Nandakumar Astakam in Telugu:
శ్రీనన్దకుమారాష్టకమ్
సున్దరగోపాలం ఉరవనమాలం నయనవిశాలం దుఃఖహరం
వృన్దావనచన్ద్రమానన్దకన్దం పరమానన్దం ధరణిధరమ్ ।
వల్లభఘనశ్యామం పూర్ణకామం అత్యభిరామం ప్రీతికరం
భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ ౧॥
సున్దరవారిజవదనం నిర్జితమదనం ఆనన్దసదనం ముకుటధరం
గుఞ్జాకృతిహారం విపినవిహారం పరమోదారం చీరహరమ్ ।
వల్లభపటపీతం కృతఉపవీతం కరనవనీతం విబుధవరం
భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ ౨॥
శోభితముఖధులం యమునాకూలం నిపటఅతూలం సుఖదతరం
ముఖమణ్డితరేణుం చారితధేనుం వాదితవేణుం మధురసురమ్ ।
వల్లభమతివిమలం శుభపదకమలం నఖరుచి అమలం తిమిరహరం
భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ ౩॥
శిరముకుటసుదేశం కుఞ్చితకేశం నటవరవేశం కామవరం
మాయాకృతమనుజం హలధరఅనుజం ప్రతిహతదనుజం భారహరమ్ ।
వల్లభవ్రజపాలం సుభగసుచాలం హితమనుకాలం భావవరం
భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ ౪॥
ఇన్దీవరభాసం ప్రకటసురాసం కుసుమవికాసం వంశిధరం
హృత్మన్మథమానం రూపనిధానం కృతకలగానం చిత్తహరమ్ ।
వల్లభమృదుహాసం కుఞ్జనివాసం వివిధవిలాసం కేలికరం
భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ ౫॥
అతిపరమప్రవీణం పాలితదీనం భక్తాధీనం కర్మకరం
మోహనమతిధీరం ఫణిబలవీరం హతపరవీరం తరలతరమ్ ।
వల్లభవ్రజరమణం వారిజవదనం హలధరశమనం శైలధరం
భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ ౬॥
జలధరద్యుతిఅఙ్గం లలితత్రిభఙ్గం బహుకృతరఙ్గం రసికవరం
గోకులపరివారం మదనాకారం కుఞ్జవిహారం గూఢతరమ్ ।
వల్లభవ్రజచన్ద్రం సుభగసుఛన్దం కృతఆనన్దం భ్రాన్తిహరం
భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ ౭॥
వన్దితయుగచరణం పావనకరణం జగదుద్ధరణం విమలధరం
కాలియశిరగమనం కృతఫణినమనం ఘాతితయమనం మృదులతరమ్ ।
వల్లభదుఃఖహరణం నిర్మలచరణం అశరణశరణం ముక్తికరం
భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ ౮॥
॥ ఇతి శ్రీమహాప్రభువల్లభాచార్యవిరచితం శ్రీనన్దకుమారాష్టకం సమ్పూర్ణమ్ ॥
Also Read:
Hymn to Krishna as Nandakumar – Nandakumar Astakam in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
