Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Slokas / Durga Devi Stotram / Devi Mahatmyam Devi Kavacham Lyrics in Hindi and English

Devi Mahatmyam Devi Kavacham Lyrics in Hindi and English

350 Views

Devi Stotram – Devi Mahatmyam Devi Kavacham Lyrics in Hindi:

ॐ नमश्चण्डिकायै

न्यासः
अस्य श्री चण्डी कवचस्य । ब्रह्मा ऋषिः । अनुष्टुप् छन्दः ।
चामुण्डा देवता । अङ्गन्यासोक्त मातरो बीजम् । नवावरणो मन्त्रशक्तिः । दिग्बन्ध देवताः तत्वम् । श्री जगदम्बा प्रीत्यर्थे सप्तशती पाठाङ्गत्वेन जपे विनियोगः ॥

ॐ नमश्चण्डिकायै

मार्कण्डेय उवाच ।
ॐ यद्गुह्यं परमं लोके सर्वरक्षाकरं नृणाम् ।
यन्न कस्यचिदाख्यातं तन्मे ब्रूहि पितामह ॥ 1 ॥

ब्रह्मोवाच ।
अस्ति गुह्यतमं विप्र सर्वभूतोपकारकम् ।
देव्यास्तु कवचं पुण्यं तच्छृणुष्व महामुने ॥ 2 ॥

प्रथमं शैलपुत्री च द्वितीयं ब्रह्मचारिणी ।
तृतीयं चन्द्रघण्टेति कूष्माण्डेति चतुर्थकम् ॥ 3 ॥

पञ्चमं स्कन्दमातेति षष्ठं कात्यायनीति च ।
सप्तमं कालरात्रीति महागौरीति चाष्टमम् ॥ 4 ॥

Devi Mahatmyam Devi Kavacham

नवमं सिद्धिदात्री च नवदुर्गाः प्रकीर्तिताः ।
उक्तान्येतानि नामानि ब्रह्मणैव महात्मना ॥ 5 ॥

अग्निना दह्यमानस्तु शत्रुमध्ये गतो रणे ।
विषमे दुर्गमे चैव भयार्ताः शरणं गताः ॥ 6 ॥

न तेषां जायते किञ्चिदशुभं रणसङ्कटे ।
नापदं तस्य पश्यामि शोकदुःखभयं न हि ॥ 7 ॥

यैस्तु भक्त्या स्मृता नूनं तेषां वृद्धिः प्रजायते ।
ये त्वां स्मरन्ति देवेशि रक्षसे तान्नसंशयः ॥ 8 ॥

प्रेतसंस्था तु चामुण्डा वाराही महिषासना ।
ऐन्द्री गजसमारूढा वैष्णवी गरुडासना ॥ 9 ॥

माहेश्वरी वृषारूढा कौमारी शिखिवाहना ।
लक्ष्मीः पद्मासना देवी पद्महस्ता हरिप्रिया ॥ 10 ॥

श्वेतरूपधरा देवी ईश्वरी वृषवाहना ।
ब्राह्मी हंससमारूढा सर्वाभरणभूषिता ॥ 11 ॥

इत्येता मातरः सर्वाः सर्वयोगसमन्विताः ।
नानाभरणाशोभाढ्या नानारत्नोपशोभिताः ॥ 12 ॥

दृश्यन्ते रथमारूढा देव्यः क्रोधसमाकुलाः ।
शङ्खं चक्रं गदां शक्तिं हलं च मुसलायुधम् ॥ 13 ॥

खेटकं तोमरं चैव परशुं पाशमेव च ।
कुन्तायुधं त्रिशूलं च शार्ङ्गमायुधमुत्तमम् ॥ 14 ॥

दैत्यानां देहनाशाय भक्तानामभयाय च ।
धारयन्त्यायुधानीत्थं देवानां च हिताय वै ॥ 15 ॥

