Pancha Devata Stotram in Malayalam:
॥ പഞ്ചദേവതാ സ്തോത്രം ॥
ഗണേശവിഷ്ണുസൂര്യേശദുര്ഗ്ഗാഖ്യം ദേവപഞ്ചകം ||
വന്ദേ വിശുദ്ധമനസാ ജനസായുജ്യദായകം || ൧ ||
ഏകരൂപാന് ഭിന്നമൂര്ത്തീന് പഞ്ചദേവാന്നമസ്കൃതാന് ||
വന്ദേ വിശുദ്ധഭാവേനേശാംബേനൈകരദാച്യുതാന് || ൨ ||
കല്യാണദായിനോ ദേവാന്നമസ്കാര്യാന്മഹൗജസഃ ||
വിഷ്ണുശംഭുശിവാസൂര്യഗണേശാഖ്യാന്നമാമ്യഹം || ൩ ||
ഏകാത്മനോ ഭിന്നരൂപാന് ലോകരക്ഷണതത്പരാന് ||
ശിവവിഷ്ണുശിവാസൂര്യഹേരംബാന് പ്രണമാമ്യഹം || ൪ ||
ദിവ്യരൂപാനേകരൂപാന്നാനാരൂപാന്നമസ്കൃതാന് ||
ശിവാശങ്കരഹേരംബവിഷ്ണുസൂര്യാന്നമാമ്യഹം || ൫ ||
നിത്യാനാനന്ദസന്ദോഹദായിനോ ദീനപാലകാന് ||
ശിവാച്യുതഗണേശേന ദുര്ഗ്ഗാഖ്യാന് നൗമ്യഹം സുരാന് || ൬ ||
കമനീയതനൂന്ദേവാന് സേവാവശ്യാന് കൃപാവതഃ ||
ശങ്കരേണ ശിവാവിഷ്ണുഗണേശാഖ്യാന്നമാമ്യഹം || ൭ ||
സൂര്യവിഷ്ണുശിവാശംഭുവിഘ്നരാജാഭിധാന്സുരാന് ||
ഏകരൂപാന് സദാ വന്ദേ സുഖസന്ദോഹസിദ്ധയേ || ൮ ||
ഹരൗ ഹരേ തീക്ഷ്ണകരേ ഗണേശേ ശക്തൗ ന ഭേദോ ജഗദാദിഹേതുഷു ||
അധഃ പതന്ത്യേഷു ഭിദാം ദധാനാ ഭാഷാന്ത ഏവംയതയോഽച്യുതാശ്രമാഃ || ൯ ||
ഇതി ശ്രീമദച്യുതാശ്രമവിരചിതം പഞ്ചദേവതാസ്തോത്രം സംപൂര്ണം ||
Also Read:
Panchadevata Stotram Lyrics in Marathi | Gujarati | Bengali | Kannada | Malayalam | Telugu
