Templesinindiainfo

Best Spiritual Website

Paduka Ashtakam Lyrics in Telugu

Paduka Ashtakam in Telugu:

॥ పాదుకాష్టకం ॥
శ్రీసమంచితమవ్యయం పరమప్రకాశమగోచరం
భేదవర్జితమప్రమేయమనన్తముఝ్ఝితకల్మషమ్ |
నిర్మలం నిగమాన్తమద్భుతమప్యతర్క్యమనుత్తమం
ప్రాతరేవ హి మానసే గురుపాదుకాద్వయమాశ్రయే || ౧ ||

నాదబిన్దుకళాత్మకం దశనాదవేదవినోదితం
మన్త్రరాజపరాజితం నిజమండలాన్తరభాసితమ్ |
పంచవర్ణమఖండమద్భుతమాదికారణమచ్యుతం
ప్రాతరేవ హి మానసే గురుపాదుకాద్వయమాశ్రయే || ౨ ||

హంతచారుమఖండనాదమనేకవర్ణమరూపకం
శబ్దజాలమయం చరాచరజన్తుదేహనిరాసినమ్ |
చక్రరాజమనాహతోద్భవమేఘవర్ణమతత్పరం
ప్రాతరేవ హి మానసే గురుపాదుకాద్వయమాశ్రయే || ౩ ||

బుద్ధిరూపమబద్ధకం త్రిదైవకూటస్థనివాసినం
నిశ్చయం నిరతప్రకాశమనేకసద్రుచిరూపకమ్ |
పంకజాన్తరఖేలనం నిజశుద్ధసఖ్యమగోచరం
ప్రాతరేవ హి మానసే గురుపాదుకాద్వయమాశ్రయే || ౪ ||

పంచ పంచ హృషీకదేహమనశ్చతుష్క పరస్పరం
పంచభూతనికామషట్కసమీరశబ్దమభీకరమ్ |
పంచకోశగుణత్రయాదిసమస్తధర్మవిలక్షణం
ప్రాతరేవ హి మానసే గురుపాదుకాద్వయమాశ్రయే || ౫ ||

పంచముద్రసులక్ష్యదర్శనభావమాత్రనిరూపణం
విద్యుదాదిదగద్ధగితవినోదకాన్తి వివర్తనమ్ |
చిన్మయత్రయవర్తినం సదసద్వివేకమమాయికం
ప్రాతరేవ హి మానసే గురుపాదుకాద్వయమాశ్రయే || ౬ ||

పంచవర్ణశుకం సమస్తరుచిర్విచిత్రవిచారిణం
చన్ద్రసూర్యచిదాగ్నిమండలమండితం ఘనచిన్మయమ్ |
చిత్కళాపరిపూర్ణమండలచిత్సమాధినిరీక్షితం
ప్రాతరేవ హి మానసే గురుపాదుకాద్వయమాశ్రయే || ౭ ||

స్థూలసూక్ష్మసకారణాన్తర ఖేలనం పరిపాలనం
విశ్వతైజపప్రాజ్ఞచేతసమన్తరాత్మనిజస్థితిమ్ |
సర్వకారణమీశ్వరం నిటలాన్తరాలవిహారిణం
ప్రాతరేవ హి మానసే గురుపాదుకాద్వయమాశ్రయే || ౮ ||

తప్తకాంచనదీప్యమాన మహానురూపమరూపకం
చన్ద్రకాన్తరతారకైరవముజ్జ్వలం పరమం పదమ్ |
నీలనీరదమధ్యమస్థితవిద్యుదాభవిభాసితం
ప్రాతరేవ హి మానసే గురుపాదుకాద్వయమాశ్రయే || ౯ ||

ఇతి పాదుకాష్టకమ్ |

Also Read:

Paduka Ashtakam Lyrics in English | Sanskrit | Kannada | Telugu | Tamil

Paduka Ashtakam Lyrics in Telugu

Leave a Reply

Your email address will not be published. Required fields are marked *

Scroll to top