শ্রীনৃসিংহাষ্টকম্ Lyrics in Bengali:
শ্রীমদকলঙ্ক পরিপূর্ণ! শশিকোটি-
শ্রীধর! মনোহর! সটাপটল কান্ত! ।
পালয় কৃপালয়! ভবাম্বুধি-নিমগ্নং
দৈত্যবরকাল! নরসিংহ! নরসিংহ! ॥ ১॥
পাদকমলাবনত পাতকি-জনানাং
পাতকদবানল! পতত্রিবর-কেতো! ।
ভাবন! পরায়ণ! ভবার্তিহরয়া মাং
পাহি কৃপয়ৈব নরসিংহ! নরসিংহ! ॥ ২॥
তুঙ্গনখ-পঙ্ক্তি-দলিতাসুর-বরাসৃক্
পঙ্ক-নবকুঙ্কুম-বিপঙ্কিল-মহোরঃ ।
পণ্ডিতনিধান-কমলালয় নমস্তে
পঙ্কজনিষণ্ণ! নরসিংহ! নরসিংহ! ॥ ৩॥
মৌলেষু বিভূষণমিবামর বরাণাং
য়োগিহৃদয়েষু চ শিরস্সু নিগমানাম্ ।
রাজদরবিন্দ-রুচিরং পদয়ুগং তে
দেহি মম মূর্ধ্নি নরসিংহ! নরসিংহ! ॥ ৪॥
বারিজবিলোচন! মদন্তিম-দশায়াং
ক্লেশ-বিবশীকৃত-সমস্ত-করণায়াম্ ।
এহি রময়া সহ শরণ্য! বিহগানাং
নাথমধিরুহ্য নরসিংহ! নরসিংহ! ॥ ৫॥
হাটক-কিরীট-বরহার-বনমালা
ধাররশনা-মকরকুণ্ডল-মণীন্দ্রৈঃ ।
ভূষিতমশেষ-নিলয়ং তব বপুর্মে
চেতসি চকাস্তু নরসিংহ! নরসিংহ! ॥ ৬॥
ইন্দু রবি পাবক বিলোচন! রমায়াঃ
মন্দির! মহাভুজ!-লসদ্বর-রথাঙ্গ! ।
সুন্দর! চিরায় রমতাং ত্বয়ি মনো মে
নন্দিত সুরেশ! নরসিংহ! নরসিংহ! ॥ ৭॥
মাধব! মুকুন্দ! মধুসূদন! মুরারে!
বামন! নৃসিংহ! শরণং ভব নতানাম্ ।
কামদ ঘৃণিন্ নিখিলকারণ নয়েয়ং
কালমমরেশ নরসিংহ! নরসিংহ! ॥ ৮॥
অষ্টকমিদং সকল-পাতক-ভয়ঘ্নং
কামদং অশেষ-দুরিতাময়-রিপুঘ্নম্ ।
য়ঃ পঠতি সন্ততমশেষ-নিলয়ং তে
গচ্ছতি পদং স নরসিংহ! নরসিংহ! ॥ ৯॥
॥ ইতি শ্রীনৃসিংহাষ্টকম্ ॥