Lakshmi Stotram Sahasranamavali

1000 Names of Sri Lakshmi | Sahasranamavali from Skandapurana Lyrics in Bengali

Shri Lakshmisahasranamavali from Skandapurana Lyrics in Bengali:

॥ শ্রীলক্ষ্মীসহস্রনামস্তোত্রম্ ॥

শ্রীস্কন্দপুরাণে সনত্কুমারসংহিতায়াম্ ।

শ্রীগণেশায় নমঃ ।

হরিঃ ওঁ ।
নাম্নাং সাষ্টসহস্রঞ্চ ব্রূহি গার্গ্য মহামতে ।
মহালক্ষ্ম্যা মহাদেব্যা ভুক্তিমুক্ত্যর্থসিদ্ধয়ে ॥ ১ ॥

গার্গ্য উবাচ-
সনত্কুমারমাসীনং দ্বাদশাদিত্যসন্নিভম্ ।
অপৃচ্ছন্যোগিনো ভক্ত্যা য়োগিনামর্থসিদ্ধয়ে ॥ ২ ॥

সর্বলৌকিককর্মভ্যো বিমুক্তানাং হিতায় বৈ ।
ভুক্তিমুক্তিপ্রদং জপ্যমনুব্রূহী দয়ানিধে ॥ ৩ ॥

সনত্কুমার ভগবন্সর্বজ্ঞোঽসি বিশেষতঃ ।
আস্তিক্যসিদ্ধয়ে নৄণাং ক্ষিপ্রধর্মার্থসাধনম্ ॥ ৪ ॥

খিদ্যন্তি মানবাস্সর্বে ধনাভাবেন কেবলম্ ।
সিদ্ধ্যন্তি ধনিনোঽন্যস্য নৈব ধর্মার্থকামনাঃ ॥ ৫ ॥

দারিদ্র্যধ্বংসিনী নাম কেন বিদ্যা প্রকীর্তিতা ।
কেন বা ব্রহ্মবিদ্যাঽপি কেন মৃত্যুবিনাশিনী ॥ ৬ ॥

সর্বাসাং সারভূতৈকা বিদ্যানাং কেন কীর্তিতা ।
প্রত্যক্ষসিদ্ধিদা ব্রহ্মন্ তামাচক্ষ্ব দয়ানিধে ॥ ৭ ॥

সনত্কুমার উবাচ-
সাধু পৃষ্টং মহাভাগাস্সর্বলোকহিতৈষিণঃ ।
মহতামেষ ধর্মশ্চ নান্যেষামিতি মে মতিঃ ॥ ৮ ॥

ব্রহ্মবিষ্ণুমহাদেবমহেন্দ্রাদিমহাত্মভিঃ ।
সম্প্রোক্তং কথয়াম্যদ্য লক্ষ্মীনামসহস্রকম্ ॥ ৯ ॥

য়স্যোচ্চারণমাত্রেণ দারিদ্র্যান্মুচ্যতে নরঃ ।
কিং পুনস্তজ্জপাজ্জাপী সর্বেষ্টার্থানবাপ্নুয়াত্ ॥ ১০ ॥

অস্য শ্রীলক্ষ্মীদিব্যসহস্রনামস্তোত্রমহামন্ত্রস্য
আনন্দকর্দমচিক্লীতেন্দিরাসুতাদয়ো মহাত্মানো মহর্ষয়ঃ অনুষ্টুপ্ছন্দঃ ।
বিষ্ণুমায়া শক্তিঃ মহালক্ষ্মীঃ পরাদেবতা ।
শ্রীমহালক্ষ্মীপ্রসাদদ্বারা সর্বেষ্টার্থসিদ্ধ্যর্থে জপে বিনিয়োগঃ ।

শ্রীমিত্যাদি ষডঙ্গন্যাসঃ ।

ধ্যানম্-
পদ্মনাভপ্রিয়াং দেবীং পদ্মাক্ষীং পদ্মবাসিনীম্ ।
পদ্মবক্ত্রাং পদ্মহস্তাং বন্দে পদ্মামহর্নিশম্ ॥ ১ ॥

পূর্ণেন্দুবদনাং দিব্যরত্নাভরণভূষিতাম্ ।
বরদাভয়হস্তাঢ্যাং ধ্যায়েচ্চন্দ্রসহোদরীম্ ॥ ২ ॥

ইচ্ছারূপাং ভগবতস্সচ্চিদানন্দরূপিণীম্ ।
সর্বজ্ঞাং সর্বজননীং বিষ্ণুবক্ষস্স্থলালয়াম্ ॥ ৩ ॥

দয়ালুমনিশং ধ্যায়েত্সুখসিদ্ধিস্বরূপিণীম্ ।

য়থোপদেশং জপিত্বা, য়থাক্রমং দেব্যৈ সমর্প্য,
ততশ্শাম্ভবীমুদ্রয়া লক্ষ্মীমনুসন্ধায়, নামসহস্রং জপেত্ ।
হরিঃ ওঁ ॥

নিত্যাগতানন্তনিত্যা নন্দিনী জনরঞ্জনী ।
নিত্যপ্রকাশিনী চৈব স্বপ্রকাশস্বরূপিণী ॥ ১ ॥

মহালক্ষ্মীর্মহাকালী মহাকন্যা সরস্বতী ।
ভোগবৈভবসন্ধাত্রী ভক্তানুগ্রহকারিণী ॥ ২ ॥

ঈশাবাস্যা মহামায়া মহাদেবী মহেশ্বরী ।
হৃল্লেখা পরমা শক্তির্মাতৃকাবীজরূপিণী ॥ ৩ ॥

নিত্যানন্দা নিত্যবোধা নাদিনী জনমোদিনী ।
সত্যপ্রত্যয়নী চৈব স্বপ্রকাশাত্মরূপিণী ॥ ৪ ॥