नमस्ते‌உस्तु महारौद्रे महाघोरपराक्रमे ।
महाबले महोत्साहे महाभयविनाशिनि ॥ 16 ॥

त्राहि मां देवि दुष्प्रेक्ष्ये शत्रूणां भयवर्धिनि ।
प्राच्यां रक्षतु मामैन्द्री आग्नेय्यामग्निदेवता ॥ 17 ॥

दक्षिणे‌உवतु वाराही नैरृत्यां खड्गधारिणी ।
प्रतीच्यां वारुणी रक्षेद्वायव्यां मृगवाहिनी ॥ 18 ॥

उदीच्यां पातु कौमारी ऐशान्यां शूलधारिणी ।
ऊर्ध्वं ब्रह्माणी मे रक्षेदधस्ताद्वैष्णवी तथा ॥ 19 ॥

एवं दश दिशो रक्षेच्चामुण्डा शववाहना ।
जया मे चाग्रतः पातु विजया पातु पृष्ठतः ॥ 20 ॥

अजिता वामपार्श्वे तु दक्षिणे चापराजिता ।
शिखामुद्योतिनी रक्षेदुमा मूर्ध्नि व्यवस्थिता ॥ 21 ॥

मालाधरी ललाटे च भ्रुवौ रक्षेद्यशस्विनी ।
त्रिनेत्रा च भ्रुवोर्मध्ये यमघण्टा च नासिके ॥ 22 ॥

शङ्खिनी चक्षुषोर्मध्ये श्रोत्रयोर्द्वारवासिनी ।
कपोलौ कालिका रक्षेत्कर्णमूले तु शाङ्करी ॥ 23 ॥

नासिकायां सुगन्धा च उत्तरोष्ठे च चर्चिका ।
अधरे चामृतकला जिह्वायां च सरस्वती ॥ 24 ॥

दन्तान् रक्षतु कौमारी कण्ठदेशे तु चण्डिका ।
घण्टिकां चित्रघण्टा च महामाया च तालुके ॥ 25 ॥

कामाक्षी चिबुकं रक्षेद्वाचं मे सर्वमङ्गला ।
ग्रीवायां भद्रकाली च पृष्ठवंशे धनुर्धरी ॥ 26 ॥

नीलग्रीवा बहिः कण्ठे नलिकां नलकूबरी ।
स्कन्धयोः खड्गिनी रक्षेद्बाहू मे वज्रधारिणी ॥ 27 ॥

हस्तयोर्दण्डिनी रक्षेदम्बिका चाङ्गुलीषु च ।
नखाञ्छूलेश्वरी रक्षेत्कुक्षौ रक्षेत्कुलेश्वरी ॥ 28 ॥

स्तनौ रक्षेन्महादेवी मनःशोकविनाशिनी ।
हृदये ललिता देवी उदरे शूलधारिणी ॥ 29 ॥

नाभौ च कामिनी रक्षेद्गुह्यं गुह्येश्वरी तथा ।
पूतना कामिका मेढ्रं गुदे महिषवाहिनी ॥ 30 ॥

कट्यां भगवती रक्षेज्जानुनी विन्ध्यवासिनी ।
जङ्घे महाबला रक्षेत्सर्वकामप्रदायिनी ॥ 31 ॥

गुल्फयोर्नारसिंही च पादपृष्ठे तु तैजसी ।
पादाङ्गुलीषु श्री रक्षेत्पादाधस्तलवासिनी ॥ 32 ॥

नखान् दंष्ट्रकराली च केशांश्चैवोर्ध्वकेशिनी ।
रोमकूपेषु कौबेरी त्वचं वागीश्वरी तथा ॥ 33 ॥

रक्तमज्जावसामांसान्यस्थिमेदांसि पार्वती ।
अन्त्राणि कालरात्रिश्च पित्तं च मुकुटेश्वरी ॥ 34 ॥

पद्मावती पद्मकोशे कफे चूडामणिस्तथा ।
ज्वालामुखी नखज्वालामभेद्या सर्वसन्धिषु ॥ 35 ॥

शुक्रं ब्रह्माणि! मे रक्षेच्छायां छत्रेश्वरी तथा ।
अहङ्कारं मनो बुद्धिं रक्षेन्मे धर्मधारिणी ॥ 36 ॥

