Sri Shankaracharya Varyam in Telugu:
॥ శ్రీ శంకరాచార్య స్తవః (శ్రీశంకరాచార్యవర్యం) ॥
శ్రీశంకరాచార్యవర్యం
సర్వలోకైకవంద్యం భజే దేశికేంద్రమ్ |
ధర్మప్రచారేఽతిదక్షం
యోగిగోవిందపాదాప్తసన్యాసదీక్షమ్ |
దుర్వాదిగర్వాపనోదం
పద్మపాదాదిశిష్యాలిసంసేవ్యపాదమ్ || ౧ ||
శంకాద్రిదంభోలిలీలం
కింకరాశేషశిష్యాలి సంత్రాణశీలమ్ |
బాలార్కనీకాశచేలం
బోధితాశేషవేదాంత గూఢార్థజాలమ్ || ౨ ||
రుద్రాక్షమాలావిభూషం
చంద్రమౌలీశ్వరారాధనావాప్తతోషమ్ |
విద్రావితాశేషదోషం
భద్రపూగప్రదం భక్తలోకస్య నిత్యమ్ || ౩ ||
పాపాటవీచిత్రభానుం
జ్ఞానదీపేన హార్దం తమో వారయంతమ్ |
ద్వైపాయనప్రీతిభాజం
సర్వతాపాపహామోఘబోధప్రదం తమ్ || ౪ ||
రాజాధిరాజాభిపూజ్యం
రమ్యశృంగాద్రివాసైకలోలం యతీడ్యమ్ |
రాకేందుసంకాశవక్త్రం
రత్నగర్భేభవక్త్రాంఘ్రిపూజానురక్తమ్ || ౫ ||
శ్రీభారతీతీర్థగీతం
శంకరార్యస్తవం యః పఠేద్భక్తియుక్తః |
సోఽవాప్నుయాత్సర్వమిష్టం
శంకరాచార్యవర్యప్రసాదేన తూర్ణమ్ || ౬ ||
ఇతి శ్రీశ్రీ భారతీతీర్థ మహాస్వామి కృత శ్రీ శంకరాచార్య స్తవః |
Also Read:
Sri Shankaracharya Varyam Lyrics in English | Hindi | Kannada | Telugu | Tamil
