Sri Dainya Ashtakam Lyrics in Kannada:
॥ ಶ್ರೀದೈನ್ಯಾಷ್ಟಕಮ್ ॥
ಶ್ರೀಕೃಷ್ಣ ಗೋಕುಲಾಧೀಶ ನನ್ದಗೋಪತನೂದ್ಭವ ।
ಯಶೋದಾಗರ್ಭಸಮ್ಭೂತ ಮಯಿ ದೀನೇ ಕೃಪಾಂ ಕುರು ॥ 1 ॥
ವ್ರಜಾನನ್ದ ವ್ರಜಾವಾಸ ವ್ರಜಸ್ತ್ರೀಹೃದಯಸ್ಥಿತ ।
ವ್ರಜಲೀಲಾಕೃತಂ ನಿತ್ಯಂ ಮಯಿ ದಿನೇ ಕೃಪಾಂ ಕುರು ॥ 2 ॥
ಶ್ರೀಭಾಗವತಭಾವಾರ್ಥರಸಾತ್ಮನ್ ರಸಿಕಾತ್ಮಕ ।
ನಾಮಲೀಲಾವಿಲಾಸಾರ್ಥಂ ಮಯಿ ದೀನೇ ಕೃಪಾಂ ಕುರು ॥ 3 ॥
ಯಶೋದಾಹೃದಯಾನನ್ದ ವಿಹಿತಾಂಗಣರಿಂಗಣ ।
ಅಲಕಾವೃತವಕ್ತ್ರಾಬ್ಜ ಮಯಿ ದೀನೇ ಕೃಪಾಂ ಕುರು ॥ 4 ॥
ವಿರಹಾರ್ತಿವ್ರತಸ್ಥಾತ್ಮನ್ ಗುಣಗಾನಶ್ರುತಿಪ್ರಿಯ ।
ಮಹಾದೈನ್ಯದಯೋದ್ಭೂತ ಮಯಿ ದೀನೇ ಕೃಪಾಂ ಕುರು ॥ 5 ॥
ಅತ್ಯಾಸಕ್ತಜನಾಸಕ್ತ ಪರೋಕ್ಷಭಜನಪ್ರಿಯ ।
ಪರಮಾನನ್ದಸನ್ದೋಹ ಮಯಿ ದೀನೇ ಕೃಪಾಂ ಕುರು ॥ 6 ॥
ನಿರೋಧಶುದ್ಧಹೃದಯ ದಯಿತಾಗೀತಮೋಹಿತ ।
ಆತ್ಯನ್ತಿಕವಿಯೋಗಾತ್ಮನ್ ಮಯಿ ದೀನೇ ಕೃಪಾಂ ಕುರು ॥ 7 ॥
ಸ್ವಾಚಾರ್ಯಹೃದಯಸ್ಥಾಯಿಲೀಲಾಶತಯುತಪ್ರಭೋ ।
ಸರ್ವಥಾ ಶರಣಂ ಯಾತೇ ಮಯಿ ದೀನೇ ಕೃಪಾಂ ಕುರು ॥ 8 ॥
॥ ಇತಿ ಶ್ರೀಹರಿದಾಸವಿರಚಿತಂ ದೈನ್ಯಾಷ್ಟಕಂ ಸಮಾಪ್ತಮ್ ॥
Also Read:
Sri Dainya Ashtakam Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