प्राणापानौ तथा व्यानमुदानं च समानकम् ।
वज्रहस्ता च मे रक्षेत्प्राणं कल्याणशोभना ॥ 37 ॥

रसे रूपे च गन्धे च शब्दे स्पर्शे च योगिनी ।
सत्त्वं रजस्तमश्चैव रक्षेन्नारायणी सदा ॥ 38 ॥

आयू रक्षतु वाराही धर्मं रक्षतु वैष्णवी ।
यशः कीर्तिं च लक्ष्मीं च धनं विद्यां च चक्रिणी ॥ 39 ॥

गोत्रमिन्द्राणि! मे रक्षेत्पशून्मे रक्ष चण्डिके ।
पुत्रान् रक्षेन्महालक्ष्मीर्भार्यां रक्षतु भैरवी ॥ 40 ॥

पन्थानं सुपथा रक्षेन्मार्गं क्षेमकरी तथा ।
राजद्वारे महालक्ष्मीर्विजया सर्वतः स्थिता ॥ 41 ॥

रक्षाहीनं तु यत्-स्थानं वर्जितं कवचेन तु ।
तत्सर्वं रक्ष मे देवि! जयन्ती पापनाशिनी ॥ 42 ॥

पदमेकं न गच्छेत्तु यदीच्छेच्छुभमात्मनः ।
कवचेनावृतो नित्यं यत्र यत्रैव गच्छति ॥ 43 ॥

तत्र तत्रार्थलाभश्च विजयः सार्वकामिकः ।
यं यं चिन्तयते कामं तं तं प्राप्नोति निश्चितम् ॥ 44 ॥

परमैश्वर्यमतुलं प्राप्स्यते भूतले पुमान् ।
निर्भयो जायते मर्त्यः सङ्ग्रामेष्वपराजितः ॥ 45 ॥

त्रैलोक्ये तु भवेत्पूज्यः कवचेनावृतः पुमान् ।
इदं तु देव्याः कवचं देवानामपि दुर्लभम् ॥ 46 ॥

यः पठेत्प्रयतो नित्यं त्रिसन्ध्यं श्रद्धयान्वितः ।
दैवीकला भवेत्तस्य त्रैलोक्येष्वपराजितः । 47 ॥

जीवेद्वर्षशतं साग्रमपमृत्युविवर्जितः ।
नश्यन्ति व्याधयः सर्वे लूताविस्फोटकादयः ॥ 48 ॥

स्थावरं जङ्गमं चैव कृत्रिमं चैव यद्विषम् ।
अभिचाराणि सर्वाणि मन्त्रयन्त्राणि भूतले ॥ 49 ॥

भूचराः खेचराश्चैव जुलजाश्चोपदेशिकाः ।
सहजा कुलजा माला डाकिनी शाकिनी तथा ॥ 50 ॥

अन्तरिक्षचरा घोरा डाकिन्यश्च महाबलाः ।
ग्रहभूतपिशाचाश्च यक्षगन्धर्वराक्षसाः ॥ 51 ॥

ब्रह्मराक्षसवेतालाः कूष्माण्डा भैरवादयः ।
नश्यन्ति दर्शनात्तस्य कवचे हृदि संस्थिते ॥ 52 ॥

मानोन्नतिर्भवेद्राज्ञस्तेजोवृद्धिकरं परम् ।
यशसा वर्धते सो‌உपि कीर्तिमण्डितभूतले ॥ 53 ॥

जपेत्सप्तशतीं चण्डीं कृत्वा तु कवचं पुरा ।
यावद्भूमण्डलं धत्ते सशैलवनकाननम् ॥ 54 ॥

तावत्तिष्ठति मेदिन्यां सन्ततिः पुत्रपौत्रिकी ।
देहान्ते परमं स्थानं यत्सुरैरपि दुर्लभम् ॥ 55 ॥