ত্রিপুরা ভৈরবী বিদ্যা হংসা বাগীশ্বরী শিবা ।
বাগ্দেবী চ মহারাত্রিঃ কালরাত্রিস্ত্রিলোচনা ॥ ৫ ॥

ভদ্রকালী করালী চ মহাকালী তিলোত্তমা ।
কালী করালবক্ত্রান্তা কামাক্ষী কামদা শুভা ॥ ৬ ॥

চণ্ডিকা চণ্ডরূপেশা চামুণ্ডা চক্রধারিণী ।
ত্রৈলোক্যজয়িনী দেবী ত্রৈলোক্যবিজয়োত্তমা ॥ ৭ ॥

সিদ্ধলক্ষ্মীঃ ক্রিয়ালক্ষ্মীর্মোক্ষলক্ষ্মীঃ প্রসাদিনী ।
উমা ভগবতী দুর্গা চান্দ্রী দাক্ষায়ণী শিবা ॥ ৮ ॥

প্রত্যঙ্গিরা ধরাবেলা লোকমাতা হরিপ্রিয়া ।
পার্বতী পরমা দেবী ব্রহ্মবিদ্যাপ্রদায়িনী ॥ ৯ ॥

অরূপা বহুরূপা চ বিরূপা বিশ্বরূপিণী ।
পঞ্চভূতাত্মিকা বাণী পঞ্চভূতাত্মিকা পরা ॥ ১০ ॥

কালী মা পঞ্চিকা বাগ্মী হবিঃপ্রত্যধিদেবতা ।
দেবমাতা সুরেশানা দেবগর্ভাঽম্বিকা ধৃতিঃ ॥ ১১ ॥

সঙ্খ্যা জাতিঃ ক্রিয়াশক্তিঃ প্রকৃতির্মোহিনী মহী ।
য়জ্ঞবিদ্যা মহাবিদ্যা গুহ্যবিদ্যা বিভাবরী ॥ ১২ ॥ var বিভাবতী
জ্যোতিষ্মতী মহামাতা সর্বমন্ত্রফলপ্রদা ।
দারিদ্র্যধ্বংসিনী দেবী হৃদয়গ্রন্থিভেদিনী ॥ ১৩ ॥

সহস্রাদিত্যসঙ্কাশা চন্দ্রিকা চন্দ্ররূপিণী ।
গায়ত্রী সোমসম্ভূতিস্সাবিত্রী প্রণবাত্মিকা ॥ ১৪ ॥

শাঙ্করী বৈষ্ণবী ব্রাহ্মী সর্বদেবনমস্কৃতা ।
সেব্যদুর্গা কুবেরাক্ষী করবীরনিবাসিনী ॥ ১৫ ॥

জয়া চ বিজয়া চৈব জয়ন্তী চাঽপরাজিতা ।
কুব্জিকা কালিকা শাস্ত্রী বীণাপুস্তকধারিণী ॥ ১৬ ॥

সর্বজ্ঞশক্তিশ্শ্রীশক্তির্ব্রহ্মবিষ্ণুশিবাত্মিকা ।
ইডাপিঙ্গলিকামধ্যমৃণালীতন্তুরূপিণী ॥ ১৭ ॥

য়জ্ঞেশানী প্রথা দীক্ষা দক্ষিণা সর্বমোহিনী ।
অষ্টাঙ্গয়োগিনী দেবী নির্বীজধ্যানগোচরা ॥ ১৮ ॥

সর্বতীর্থস্থিতা শুদ্ধা সর্বপর্বতবাসিনী ।
বেদশাস্ত্রপ্রমা দেবী ষডঙ্গাদিপদক্রমা ॥ ১৯ ॥

শিবা ধাত্রী শুভানন্দা য়জ্ঞকর্মস্বরূপিণী ।
ব্রতিনী মেনকা দেবী ব্রহ্মাণী ব্রহ্মচারিণী ॥ ২০ ॥

একাক্ষরপরা তারা ভববন্ধবিনাশিনী ।
বিশ্বম্ভরা ধরাধারা নিরাধারাঽধিকস্বরা ॥ ২১ ॥

রাকা কুহূরমাবাস্যা পূর্ণিমাঽনুমতির্দ্যুতিঃ ।
সিনীবালী শিবাঽবশ্যা বৈশ্বদেবী পিশঙ্গিলা ॥ ২২ ॥

পিপ্পলা চ বিশালাক্ষী রক্ষোঘ্নী বৃষ্টিকারিণী ।
দুষ্টবিদ্রাবিণী দেবী সর্বোপদ্রবনাশিনী ॥ ২৩ ॥

শারদা শরসন্ধানা সর্বশস্ত্রস্বরূপিণী ।
য়ুদ্ধমধ্যস্থিতা দেবী সর্বভূতপ্রভঞ্জনী ॥ ২৪ ॥

অয়ুদ্ধা য়ুদ্ধরূপা চ শান্তা শান্তিস্বরূপিণী ।
গঙ্গা সরস্বতীবেণীয়মুনানর্মদাপগা ॥ ২৫ ॥

সমুদ্রবসনাবাসা ব্রহ্মাণ্ডশ্রোণিমেখলা ।
পঞ্চবক্ত্রা দশভুজা শুদ্ধস্ফটিকসন্নিভা ॥ ২৬ ॥

রক্তা কৃষ্ণা সিতা পীতা সর্ববর্ণা নিরীশ্বরী ।
কালিকা চক্রিকা দেবী সত্যা তু বটুকাস্থিতা ॥ ২৭ ॥

তরুণী বারুণী নারী জ্যেষ্ঠাদেবী সুরেশ্বরী ।
বিশ্বম্ভরাধরা কর্ত্রী গলার্গলবিভঞ্জনী ॥ ২৮ ॥

সন্ধ্যারাত্রির্দিবাজ্যোত্স্ত্না কলাকাষ্ঠা নিমেষিকা ।
উর্বী কাত্যায়নী শুভ্রা সংসারার্ণবতারিণী ॥ ২৯ ॥

কপিলা কীলিকাঽশোকা মল্লিকানবমল্লিকা । var কৌলিকা
দেবিকা নন্দিকা শান্তা ভঞ্জিকা ভয়ভঞ্জিকা ॥ ৩০ ॥

কৌশিকী বৈদিকী দেবী সৌরী রূপাধিকাঽতিভা ।
দিগ্বস্ত্রা নববস্ত্রা চ কন্যকা কমলোদ্ভবা ॥ ৩১ ॥

শ্রীস্সৌম্যলক্ষণাঽতীতদুর্গা সূত্রপ্রবোধিকা ।
শ্রদ্ধা মেধা কৃতিঃ প্রজ্ঞা ধারণা কান্তিরেব চ ॥ ৩২ ॥

শ্রুতিঃ স্মৃতির্ধৃতির্ধন্যা ভূতিরিষ্টির্মনীষিণী ।
বিরক্তির্ব্যাপিনী মায়া সর্বমায়াপ্রভঞ্জনী ॥ ৩৩ ॥

মাহেন্দ্রী মন্ত্রিণী সিংহী চেন্দ্রজালস্বরূপিণী ।
অবস্থাত্রয়নির্মুক্তা গুণত্রয়বিবর্জিতা ॥ ৩৪ ॥

ঈষণাত্রয়নির্মুক্তা সর্বরোগবিবর্জিতা ।
য়োগিধ্যানান্তগম্যা চ য়োগধ্যানপরায়ণা ॥ ৩৫ ॥

ত্রয়ীশিখা বিশেষজ্ঞা বেদান্তজ্ঞানরূপিণী ।
ভারতী কমলা ভাষা পদ্মা পদ্মবতী কৃতিঃ ॥ ৩৬ ॥

গৌতমী গোমতী গৌরী ঈশানা হংসবাহনী ।
নারায়ণী প্রভাধারা জাহ্নবী শঙ্করাত্মজা ॥ ৩৭ ॥

চিত্রঘণ্টা সুনন্দা শ্রীর্মানবী মনুসম্ভবা ।
স্তম্ভিনী ক্ষোভিণী মারী ভ্রামিণী শত্রুমারিণী ॥ ৩৮ ॥

মোহিনী দ্বেষিণী বীরা অঘোরা রুদ্ররূপিণী ।
রুদ্রৈকাদশিনী পুণ্যা কল্যাণী লাভকারিণী ॥ ৩৯ ॥

দেবদুর্গা মহাদুর্গা স্বপ্নদুর্গাঽষ্টভৈরবী ।
সূর্যচন্দ্রাগ্নিরূপা চ গ্রহনক্ষত্ররূপিণী ॥ ৪০ ॥

বিন্দুনাদকলাতীতা বিন্দুনাদকলাত্মিকা ।
দশবায়ুজয়াকারা কলাষোডশসংয়ুতা ॥ ৪১ ॥

কাশ্যপী কমলাদেবী নাদচক্রনিবাসিনী ।
মৃডাধারা স্থিরা গুহ্যা দেবিকা চক্ররূপিণী ॥ ৪২ ॥

অবিদ্যা শার্বরী ভুঞ্জা জম্ভাসুরনিবর্হিণী ।
শ্রীকায়া শ্রীকলা শুভ্রা কর্মনির্মূলকারিণী ॥ ৪৩ ॥

আদিলক্ষ্মীর্গুণাধারা পঞ্চব্রহ্মাত্মিকা পরা ।
শ্রুতির্ব্রহ্মমুখাবাসা সর্বসম্পত্তিরূপিণী ॥ ৪৪ ॥

মৃতসঞ্জীবিনী মৈত্রী কামিনী কামবর্জিতা ।
নির্বাণমার্গদা দেবী হংসিনী কাশিকা ক্ষমা ॥ ৪৫ ॥

সপর্যা গুণিনী ভিন্না নির্গুণা খণ্ডিতাশুভা ।
স্বামিনী বেদিনী শক্যা শাম্বরী চক্রধারিণী ॥ ৪৬ ॥

দণ্ডিনী মুণ্ডিনী ব্যাঘ্রী শিখিনী সোমসংহতিঃ ।
চিন্তামণিশ্চিদানন্দা পঞ্চবাণাগ্রবোধিনী ॥ ৪৭ ॥ var পঞ্চবাণপ্রবোধিনী
বাণশ্রেণিস্সহস্রাক্ষী সহস্রভুজপাদুকা ।
সন্ধ্যাবলিস্ত্রিসন্ধ্যাখ্যা ব্রহ্মাণ্ডমণিভূষণা ॥ ৪৮ ॥

বাসবী বারুণীসেনা কুলিকা মন্ত্ররঞ্জনী ।
জিতপ্রাণস্বরূপা চ কান্তা কাম্যবরপ্রদা ॥ ৪৯ ॥

মন্ত্রব্রাহ্মণবিদ্যার্থা নাদরূপা হবিষ্মতী ।
আথর্বণী শ্রুতিশূন্যা কল্পনাবর্জিতা সতী ॥ ৫০ ॥

সত্তাজাতিঃ প্রমাঽমেয়াঽপ্রমিতিঃ প্রাণদা গতিঃ ।
অবর্ণা পঞ্চবর্ণা চ সর্বদা ভুবনেশ্বরী ॥ ৫১ ॥

ত্রৈলোক্যমোহিনী বিদ্যা সর্বভর্ত্রী ক্ষরাঽক্ষরা ।
হিরণ্যবর্ণা হরিণী সর্বোপদ্রবনাশিনী ॥ ৫২ ॥

কৈবল্যপদবীরেখা সূর্যমণ্ডলসংস্থিতা ।
সোমমণ্ডলমধ্যস্থা বহ্নিমণ্ডলসংস্থিতা ॥ ৫৩ ॥

বায়ুমণ্ডলমধ্যস্থা ব্যোমমণ্ডলসংস্থিতা ।
চক্রিকা চক্রমধ্যস্থা চক্রমার্গপ্রবর্তিনী ॥ ৫৪ ॥

