Sri Giridhari Ashtakam in English:
॥ śrī giridhāryaṣṭakam ॥
tryailōkyalakṣmīmadabhr̥tsurēśvarō
yadā ghanairantakarairvavarṣaha |
tadākarōdyaḥ svabalēna rakṣaṇaṁ
taṁ gōpabālaṁ giridhāriṇaṁ bhajē || 1 ||
yaḥ pāyayantīmadhiruhya pūtanāṁ
stanyaṁ papau prāṇaparāyaṇaḥ śiśuḥ |
jaghāna vātāyitadaityapuṅgavaṁ
taṁ gōpabālaṁ giridhāriṇaṁ bhajē || 2 ||
nandavrajaṁ yaḥ svarucēndirālayaṁ
cakrē digīśān divi mōhavr̥ddhayē |
gōgōpagōpījanasarvasaukhyaṁ
taṁ gōpabālaṁ giridhāriṇaṁ bhajē || 3 ||
yaṁ kāmadōgdhrī gaganāvr̥tairjalaiḥ
svajñātirājyē muditābhyaṣiñcata |
gōvindanāmōtsavakr̥dvrajaukasāṁ
taṁ gōpabālaṁ giridhāriṇaṁ bhajē || 4 ||
yasyānanābjaṁ vrajasundarījanā
dinakṣayē lōcanaṣaṭpadairmudā |
pibantyadhīrā virahāturā bhr̥śaṁ
taṁ gōpabālaṁ giridhāriṇaṁ bhajē || 5 ||
br̥ndāvanē nirjarabr̥ndavanditē
gāścārayanyaḥ kalavēṇunissvanaḥ |
gōpāṅganācittavimōhamanmatha-
staṁ gōpabālaṁ giridhāriṇaṁ bhajē || 6 ||
yaḥ svātmalīlārasaditsayā satā-
māviśyakārā:’gnikumāravigraham |
śrīvallabhādhvānusr̥taikapālaka-
staṁ gōpabālaṁ giridhāriṇaṁ bhajē || 7 ||
gōpēndrasūnōrgiridhāriṇō:’ṣṭakaṁ
paṭhēdidaṁ yastadananyamānasaḥ |
samucyatē duḥkhamahārṇavādbhr̥śaṁ
prāpnōti dāsyaṁ giridhāriṇē dhruvam || 8 ||
praṇamya samprārthayatē tavāgrata-
stvadaṅghrirēṇuṁ raghunāthanāmakaḥ |
śrīviṭhṭhalānugrahalabdhasanmati-
statpūrayaitasya manōrathārṇavam || 9 ||
iti śrīraghunāthaprabhukr̥ta śrīgirirājadhāryaṣṭakam ||
Also Read:
Sri Giridharyastakam Lyrics in Hindi | English | Kannada | Telugu | Tamil