प्राप्नोति पुरुषो नित्यं महामायाप्रसादतः ।
लभते परमं रूपं शिवेन सह मोदते ॥ 56 ॥

॥ इति वाराहपुराणे हरिहरब्रह्म विरचितं देव्याः कवचं सम्पूर्णम् ॥

Devi Stotram – Devi Mahatmyam Devi Kavacham Lyrics in English

om namascandikayai

nyasah
asya sri candi kavacasya | brahma rsih | anustup chandah |
camunda devata | anganyasokta mataro bijam | navavarano mantrasaktih | digbandha devatah tatvam | sri jagadamba prityarthe saptasati pathangatvena jape viniyogah ||

om namascandikayai

markandeya uvaca |
om yadguhyam paramam loke sarvaraksakaram nrnam |
yanna kasyacidakhyatam tanme bruhi pitamaha || 1 ||

brahmovaca |
asti guhyatamam vipra sarvabhutopakarakam |
devyastu kavacam punyam tacchrnusva mahamune || 2 ||

prathamam sailaputri ca dvitiyam brahmacarini |
trtiyam candraghanteti kusmandeti caturthakam || 3 ||

pancamam skandamateti sastham katyayaniti ca |
saptamam kalaratriti mahagauriti castamam || 4 ||

navamam siddhidatri ca navadurgah prakirtitah |
uktanyetani namani brahmanaiva mahatmana || 5 ||

agnina dahyamanastu satrumadhye gato rane |
visame durgame caiva bhayartah saranam gatah || 6 ||

na tesam jayate kincidasubham ranasankate |
napadam tasya pasyami sokaduhkhabhayam na hi || 7 ||

yaistu bhaktya smrta nunam tesam vrddhih prajayate |
ye tvam smaranti devesi raksase tannasamsayah || 8 ||

pretasamstha tu camunda varahi mahisasana |
aindri gajasamarudha vaisnavi garudasana || 9 ||

mahesvari vrsarudha kaumari sikhivahana |
laksmih padmasana devi padmahasta haripriya || 10 ||

svetarupadhara devi isvari vrsavahana |
brahmi hamsasamarudha sarvabharanabhusita || 11 ||

ityeta matarah sarvah sarvayogasamanvitah |
nanabharanasobhadhya nanaratnopasobhitah || 12 ||

drsyante rathamarudha devyah krodhasamakulah |
sankham cakram gadam saktim halam ca musalayudham || 13 ||

khetakam tomaram caiva parasum pasameva ca |
kuntayudham trisulam ca sarngamayudhamuttamam || 14 ||

daityanam dehanasaya bhaktanamabhayaya ca |
dharayantyayudhanittham devanam ca hitaya vai || 15 ||

namaste‌உstu maharaudre mahaghoraparakrame |
mahabale mahotsahe mahabhayavinasini || 16 ||

trahi mam devi duspreksye satrunam bhayavardhini |
pracyam raksatu mamaindri agneyyamagnidevata || 17 ||

daksine‌உvatu varahi nairrtyam khadgadharini |
praticyam varuni raksedvayavyam mrgavahini || 18 ||

udicyam patu kaumari aisanyam suladharini |
urdhvam brahmani me raksedadhastadvaisnavi tatha || 19 ||

evam dasa diso rakseccamunda savavahana |
jaya me cagratah patu vijaya patu prsthatah || 20 ||

ajita vamaparsve tu daksine caparajita |
sikhamudyotini rakseduma murdhni vyavasthita || 21 ||

maladhari lalate ca bhruvau raksedyasasvini |
trinetra ca bhruvormadhye yamaghanta ca nasike || 22 ||

sankhini caksusormadhye srotrayordvaravasini |
kapolau kalika raksetkarnamule tu sankari || 23 ||

nasikayam sugandha ca uttarosthe ca carcika |
adhare camrtakala jihvayam ca sarasvati || 24 ||

dantan raksatu kaumari kanthadese tu candika |
ghantikam citraghanta ca mahamaya ca taluke || 25 ||

kamaksi cibukam raksedvacam me sarvamangaḷa |
grivayam bhadrakaḷi ca prsthavamse dhanurdhari || 26 ||