কোকিলাকুলচক্রেশা পক্ষতিঃ পংক্তিপাবনী ।
সর্বসিদ্ধান্তমার্গস্থা ষড্বর্ণাবরবর্জিতা ॥ ৫৫ ॥

শররুদ্রহরা হন্ত্রী সর্বসংহারকারিণী ।
পুরুষা পৌরুষী তুষ্টিস্সর্বতন্ত্রপ্রসূতিকা ॥ ৫৬ ॥

অর্ধনারীশ্বরী দেবী সর্ববিদ্যাপ্রদায়িনী ।
ভার্গবী য়াজুষীবিদ্যা সর্বোপনিষদাস্থিতা ॥ ৫৭ ॥

ব্যোমকেশাখিলপ্রাণা পঞ্চকোশবিলক্ষণা ।
পঞ্চকোশাত্মিকা প্রত্যক্পঞ্চব্রহ্মাত্মিকা শিবা ॥ ৫৮ ॥

জগজ্জরাজনিত্রী চ পঞ্চকর্মপ্রসূতিকা ।
বাগ্দেব্যাভরণাকারা সর্বকাম্যস্থিতস্থিতিঃ ॥ ৫৯ ॥

অষ্টাদশচতুষ্ষষ্ঠিপীঠিকা বিদ্যয়া য়ুতা ।
কালিকাকর্ষণশ্যামা য়ক্ষিণী কিন্নরেশ্বরী ॥ ৬০ ॥

কেতকী মল্লিকাশোকা বারাহী ধরণী ধ্রুবা ।
নারসিংহী মহোগ্রাস্যা ভক্তানামার্তিনাশিনী ॥ ৬১ ॥

অন্তর্বলা স্থিরা লক্ষ্মীর্জরামরণনাশিনী ।
শ্রীরঞ্জিতা মহাকায়া সোমসূর্যাগ্নিলোচনা ॥ ৬২ ॥

অদিতির্দেবমাতা চ অষ্টপুত্রাঽষ্টয়োগিনী ।
অষ্টপ্রকৃতিরষ্টাষ্টবিভ্রাজদ্বিকৃতাকৃতিঃ ॥ ৬৩ ॥

দুর্ভিক্ষধ্বংসিনী দেবী সীতা সত্যা চ রুক্মিণী ।
খ্যাতিজা ভার্গবী দেবী দেবয়োনিস্তপস্বিনী ॥ ৬৪ ॥

শাকম্ভরী মহাশোণা গরুডোপরিসংস্থিতা ।
সিংহগা ব্যাঘ্রগা দেবী বায়ুগা চ মহাদ্রিগা ॥ ৬৫ ॥

অকারাদিক্ষকারান্তা সর্ববিদ্যাধিদেবতা ।
মন্ত্রব্যাখ্যাননিপুণা জ্যোতিশ্শাস্ত্রৈকলোচনা ॥ ৬৬ ॥

ইডাপিঙ্গলিকামধ্যাসুষুম্না গ্রন্থিভেদিনী ।
কালচক্রাশ্রয়োপেতা কালচক্রস্বরূপিণী ॥ ৬৭ ॥

বৈশারদী মতিশ্শ্রেষ্ঠা বরিষ্ঠা সর্বদীপিকা ।
বৈনায়কী বরারোহা শ্রোণিবেলা বহির্বলিঃ ॥ ৬৮ ॥

জম্ভিনী জৃম্ভিণী জৃম্ভকারিণী গণকারিকা ।
শরণী চক্রিকাঽনন্তা সর্বব্যাধিচিকিত্সকী ॥ ৬৯ ॥

দেবকী দেবসঙ্কাশা বারিধিঃ করুণাকরা ।
শর্বরী সর্বসম্পন্না সর্বপাপপ্রভঞ্জিনী ॥ ৭০ ॥

একমাত্রা দ্বিমাত্রা চ ত্রিমাত্রা চ তথাপরা ।
অর্ধমাত্রা পরা সূক্ষ্মা সূক্ষ্মার্থাঽর্থপরাঽপরা ॥ ৭১ ॥

একবীরা বিশেষাখ্যা ষষ্ঠীদেবী মনস্বিনী ।
নৈষ্কর্ম্যা নিষ্কলালোকা জ্ঞানকর্মাধিকা গুণা ॥ ৭২ ॥

সবন্ধ্বানন্দসন্দোহা ব্যোমাকারাঽনিরূপিতা ।
গদ্যপদ্যাত্মিকা বাণী সর্বালঙ্কারসংয়ুতা ॥ ৭৩ ॥

সাধুবন্ধপদন্যাসা সর্বৌকো ঘটিকাবলিঃ ।
ষট্কর্মা কর্কশাকারা সর্বকর্মবিবর্জিতা ॥ ৭৪ ॥

আদিত্যবর্ণা চাপর্ণা কামিনী বররূপিণী ।
ব্রহ্মাণী ব্রহ্মসন্তানা বেদবাগীশ্বরী শিবা ॥ ৭৫ ॥

পুরাণন্যায়মীমাংসাধর্মশাস্ত্রাগমশ্রুতা ।
সদ্যোবেদবতী সর্বা হংসী বিদ্যাধিদেবতা ॥ ৭৬ ॥

বিশ্বেশ্বরী জগদ্ধাত্রী বিশ্বনির্মাণকারিণী ।
বৈদিকী বেদরূপা চ কালিকা কালরূপিণী ॥ ৭৭ ॥

নারায়ণী মহাদেবী সর্বতত্ত্বপ্রবর্তিনী ।
হিরণ্যবর্ণরূপা চ হিরণ্যপদসম্ভবা ॥ ৭৮ ॥

কৈবল্যপদবী পুণ্যা কৈবল্যজ্ঞানলক্ষিতা ।
ব্রহ্মসম্পত্তিরূপা চ ব্রহ্মসম্পত্তিকারিণী ॥ ৭৯ ॥

