Himalaya Krutam Shiva Stotram in Telugu:
॥ హిమాలయకృతం శివస్తోత్రమ్ ॥
శివాయ నమః ॥
హిమాలయ కృతం శివ స్తోత్రమ్
హిమాలయ ఉవాచ ॥
త్వం బ్రహ్మా సృష్టికర్తా చ త్వం విష్ణుః పరిపాలకః |
త్వం శివః శివదోఽనన్తః సర్వసంహారకారకః ॥ ౧ ॥
త్వమీశ్వరో గుణాతీతో జ్యోతీరూపః సనాతనః
ప్రకృతః ప్రకృతీశశ్చ ప్రాకృతః ప్రకృతేః పరః ॥ ౨ ॥
నానారూపవిధాతా త్వం భక్తానాం ధ్యానహేతవే |
యేషు రూపేపు యత్ప్రీతిస్తత్తద్రూపం బిభర్షి చ ॥ ౩ ॥
సూర్యస్త్వం సృష్టిజనక ఆధారః సర్వతేజసామ్ |
సోమస్త్వం సస్యపాతా చ సతతం శీతరశ్మినా ॥ ౪ ॥
వాయుస్త్వం వరుణస్త్వం చ విద్వాంశ్చ విదుషాం గురుః |
మృత్యుఞ్జయో మృత్యుమృత్యుః కాలకాలో యమాన్తకః ॥ ౫ ॥
వేదస్త్వం వేదకర్తా చ వేదవేదాఙ్గపారగః |
విదుషాం జనకస్త్వం చ విద్వాంశ్చ విదుషాం గురుః ॥ ౬ ॥
మన్త్రస్త్వం హి జపస్త్వం హి తపస్త్వం తత్ఫలప్రదః |
వాక్ త్వం రాగాధిదేవీ త్వం తత్కర్తా తద్గురుః స్వయమ్ ॥ ౭ ॥
అహో సరస్వతీబీజ కస్త్వాం స్తోతుమిహేశ్వరః |
ఇత్యేవముక్త్వా శైలేన్ద్రస్తస్థౌ ధృత్వా పదాంబుజమ్ ॥ ౮ ॥
తత్రోవాస తమాబోధ్య చావరుహ్య వృషాచ్ఛివః |
స్తోత్రమేతన్మహాపుణ్యం త్రిసన్ధ్యం యః పఠేన్నరః ॥ ౯ ॥
ముచ్యతే సర్వపాపేభ్యో భయేభ్యశ్చ భవార్ణవే |
అపుత్రో లభతే పుత్రం మాసమేకం పఠేద్యది ॥ ౧౦ ॥
భార్యాహీనో లభేద్భార్యాం సుశీలాం సుమనోహరామ్ |
చిరకాలగతం వస్తు లభతే సహసా ధ్రువమ్ ॥ ౧౧ ॥
రాజ్యభ్రష్టో లభేద్రాజ్యం శఙ్కరస్య ప్రసాదతః |
కారాగారే శ్మశానే చ శత్రుగ్రస్తేఽతిసఙ్కటే ॥ ౧౨ ॥
గభీరేఽతిజలాకీర్ణే భగ్నపోతే విషాదనే |
రణమధ్యే మహాభీతే హింస్రజన్తుసమన్వితే ॥ ౧౩ ॥
యః పఠేచ్ఛ్రద్ధయా సమ్యక్ స్తోత్రమేతజ్జగద్గురోః |
సర్వతో ముచ్యతే స్తుత్వా శఙ్కరస్య ప్రసాదతః ॥ ౧౪ ॥
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖణ్డే
హిమాలయకృతం శివస్తోత్రం సంపూర్ణమ్ ॥
Also Read:
Himalaya Krutam Shiva Stotram Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil
