుత్తమం సుకవి-భక్త-సుధీ-తులసీకృతమ్ ।
కపిలదేవబుధాఽనుకృతం తథా సురగిరాఽభయదం సకలార్థదమ్ ॥ ౧౦ ॥
ఇతి వారాణసేయ-సంస్కృత-విశ్వవిద్యాలయ-వ్యాఖ్యాతా-
పణ్డితశ్రీకపిలదేవత్రిపాఠినా విరచితం హనుమదష్టకం సమాప్తమ్ ।
Also Read:
Hanumad Ashtakam 1 Lyrics Hindi | English | Telugu | Tamil | Kannada | Malayalam | Bengali | Oriya | Gujarati | Punjabi
