Templesinindiainfo

Best Spiritual Website

Viswanatha Ashtakam Lyrics in Telugu | Telugu Shlokas

Vishvanatha Ashtakam in Telugu:

॥ విశ్వనాథ అష్టకమ్ ॥
శివాయ నమః ॥

విశ్వనాథాష్టకమ్

గఙ్గాతరఙ్గరమణీయజటాకలాపం గౌరీనిరన్తర విభూషితవామభాగమ్ |
నారాయణప్రియమనఙ్గమదాపహారం వారాణసీపురపతిం భజ విశ్వనాథమ్ ॥ ౧ ॥

వాచామగోచరమనేకగుణస్వరూపం వాగీశవిష్ణు సురసేవితపాదపీఠమ్ |
వామేన విగ్రహవరేణ కళత్రవన్తం వారాణసీపురపతిం భజ విశ్వనాథమ్ ॥ ౨ ॥

భూతాధిపం భుజగభూషణభూషితాఙ్గం వ్యాఘ్రాజినాంబరధరం జటిలం త్రినేత్రమ్ |
పాశాఙ్కుశాభయవరప్రదశూలపాణిం వారాణసీపురపతిం భజ విశ్వనాథమ్ ॥ ౩ ॥

శీతాంశుశోభిత కిరీటవిరాజమానం భాలేక్షణానలవిశోషితపఞ్చబాణమ్ |
నాగాధిపారచిత భాసురకర్ణపూరం వారాణసీపురపతిం భజ విశ్వనాథమ్ ॥ ౪ ॥

పఞ్చాననం దురితమత్తమతఙ్గజానాం నాగాన్తకం దనుజపుఙ్గవపన్నగానామ్ |
దావానలం మరణశోకజరాటవీనాం వారాణసీపురపతిం భజ విశ్వనాథమ్ ॥ ౫ ॥

తేజోమయం సగుణనిర్గుణమద్వితీయమానన్దకన్దమపరాజితమప్రమేయమ్ |
నాగాత్మకం సకలనిష్కలమాత్మరూపం వారాణసీపురపతిం భజ విశ్వనాథమ్ ॥ ౬ ॥

ఆశాం విహాయ పరిహృత్య పరస్య నిన్దాం పాపే మతిం చ సునివార్య మనః సమాధౌ|
ఆదాయ హృత్కమలమధ్యగతం పరేశం వారాణసీపురపతిం భజ విశ్వనాథమ్ ॥ ౭ ॥

రాగాదిదోషరహితం స్వజనానురాగవైరాగ్యశాన్తినిలయం గిరిజాసహాయమ్ |
మాధుర్యధైర్యసుభగం గరళాభిరామం వారాణసీపురపతిం భజ విశ్వనాథమ్ ॥ ౮ ॥

వారాణసీపురపతేః స్తవనం శివస్య వ్యాఖ్యాతమష్టకమిదం పఠతే మనుష్యః |
విద్యాం శ్రియం విపులసౌఖ్యమనన్తకీర్తిం సంప్రాప్య దేహవిలయే లభతే చ మోక్షమ్ ॥ ౯ ॥

విశ్వనాథాష్టకమిదం యః పఠేచ్ఛివసన్నిధౌ |
శివలోకమవాప్నోతి శివేన సహ మోదతే ॥ ౧౦ ॥

ఇతి శ్రీవ్యాసకృతం విశ్వనాథాష్టకం సంపూర్ణమ్ ॥

Also Read:

Viswanatha Ashtakam Lyrics in Sanskrit | English | Marathi | Kannada | Telugu | Malayalam

Viswanatha Ashtakam Lyrics in Telugu | Telugu Shlokas

Leave a Reply

Your email address will not be published. Required fields are marked *

Scroll to top