বারুণী বারুণারাধ্যা সর্বকর্মপ্রবর্তিনী ।
একাক্ষরপরাঽঽয়ুক্তা সর্বদারিদ্র্যভঞ্জিনী ॥ ৮০ ॥

পাশাংকুশান্বিতা দিব্যা বীণাব্যাখ্যাক্ষসূত্রভৃত্ ।
একমূর্তিস্ত্রয়ীমূর্তির্মধুকৈটভভঞ্জিনী ॥ ৮১ ॥

সাংখ্যা সাংখ্যবতী জ্বালা জ্বলন্তী কামরূপিণী ।
জাগ্রন্তী সর্বসম্পত্তিস্সুষুপ্তান্বেষ্টদায়িনী ॥ ৮২ ॥ var স্বেষ্টদায়িনী
কপালিনী মহাদংষ্ট্রা ভ্রুকুটী কুটিলাননা ।
সর্বাবাসা সুবাসা চ বৃহত্যষ্টিশ্চ শক্বরী ॥ ৮৩ ॥

ছন্দোগণপ্রতিষ্ঠা চ কল্মাষী করুণাত্মিকা ।
চক্ষুষ্মতী মহাঘোষা খড্গচর্মধরাঽশনিঃ ॥ ৮৪ ॥

শিল্পবৈচিত্র্যবিদ্যোতা সর্বতোভদ্রবাসিনী ।
অচিন্ত্যলক্ষণাকারা সূত্রভাষ্যনিবন্ধনা ॥ ৮৫ ॥

সর্ববেদার্থসম্পত্তিস্সর্বশাস্ত্রার্থমাতৃকা ।
অকারাদিক্ষকারান্তসর্ববর্ণকৃতস্থলা ॥ ৮৬ ॥

সর্বলক্ষ্মীস্সদানন্দা সারবিদ্যা সদাশিবা ।
সর্বজ্ঞা সর্বশক্তিশ্চ খেচরীরূপগোচ্ছ্রিতা ॥ ৮৭ ॥

অণিমাদিগুণোপেতা পরা কাষ্ঠা পরা গতিঃ ।
হংসয়ুক্তবিমানস্থা হংসারূঢা শশিপ্রভা ॥ ৮৮ ॥

ভবানী বাসনাশক্তিরাকৃতিস্থাখিলাঽখিলা ।
তন্ত্রহেতুর্বিচিত্রাঙ্গী ব্যোমগঙ্গাবিনোদিনী ॥ ৮৯ ॥

বর্ষা চ বার্ষিকা চৈব ঋগ্যজুস্সামরূপিণী ।
মহানদীনদীপুণ্যাঽগণ্যপুণ্যগুণক্রিয়া ॥ ৯০ ॥

সমাধিগতলভ্যার্থা শ্রোতব্যা স্বপ্রিয়া ঘৃণা ।
নামাক্ষরপরা দেবী উপসর্গনখাঞ্চিতা ॥ ৯১ ॥

নিপাতোরুদ্বয়ীজঙ্ঘা মাতৃকা মন্ত্ররূপিণী ।
আসীনা চ শয়ানা চ তিষ্ঠন্তী ধাবনাধিকা ॥ ৯২ ॥

লক্ষ্যলক্ষণয়োগাঢ্যা তাদ্রূপ্যগণনাকৃতিঃ ।
সৈকরূপা নৈকরূপা সেন্দুরূপা তদাকৃতিঃ ॥ ৯৩ ॥

সমাসতদ্ধিতাকারা বিভক্তিবচনাত্মিকা ।
স্বাহাকারা স্বধাকারা শ্রীপত্যর্ধাঙ্গনন্দিনী ॥ ৯৪ ॥

গম্ভীরা গহনা গুহ্যা য়োনিলিঙ্গার্ধধারিণী ।
শেষবাসুকিসংসেব্যা চষালা বরবর্ণিনী ॥ ৯৫ ॥

কারুণ্যাকারসম্পত্তিঃ কীলকৃন্মন্ত্রকীলিকা ।
শক্তিবীজাত্মিকা সর্বমন্ত্রেষ্টাক্ষয়কামনা ॥ ৯৬ ॥

আগ্নেয়ী পার্থিবা আপ্যা বায়ব্যা ব্যোমকেতনা ।
সত্যজ্ঞানাত্মিকাঽঽনন্দা ব্রাহ্মী ব্রহ্ম সনাতনী ॥ ৯৭ ॥ var নন্দা
অবিদ্যাবাসনা মায়াপ্রকৃতিস্সর্বমোহিনী ।
শক্তির্ধারণশক্তিশ্চ চিদচিচ্ছক্তিয়োগিনী ॥ ৯৮ ॥

বক্ত্রারুণা মহামায়া মরীচির্মদমর্দিনী ।
বিরাড্ স্বাহা স্বধা শুদ্ধা নীরূপাস্তিস্সুভক্তিগা ॥ ৯৯ ॥ via বিরাট্
নিরূপিতাদ্বয়ীবিদ্যা নিত্যানিত্যস্বরূপিণী ।
বৈরাজমার্গসঞ্চারা সর্বসত্পথদর্শিনী ॥ ১০০ ॥

জালন্ধরী মৃডানী চ ভবানী ভবভঞ্জনী ।
ত্রৈকালিকজ্ঞানতন্তুস্ত্রিকালজ্ঞানদায়িনী ॥ ১০১ ॥

নাদাতীতা স্মৃতিঃ প্রজ্ঞা ধাত্রীরূপা ত্রিপুষ্করা ।
পরাজিতাবিধানজ্ঞা বিশেষিতগুণাত্মিকা ॥ ১০২ ॥

হিরণ্যকেশিনী হেমব্রহ্মসূত্রবিচক্ষণা ।
অসংখ্যেয়পরার্ধান্তস্বরব্যঞ্জনবৈখরী ॥ ১০৩ ॥