nilagriva bahih kanthe nalikam nalakubari |
skandhayoh khadgini raksedbahu me vajradharini || 27 ||

hastayordandini raksedambika cangulisu ca |
nakhanchulesvari raksetkuksau raksetkulesvari || 28 ||

stanau raksenmahadevi manahsokavinasini |
hrdaye lalita devi udare suladharini || 29 ||

nabhau ca kamini raksedguhyam guhyesvari tatha |
putana kamika medhram gude mahisavahini || 30 ||

katyam bhagavati raksejjanuni vindhyavasini |
janghe mahabala raksetsarvakamapradayini || 31 ||

gulphayornarasimhi ca padaprsthe tu taijasi |
padangulisu sri raksetpadadhastalavasini || 32 ||

nakhan damstrakarali ca kesamscaivordhvakesini |
romakupesu kauberi tvacam vagisvari tatha || 33 ||

raktamajjavasamamsanyasthimedamsi parvati |
antrani kalaratrisca pittam ca mukutesvari || 34 ||

padmavati padmakose kaphe cudamanistatha |
jvalamukhi nakhajvalamabhedya sarvasandhisu || 35 ||

sukram brahmani! me raksecchayam chatresvari tatha |
ahankaram mano buddhim raksenme dharmadharini || 36 ||

pranapanau tatha vyanamudanam ca samanakam |
vajrahasta ca me raksetpranam kalyanasobhana || 37 ||

rase rupe ca gandhe ca sabde sparse ca yogini |
sattvam rajastamascaiva raksennarayani sada || 38 ||

ayu raksatu varahi dharmam raksatu vaisnavi |
yasah kirtim ca laksmim ca dhanam vidyam ca cakrini || 39 ||

gotramindrani! me raksetpasunme raksa candike |
putran raksenmahalaksmirbharyam raksatu bhairavi || 40 ||

panthanam supatha raksenmargam ksemakari tatha |
rajadvare mahalaksmirvijaya sarvatah sthita || 41 ||

raksahinam tu yat-sthanam varjitam kavacena tu |
tatsarvam raksa me devi! jayanti papanasini || 42 ||

padamekam na gacchettu yadicchecchubhamatmanah |
kavacenavrto nityam yatra yatraiva gacchati || 43 ||

tatra tatrarthalabhasca vijayah sarvakamikah |
yam yam cintayate kamam tam tam prapnoti niscitam || 44 ||

paramaisvaryamatulam prapsyate bhutale puman |
nirbhayo jayate martyah sangramesvaparajitah || 45 ||

trailokye tu bhavetpujyah kavacenavrtah puman |
idam tu devyah kavacam devanamapi durlabham || 46 ||

yah pathetprayato nityam trisandhyam sraddhayanvitah |
daivikala bhavettasya trailokyesvaparajitah | 47 ||

jivedvarsasatam sagramapamrtyuvivarjitah |
nasyanti vyadhayah sarve lutavisphotakadayah || 48 ||

sthavaram jangamam caiva krtrimam caiva yadvisam |
abhicarani sarvani mantrayantrani bhutale || 49 ||

bhucarah khecarascaiva julajascopadesikah |
sahaja kulaja mala dakini sakini tatha || 50 ||

antariksacara ghora dakinyasca mahabalah |
grahabhutapisacasca yaksagandharvaraksasah || 51 ||

brahmaraksasavetalah kusmanda bhairavadayah |
nasyanti darsanattasya kavace hrdi samsthite || 52 ||

manonnatirbhavedrannastejovrddhikaram param |
yasasa vardhate so‌உpi kirtimanditabhutale || 53 ||

japetsaptasatim candim krtva tu kavacam pura |
yavadbhumandalam dhatte sasailavanakananam || 54 ||

tavattisthati medinyam santatih putrapautriki |
dehante paramam sthanam yatsurairapi durlabham || 55 ||

prapnoti puruso nityam mahamayaprasadatah |
labhate paramam rupam sivena saha modate || 56 ||

|| iti varahapurane hariharabrahma viracitam devyah kavacam sampurnam ||

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *