Shrikalantaka Ashtakam in Kannada:
॥ ಶ್ರೀಕಾಲಾನ್ತಕಾಷ್ಟಕಮ್ ॥
ಶ್ರೀಕಾಲಾನ್ತಕ ಅಷ್ಟಕಮ್
ಕಮಲಾಪತಿಮುಖಸುರವರಪೂಜಿತ ಕಾಕೋಲಭಾಸಿತಗ್ರೀವ |
ಕಾಕೋದರಪತಿಭೂಷಣ ಕಾಲಾನ್ತಕ ಪಾಹಿ ಪಾರ್ವತೀನಾಥ || ೧ ||
ಕಮಲಾಭಿಮಾನವಾರಣದಕ್ಷಾಙ್ಘ್ರೇ ವಿಮಲಶೇಮುಷೀದಾಯಿನ್ |
ನತಕಾಮಿತಫಲದಾಯಕ ಕಾಲಾನ್ತಕ ಪಾಹಿ ಪಾರ್ವತೀನಾಥ || ೨ ||
ಕರುಣಾಸಾಗರ ಶಂಭೋ ಶರಣಾಗತಲೋಕರಕ್ಷಣಧುರೀಣ |
ಕಾರಣ ಸಮಸ್ತಜಗತಾಂ ಕಾಲಾನ್ತಕ ಪಾಹಿ ಪಾರ್ವತೀನಾಥ || ೩ ||
ಪ್ರಣತಾರ್ತಿಹರಣದಕ್ಷ ಪ್ರಣವಪ್ರತಿಪಾದ್ಯ ಪರ್ವತಾವಾಸ |
ಪ್ರಣಮಾಮಿ ತವ ಪದಾಬ್ಜೇ ಕಾಲಾನ್ತಕ ಪಾಹಿ ಪಾರ್ವತೀನಾಥ || ೪ ||
ಮನ್ದಾರನತಜನಾನಾಂ ವೃನ್ದಾರಕವೃನ್ದಗೇಯಸುಚರಿತ್ರ |
ಮುನಿಪುತ್ರಮೃತ್ಯುಹಾರಿನ್ ಕಾಲಾನ್ತಕ ಪಾಹಿ ಪಾರ್ವತೀನಾಥ || ೫ ||
ಮಾರಾರಣ್ಯದವಾನಲ ಮಾಯಾವಾರೀನ್ದ್ರಕುಂಭಸಞ್ಜಾತ |
ಮಾತಙ್ಗಚರ್ಮವಾಸಃ ಕಾಲಾನ್ತಕ ಪಾಹಿ ಪಾರ್ವತೀನಾಥ || ೬ ||
ಮೋಹಾನ್ಧಕಾರಭಾನೋ ಮೋದಿತಗಿರಿಜಾಮನಃಸರೋಜಾತ |
ಮೋಕ್ಷಪ್ರದ ಪ್ರಣಮತಾಂ ಕಾಲಾನ್ತಕ ಪಾಹಿ ಪಾರ್ವತೀನಾಥ || ೭ ||
ವಿದ್ಯಾನಾಯಕ ಮಹ್ಯಂ ವಿದ್ಯಾಂ ದತ್ತ್ವಾ ನಿವಾರ್ಯ ಚಾವಿದ್ಯಾಮ್ |
ವಿದ್ಯಾಧರಾದಿಸೇವಿತ ಕಾಲಾನ್ತಕ ಪಾಹಿ ಪಾರ್ವತೀನಾಥ || ೮ ||
ಕಾಲಾನ್ತಕಾಷ್ಟಕಮಿದಂ ಪಠತಿ ಜನೋ ಯಃ ಕೃತಾದರೋ ಲೋಕೇ
ಕಾಲಾನ್ತಕಪ್ರಸಾದಾತ್ಕಾಲಕೃತಾ ಭೀರ್ನ ಸಂಭವೇತ್ತಸ್ಯ || ೯ ||
ಇತಿ ಕಾಲಾನ್ತಕಾಷ್ಟಕಂ ಸಂಪೂರ್ಣಮ್ ||
Also Read:
Shrikalantaka Ashtakam Lyrics in English | Marathi | Gujarati | Bengali | Kannada | Malayalam | Telugu