মধুজিহ্বা মধুমতী মধুমাসোদয়া মধুঃ ।
মাধবী চ মহাভাগা মেঘগম্ভীরনিস্বনা ॥ ১০৪ ॥

ব্রহ্মবিষ্ণুমহেশাদিজ্ঞাতব্যার্থবিশেষগা ।
নাভৌ বহ্নিশিখাকারা ললাটে চন্দ্রসন্নিভা ॥ ১০৫ ॥

ভ্রূমধ্যে ভাস্করাকারা সর্বতারাকৃতির্হৃদি ।
কৃত্তিকাদিভরণ্যন্তনক্ষত্রেষ্ট্যার্চিতোদয়া ॥ ১০৬ ॥

গ্রহবিদ্যাত্মিকা জ্যোতির্জ্যোতির্বিন্মতিজীবিকা ।
ব্রহ্মাণ্ডগর্ভিণী বালা সপ্তাবরণদেবতা ॥ ১০৭ ॥

বৈরাজোত্তমসাম্রাজ্যা কুমারকুশলোদয়া ।
বগলা ভ্রমরাম্বা চ শিবদূতী শিবাত্মিকা ॥ ১০৮ ॥

মেরুবিন্ধ্যাদিসংস্থানা কাশ্মীরপুরবাসিনী ।
য়োগনিদ্রা মহানিদ্রা বিনিদ্রা রাক্ষসাশ্রিতা ॥ ১০৯ ॥

সুবর্ণদা মহাগঙ্গা পঞ্চাখ্যা পঞ্চসংহতিঃ ।
সুপ্রজাতা সুবীরা চ সুপোষা সুপতিশ্শিবা ॥ ১১০ ॥

সুগৃহা রক্তবীজান্তা হতকন্দর্পজীবিকা ।
সমুদ্রব্যোমমধ্যস্থা সমবিন্দুসমাশ্রয়া ॥ ১১১ ॥

সৌভাগ্যরসজীবাতুস্সারাসারবিবেকদৃক্ ।
ত্রিবল্যাদিসুপুষ্টাঙ্গা ভারতী ভরতাশ্রিতা ॥ ১১২ ॥

নাদব্রহ্মময়ীবিদ্যা জ্ঞানব্রহ্মময়ীপরা ।
ব্রহ্মনাডী নিরুক্তিশ্চ ব্রহ্মকৈবল্যসাধনম্ ॥ ১১৩ ॥

কালিকেয়মহোদারবীর্যবিক্রমরূপিণী ।
বডবাগ্নিশিখাবক্ত্রা মহাকবলতর্পণা ॥ ১১৪ ॥

মহাভূতা মহাদর্পা মহাসারা মহাক্রতুঃ ।
পঞ্জভূতমহাগ্রাসা পঞ্চভূতাধিদেবতা ॥ ১১৫ ॥

সর্বপ্রমাণা সম্পত্তিস্সর্বরোগপ্রতিক্রিয়া ।
ব্রহ্মাণ্ডান্তর্বহির্ব্যাপ্তা বিষ্ণুবক্ষোবিভূষণী ॥ ১১৬ ॥

শাঙ্করী বিধিবক্ত্রস্থা প্রবরা বরহেতুকী ।
হেমমালা শিখামালা ত্রিশিখা পঞ্চমোচনা ॥ ১১৭ ॥ var লোচনা
সর্বাগমসদাচারমর্যাদা য়াতুভঞ্জনী । var সদাচার মর্যাদায়াতু
পুণ্যশ্লোকপ্রবন্ধাঢ্যা সর্বান্তর্যামিরূপিণী ॥ ১১৮ ॥

সামগানসমারাধ্যা শ্রোত্রকর্ণরসায়নম্ ।
জীবলোকৈকজীবাতুর্ভদ্রোদারবিলোকনা ॥ ১১৯ ॥

তটিত্কোটিলসত্কান্তিস্তরুণী হরিসুন্দরী ।
মীননেত্রা চ সেন্দ্রাক্ষী বিশালাক্ষী সুমঙ্গলা ॥ ১২০ ॥

সর্বমঙ্গলসম্পন্না সাক্ষান্মঙ্গলদেবতা ।
দেহহৃদ্দীপিকা দীপ্তির্জিহ্মপাপপ্রণাশিনী ॥ ১২১ ॥

অর্ধচন্দ্রোল্লসদ্দংষ্ট্রা য়জ্ঞবাটীবিলাসিনী ।
মহাদুর্গা মহোত্সাহা মহাদেববলোদয়া ॥ ১২২ ॥

ডাকিনীড্যা শাকিনীড্যা সাকিনীড্যা সমস্তজুট্ ।
নিরঙ্কুশা নাকিবন্দ্যা ষডাধারাধিদেবতা ॥ ১২৩ ॥

ভুবনজ্ঞানিনিশ্শ্রেণী ভুবনাকারবল্লরী ।
শাশ্বতী শাশ্বতাকারা লোকানুগ্রহকারিণী ॥ ১২৪ ॥

সারসী মানসী হংসী হংসলোকপ্রদায়িনী ।
চিন্মুদ্রালঙ্কৃতকরা কোটিসূর্যসমপ্রভা ॥ ১২৫ ॥

সুখপ্রাণিশিরোরেখা সদদৃষ্টপ্রদায়িনী । var নদ
সর্বসাঙ্কর্যদোষঘ্নী গ্রহোপদ্রবনাশিনী ॥ ১২৬ ॥

ক্ষুদ্রজন্তুভয়ঘ্নী চ বিষরোগাদিভঞ্জনী ।
সদাশান্তা সদাশুদ্ধা গৃহচ্ছিদ্রনিবারিণী ॥ ১২৭ ॥

