Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtottara Shatanama / Sri Lalita Lakaradi Shatanama Stotram Lyrics in Telugu

Sri Lalita Lakaradi Shatanama Stotram Lyrics in Telugu

50 Views

Sri Lalita Lakaradi Shatanama Stotram Lyrics in Telugu:

శ్రీలలితాలకారాదిశతనామస్తోత్రమ్
శ్రీలలితాత్రిపురసున్దర్యై నమః ।
శ్రీలలితాలకారాదిశతనామస్తోత్రసాధనా ।
వినియోగః –
ఓం అస్య శ్రీలలితాలకారాదిశతనామమాలామన్త్రస్య శ్రీరాజరాజేశ్వరో ౠషిః ।
అనుష్టుప్ఛన్దః । శ్రీలలితామ్బా దేవతా । క ఏ ఈ ల హ్రీం బీజమ్ ।
స క ల హ్రీం శక్తిః । హ స క హ ల హ్రీం ఉత్కీలనమ్ ।
శ్రీలలితామ్బాదేవతాప్రసాదసిద్ధయే షట్కర్మసిద్ధ్యర్థే తథా
ధర్మార్థకామమోక్షేషు పూజనే తర్పణే చ వినియోగః ।
ౠష్యాది న్యాసః –
ఓం శ్రీరాజరాజేశ్వరోౠషయే నమః- శిరసి ।
ఓం అనుష్టుప్ఛన్దసే నమః- ముఖే ।
ఓం శ్రీలలితామ్బాదేవతాయై నమః- హృది ।
ఓం క ఏ ఈ ల హ్రీం బీజాయ నమః- లిఙ్గే ।
ఓం స క ల హ్రీం శక్త్తయే నమః- నాభౌ ।
ఓం హ స క హ ల హ్రీం ఉత్కీలనాయ నమః- సర్వాఙ్గే ।
ఓం శ్రీలలితామ్బాదేవతాప్రసాదసిద్ధయే షట్కర్మసిద్ధ్యర్థే తథా
ధర్మార్థకామమోక్షేషు పూజనే తర్పణే చ వినియోగాయ నమః- అఞ్జలౌ ।
కరన్యాసః –
ఓం ఐం క ఏ ఈ ల హ్రీం అఙ్గుష్ఠాభ్యాం నమః ।
ఓం క్లీం హ స క హ ల హ్రీం తర్జనీభ్యాం నమః ।
ఓం సౌః స క ల హ్రీం మధ్యమాభ్యాం నమః ।
ఓం ఐం క ఏ ఈ ల హ్రీం అనామికాభ్యాం నమః ।
ఓం క్లీం హ స క హ ల హ్రీం కనిష్ఠికాభ్యాం నమః ।
ఓం సౌం స క ల హ్రీం కరతలకరపృష్ఠాభ్యాం నమః ।
అఙ్గన్యాసః –
ఓం ఐం క ఏ ఈ ల హ్రీం హృదయాయ నమః ।
ఓం క్లీం హ స క హ ల హ్రీం శిరసే స్వాహా ।
ఓం సౌం స క ల హ్రీం శిఖాయై వషట్ ।
ఓం ఐం క ఏ ఈ ల హ్రీం కవచాయ హుమ్ ।
ఓం క్లీం హ స క హ ల హ్రీం నేత్రత్రయాయ వౌషట్ ।
ఓం సౌం స క ల హ్రీం అస్త్రాయ ఫట్ ।
ధ్యానమ్ ।
బాలార్కమణ్డలాభాసాం చతుర్బాహుం త్రిలోచనామ్ ।
పాశాఙ్కుశధనుర్బాణాన్ ధారయన్తీం శివాం భజే ॥

మానసపూజనమ్ ।
ఓం లం పృథివ్యాత్మకం గన్ధం శ్రీలలితాత్రిపురాప్రీతయే సమర్పయామి నమః ।
ఓం హం ఆకాశతత్త్వాత్మకం పుష్పం శ్రీలలితాత్రిపురాప్రీతయే సమర్పయామి నమః ।
ఓం యం వాయుతత్త్వాత్మకం ధూపం శ్రీలలితాత్రిపురాప్రీతయే ఘ్రాపయామి నమః ।
ఓం రం అగ్నితత్త్వాత్మకం దీపం శ్రీలలితాత్రిపురాప్రీతయే దర్శయామి నమః ।
ఓం వం జలతత్త్వాత్మకం నైవేద్యం శ్రీలలితాత్రిపురాప్రీతయే నివేదయామి నమః ।
ఓం సం సర్వతత్త్వాత్మకం తామ్బూలం శ్రీలలితాత్రిపురాప్రీతయే సమర్పయామి నమః ॥

