Gayatri Ashtakam va Stotram Lyrics in Malayalam:
॥ ഗായത്രീ അഷ്ടകം വാ സ്തോത്രം ॥
സുകല്യാണീം വാണീം സുരമുനിവരൈഃ പൂജിതപദാം ।
ശിവാമാദ്യാം വന്ദ്യാം ത്രിഭുവനമയീം വേദജനനീം ।
പരം ശക്തിം സ്രഷ്ടും വിവിധവിധ രൂപാം ഗുണംയീം
ഭജേഽംബാം ഗായത്രീം പരമസുഭഗാനന്ദജനനീം ॥ 1 ॥
വിശുദ്ധാം സത്ത്വസ്ഥാമഖില ദുരവസ്ഥാദിഹരണീം
നിരാകാരാം സാരാം സുവിമല തപോ മൂര്‍തിമതുലാം ।
ജഗജ്ജ്യേഷ്ഠാം ശ്രേഷ്ഠാമസുരസുരപൂജ്യാം ശ്രുതിനുതാം
ഭജേഽംബാം ഗായത്രീം പരമസുഭഗാനന്ദജനനീം ॥ 2 ॥
തപോ നിഷ്ഠാഭീഷ്ടാംസ്വജനമനസന്താപശമനീം
ദയാമൂര്‍തിം സ്ഫൂര്‍തിം യതിതതി പ്രസാദൈകസുലഭാം ।
വരേണ്യാം പുണ്യാം താം നിഖില ഭവ ബന്ധാപഹരണീം
ഭജേഽംബാം ഗായത്രീം പരമസുഭഗാനന്ദജനനീം ॥ 3 ॥
സദാരാധ്യാം സാധ്യാം സുമതി മതി വിസ്താരകരണീം
വിശോകാമാലോകാം ഹൃദയഗത മോഹാന്ധഹരണീം ।
പരാം ദിവ്യാം ഭവ്യാമഗമഭവസിന്ധ്വേക തരണീം
ഭജേഽംബാം ഗായത്രീം പരമസുഭഗാനന്ദജനനീം ॥ 4 ॥
അജാം ദ്വൈതാം ത്രൈതാം വിവിധഗുണരൂപാം സുവിമലാം
തമോ ഹന്ത്രീം-തന്ത്രീം ശ്രുതി മധുരനാദാം രസമയീം ।
മഹാമാന്യാം ധന്യാം സതതകരുണാശീല വിഭവാം
ഭജേഽംബാം ഗായത്രീം പരമസുഭഗാനന്ദജനനീം ॥ 5 ॥
ജഗദ്ധാത്രീം പാത്രീം സകല ഭവ സംഹാരകരണീം
സുവീരാം ധീരാം താം സുവിമല തപോ രാശി സരണീം ।
അനേകാമേകാം വൈ ത്രിജഗസദധിഷ്ഠാനപദവീം
ഭജേഽംബാം ഗായത്രീം പരമസുഭഗാനന്ദജനനീം ॥ 6 ॥
പ്രബുദ്ധാം ബുദ്ധാം താം സ്വജനമതി ജാഡ്യാപഹരണാം
ഹിരണ്യാം ഗുണ്യാം താം സുകവിജന ഗീതാം സുനിപുണീം ।
സുവിദ്യാം നിരവദ്യാമമല ഗുണഗാഥാം ഭഗവതീം
ഭജേഽംബാം ഗായത്രീം പരമസുഭഗാനന്ദജനനീം ॥ 7 ॥
അനന്താം ശാന്താം യാം ഭജതി ബുധ വൃന്ദഃ ശ്രുതിമയീം
സുഗേയാം ധ്യേയാം യാം സ്മരതി ഹൃദി നിത്യം സുരപതിഃ ।
സദാ ഭക്ത്യാ ശക്ത്യാ പ്രണതമതിഭിഃ പ്രീതിവശഗാം
ഭജേഽംബാം ഗായത്രീം പരമസുഭഗാനന്ദജനനീം ॥ 8 ॥
ശുദ്ധ ചിത്തഃ പഠേദ്യസ്തു ഗായത്ര്യാ അഷ്ടകം ശുഭം ।
അഹോ ഭാഗ്യോ ഭവേല്ലോകേ തസ്മിന്‍ മാതാ പ്രസീദതി ॥ 9 ॥
Also Read:
Gayatri Ashtakam va Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