কলিদোষপ্রশমনী কোলাহলপুরস্স্থিতা ।
গৌরী লাক্ষণকী মুখ্যা জঘন্যাকৃতিবর্জিতা ॥ ১২৮ ॥ var লাক্ষণিকী
মায়া বিদ্যা মূলভূতা বাসবী বিষ্ণুচেতনা ।
বাদিনী বসুরূপা চ বসুরত্নপরিচ্ছদা ॥ ১২৯ ॥

ছান্দসী চন্দ্রহৃদয়া মন্ত্রস্বচ্ছন্দভৈরবী ।
বনমালা বৈজয়ন্তী পঞ্চদিব্যায়ুধাত্মিকা ॥ ১৩০ ॥

পীতাম্বরময়ী চঞ্চত্কৌস্তুভা হরিকামিনী ।
নিত্যা তথ্যা রমা রামা রমণী মৃত্যুভঞ্জনী ॥ ১৩১ ॥ var ভঞ্জিনী
জ্যেষ্ঠা কাষ্ঠা ধনিষ্ঠান্তা শরাঙ্গী নির্গুণপ্রিয়া ।
মৈত্রেয়া মিত্রবিন্দা চ শেষ্যশেষকলাশয়া ॥ ১৩২ ॥

বারাণসীবাসরতা চার্যাবর্তজনস্তুতা ।
জগদুত্পত্তিসংস্থানসংহারত্রয়কারণম্ ॥ ১৩৩ ॥

ত্বমম্ব বিষ্ণুসর্বস্বং নমস্তেঽস্তু মহেশ্বরি ।
নমস্তে সর্বলোকানাং জনন্যৈ পুণ্যমূর্তয়ে ॥ ১৩৪ ॥

সিদ্ধলক্ষ্মীর্মহাকালি মহলক্ষ্মি নমোঽস্তু তে ।
সদ্যোজাতাদিপঞ্চাগ্নিরূপা পঞ্চকপঞ্চকম্ ॥ ১৩৫ ॥

য়ন্ত্রলক্ষ্মীর্ভবত্যাদিরাদ্যাদ্যে তে নমো নমঃ ।
সৃষ্ট্যাদিকারণাকারবিততে দোষবর্জিতে ॥ ১৩৬ ॥

জগল্লক্ষ্মীর্জগন্মাতর্বিষ্ণুপত্নি নমোঽস্তু তে । var লক্ষ্মি জগন্
নবকোটিমহাশক্তিসমুপাস্যপদাম্বুজে ॥ ১৩৭ ॥

কনত্সৌবর্ণরত্নাঢ্যে সর্বাভরণভূষিতে ।
অনন্তানিত্যমহিষীপ্রপঞ্চেশ্বরনায়কি ॥ ১৩৮ ॥

অত্যুচ্ছ্রিতপদান্তস্থে পরমব্যোমনায়কি ।
নাকপৃষ্ঠগতারাধ্যে বিষ্ণুলোকবিলাসিনি ॥ ১৩৯ ॥

বৈকুণ্ঠরাজমহিষি শ্রীরঙ্গনগরাশ্রিতে ।
রঙ্গনায়কি ভূপুত্রি কৃষ্ণে বরদবল্লভে ॥ ১৪০ ॥

কোটিব্রহ্মাদিসংসেব্যে কোটিরুদ্রাদিকীর্তিতে ।
মাতুলুঙ্গময়ং খেটং সৌবর্ণচষকং তথা ॥ ১৪১ ॥

পদ্মদ্বয়ং পূর্ণকুম্ভং কীরঞ্চ বরদাভয়ে ।
পাশমঙ্কুশকং শঙ্খং চক্রং শূলং কৃপাণিকাম্ ॥ ১৪২ ॥

ধনুর্বাণৌ চাক্ষমালাং চিন্মুদ্রামপি বিভ্রতী ।
অষ্টাদশভুজে লক্ষ্মীর্মহাষ্টাদশপীঠগে ॥ ১৪৩ ॥

ভূমিনীলাদিসংসেব্যে স্বামিচিত্তানুবর্তিনি।
পদ্মে পদ্মালয়ে পদ্মি পূর্ণকুম্ভাভিষেচিতে ॥ ১৪৪ ॥

ইন্দিরেন্দিন্দিরাভাক্ষি ক্ষীরসাগরকন্যকে । var ইন্দিরেন্দীবরাভাক্ষি
ভার্গবি ত্বং স্বতন্ত্রেচ্ছা বশীকৃতজগত্পতিঃ ॥ ১৪৫ ॥

মঙ্গলং মঙ্গলানাং ত্বং দেবতানাং চ দেবতা ।
ত্বমুত্তমোত্তমানাঞ্চ ত্বং শ্রেয়ঃ পরমামৃতম্ ॥ ১৪৬ ॥

ধনধান্যাভিবৃদ্ধিশ্চ সার্বভৌমসুখোচ্ছ্রয়া ।
আন্দোলিকাদিসৌভাগ্যং মত্তেভাদিমহোদয়ঃ ॥ ১৪৭ ॥

পুত্রপৌত্রাভিবৃদ্ধিশ্চ বিদ্যাভোগবলাদিকম্ ।
আয়ুরারোগ্যসম্পত্তিরষ্টৈশ্বর্যং ত্বমেব হি ॥ ১৪৮ ॥

পদমেব বিভূতিশ্চ সূক্ষ্মাসূক্ষ্মতরাগতিঃ । var পরমেশবিভূতিশ্চ
সদয়াপাঙ্গসন্দত্তব্রহ্মেন্দ্রাদিপদস্থিতিঃ ॥ ১৪৯ ॥

অব্যাহতমহাভাগ্যং ত্বমেবাক্ষোভ্যবিক্রমঃ ।
সমন্বয়শ্চ বেদানামবিরোধস্ত্বমেব হি ॥ ১৫০ ॥

নিঃশ্রেয়সপদপ্রাপ্তিসাধনং ফলমেব চ ।
শ্রীমন্ত্ররাজরাজ্ঞী চ শ্রীবিদ্যা ক্ষেমকারিণী ॥ ১৫১ ॥

