Ashtaka

Shri Tarananda Gurvashtakam Lyrics in Bengali | শ্রীতারানন্দগুর্বষ্টকম্

শ্রীতারানন্দগুর্বষ্টকম্ Lyrics in Bengali:

ওঁ
শ্রীরামজয়ম্ ।
ওঁ সদ্গুরুশ্রীত্যাগরাজস্বামিনে নমো নমঃ ।

অথ শ্রীতারানন্দগুর্বষ্টকম্ ।
গঙ্গাতীরসুবাসং তং গঙ্গালীনতপস্বিনম্ ।
শ্রীদয়ানন্দশিষ্যার্যং তারানন্দগুরুং ভজে ॥ ১॥

ব্রহ্মসূত্রপ্রবোধং তং ব্রহ্মত্বতত্ত্ববোধকম্ ।
ব্রহ্মপ্রকাশরূপং তং তারানন্দগুরুং ভজে ॥ ২॥

ব্রহ্মবিদ্যাসুবোধং তং তারকজ্ঞানমার্গিণম্ ।
ব্রহ্মজ্ঞানস্বলীনং তং তারানন্দগুরুং ভজে ॥ ৩॥

ব্রহ্মনিষ্ঠাপরং শান্তং সংয়তং য়তভাষিণম্ ।
ব্রহ্মলীনং তপস্তীর্থং তারানন্দগুরুং ভজে ॥ ৪॥

একান্তং একসদ্ধ্যানং একান্তধ্যানসুব্রতম্ ।
একবস্তুসদালীনং তারানন্দগুরুং ভজে ॥ ৫॥

মাতৃপ্রেমপরীবাহং বুভুক্ষাহরমাতরম্ ।
আত্মতৃষ্ণাপ্রশামং তং তারানন্দগুরুং ভজে ॥ ৬॥

স্বাগতস্মেরবক্ত্রং তং হিতভাষশ্রমাপহম্ ।
শ্রুতশ্লোকপ্রমোদং তং তারানন্দগুরুং ভজে ॥ ৭॥

হিমগদ্যরসানন্দং গঙ্গাসহস্রমোদিতম্ ।
আশীর্বাদদয়াপূরং তারানন্দগুরুং ভজে ॥ ৮॥

ত্যাগরাজগুরুস্বামিশিষ্যাপুষ্পানুতিস্থিরম্ ।
তারানন্দগুরুং বন্দে স্তোত্রমেতত্তদর্পণম্ ॥

ওঁ
শুভমস্তু

ইতি সদ্গুরুশ্রীত্যাগরাজস্বামিনঃ শিষ্যয়া ভক্তয়া পুষ্পয়া কৃতং
শ্রীতারানন্দগুর্বষ্টকং গুরৌ সমর্পিতম্ ।
ওঁ শুভমস্তু ।