শ্রীবীজজপসন্তুষ্টা ঐং হ্রীং শ্রীং বীজপালিকা ।
প্রপত্তিমার্গসুলভা বিষ্ণুপ্রথমকিঙ্করী ॥ ১৫২ ॥

ক্লীঙ্কারার্থসবিত্রী চ সৌমঙ্গল্যাধিদেবতা ।
শ্রীষোডশাক্ষরীবিদ্যা শ্রীয়ন্ত্রপুরবাসিনী ॥ ১৫৩ ॥

সর্বমঙ্গলমাঙ্গল্যে শিবে সর্বার্থসাধিকে ।
শরণ্যে ত্র্যম্বকে দেবি নারায়ণি নমোঽস্তু তে ॥ ১৫৪ ॥

পুনঃ পুনর্নমস্তেঽস্তু সাষ্টাঙ্গময়ুতং পুনঃ ।

সনত্কুমার উবাচ-
এবং স্তুতা মহালক্ষ্মীর্ব্রহ্মরুদ্রাদিভিস্সুরৈঃ ।
নমদ্ভিরার্তৈর্দীনৈশ্চ নিস্স্বত্বৈর্ভোগবর্জিতৈঃ ॥ ১ ॥ var নিস্সত্ত্বৈ
জ্যেষ্ঠা জুষ্টৈশ্চ নিশ্শ্রীকৈস্সংসারাত্স্বপরায়ণৈঃ ।
বিষ্ণুপত্নী দদৌ তেষাং দর্শনং দৃষ্টিতর্পণম্ ॥ ২ ॥

শরত্পূর্ণেন্দুকোট্যাভধবলাপাঙ্গবীক্ষণৈঃ ।
সর্বাত্সত্ত্বসমাবিষ্টাংশ্চক্রে হৃষ্টা বরং দদৌ ॥ ৩ ॥

মহালক্ষ্মীরুবাচ-
নাম্নাং সাষ্টসহস্রং মে প্রমাদাদ্বাপি য়স্সকৃত্ ।
কীর্তয়েত্তত্কুলে সত্যং বসাম্যাচন্দ্রতারকম্ ॥ ৪ ॥

কিং পুনর্নিয়মাজ্জপ্তুর্মদেকশরণস্য চ ।
মাতৃবত্সানুকম্পাহং পোষকী স্যামহর্নিশম্ ॥ ৫ ॥

মন্নাম স্তবতাং লোকে দুর্লভং নাস্তি চিন্তিতম্ । var স্তুব
মত্প্রসাদেন সর্বেঽপি স্বস্বেষ্টার্থমবাপ্স্যথ ॥ ৬ ॥

লুপ্তবৈষ্ণবধর্মস্য মদ্ব্রতেষ্ববকীর্ণিনঃ । var কীর্তিনঃ
ভক্তিপ্রপত্তিহীনস্য বন্দ্যো নাম্নাং জরাপি মে ॥ ৭ ॥

তস্মাদবশ্যং তৈর্দোষৈর্বিহীনঃ পাপবর্জিতঃ ।
জপেত্সাষ্টসহস্রং মে নাম্নাং প্রত্যহমাদরাত্ ॥ ৮ ॥

সাক্ষাদলক্ষ্মীপুত্রোঽপি দুর্ভাগ্যোঽপ্যলসোঽপি বা ।
অপ্রয়ত্নোঽপি মূঢোঽপি বিকলঃ পতিতোঽপি চ ॥ ৯ ॥

অবশাত্প্রাপ্নুয়াদ্ভাগ্যং মত্প্রসাদেন কেবলম্ ।
স্পৃহেয়মচিরাদ্দেবাঃ বরদানায় জাপিনঃ ॥ ১০ ॥

দদামি সর্বমিষ্টার্থং লক্ষ্মীতি স্মরতাং ধ্রুবম্ ।

সনত্কুমার উবাচ-
ইত্যুক্ত্বাঽন্তর্দধে লক্ষ্মীর্বৈষ্ণবী ভগবত্কলা ॥ ১১ ॥

ইষ্টাপূর্তং চ সুকৃতং ভাগধেয়ং চ চিন্তিতম্ ।
স্বং স্বং স্থানং চ ভোগং চ বিজয়ং লেভিরে সুরাঃ ॥ ১২ ॥

তদেতত্ প্রবদাম্যদ্য লক্ষ্মীনামসহস্রকম্ । var তদেতদ্বো দদামদ্য
য়োগিনঃ পঠত ক্ষিপ্রং চিন্তিতার্থানবাপ্স্যথ ॥ ১৩ ॥

গার্গ্য উবাচ-
সনত্কুমারোয়োগীন্দ্র ইত্যুক্ত্বা স দয়ানিধিঃ । var সনত্কুমার
অনুগৃহ্য য়য়ৌ ক্ষিপ্রং তাংশ্চ দ্বাদশয়োগিনঃ ॥ ১৪ ॥

তস্মাদেতদ্রহস্যঞ্চ গোপ্যং জপ্যং প্রয়ত্নতঃ ।
অষ্টম্যাং চ চতুর্দশ্যাং নবম্যাং ভৃগুবাসরে ॥ ১৫ ॥

পৌর্ণমাস্যামমায়াং চ পর্বকালে বিশেষতঃ ।
জপেদ্বা নিত্যকার্যেষু সর্বান্কামানবাপ্নুয়াত্ ॥ ১৬ ॥

॥ ইতি শ্রীস্কন্দপুরাণে সনত্কুমারসংহিতায়াং
লক্ষ্মীসহস্রনামস্তোত্রং সম্পূর্ণম্ ॥

Also Read 1000 Names of from Skandapurana’s Sri Laxhmi :

1000 Names of Sri Lakshmi | Sahasranamavali from Skandapurana Lyrics in Hindi | English | Bengali | Gujarati | Kannada | Malayalam | Oriya | Telugu | Tamil