శ్రీలలితాత్రిపురసున్దర్యై నమః ।
శ్రీలలితాలకారాదిశతనామస్తోత్రసాధనా ।
పూర్వపీఠికా –
కైలాసశిఖరాసీనం దేవదేవం జగద్గరూమ్ ।
పప్రచ్ఛేశం పరానన్దం భైరవీ పరమేశ్వరమ్ ॥ ౧ ॥

శ్రీభైరవ్యువాచ ।
కౌలేశ ! శ్రోతుమిచ్ఛామి సర్వమన్త్రోత్తమోత్తమమ్ ।
లలితాయా శతనామ సర్వకామఫలప్రదమ్ ॥ ౨ ॥

శ్రిభైరవోవాచ ।
శృణు దేవీ మహాభాగే స్తోత్రమేతదనుత్తమం
పఠనద్ధారణాదస్య సర్వసిద్ధీశ్వరో భవేత్ ॥ ౩ ॥

షట్కర్మాణి సిద్ధ్యన్తి స్తవస్యాస్య ప్రసాదతః ।
గోపనీయం పశోరగ్రే స్వయోనిమపరే యథా ॥ ౪ ॥

వినియోగః ।
లలితాయా లకారాది నామశతకస్య దేవి ! ।
రాజరాజేశ్వరో ఋషిః ప్రోక్తో ఛన్దోఽనుష్టుప్ తథా ॥ ౫ ॥

దేవతా లలితాదేవీ షట్కర్మసిద్ధ్యర్థే తథా ।
ధర్మార్థకామమోక్షేషు వినియోగః ప్రకీర్తితః ॥ ౬ ॥

వాక్కామశక్త్తిబీజేన కరషడఙ్గమాచరేత్ ।
ప్రయోగే బాలాత్ర్యక్షరీ యోజయిత్వా జపం చరేత్ ॥ ౭ ॥

అథ మూల శ్రీలలితాలకారాదిశతనామస్తోత్రమ్ ।
లలితా లక్ష్మీ లోలాక్షీ లక్ష్మణా లక్ష్మణార్చితా ।
లక్ష్మణప్రాణరక్షిణీ లాకినీ లక్ష్మణప్రియా ॥ ౧ ॥

లోలా లకారా లోమశా లోలజిహ్వా లజ్జావతీ ।
లక్ష్యా లాక్ష్యా లక్షరతా లకారాక్షరభూషితా ॥ ౨ ॥

లోలలయాత్మికా లీలా లీలావతీ చ లాఙ్గలీ ।
లావణ్యామృతసారా చ లావణ్యామృతదీర్ఘికా ॥ ౩ ॥

లజ్జా లజ్జామతీ లజ్జా లలనా లలనప్రియా ।
లవణా లవలీ లసా లాక్షకీ లుబ్ధా లాలసా ॥ ౪ ॥

లోకమాతా లోకపూజ్యా లోకజననీ లోలుపా ।
లోహితా లోహితాక్షీ చ లిఙ్గాఖ్యా చైవ లిఙ్గేశీ ॥ ౫ ॥

లిఙ్గగీతి లిఙ్గభవా లిఙ్గమాలా లిఙ్గప్రియా ।
లిఙ్గాభిధాయినీ లిఙ్గా లిఙ్గనామసదానన్దా ॥ ౬ ॥

లిఙ్గామృతప్రితా లిఙ్గార్చనప్రితా లిఙ్గపూజ్యా ।
లిఙ్గరూపా లిఙ్గస్థా చ లిఙ్గాలిఙ్గనతత్పరా ॥ ౭ ॥

లతాపూజనరతా చ లతాసాధకతుష్టిదా ।
లతాపూజకరక్షిణీ లతాసాధనసధ్దిదా ॥ ౮ ॥

లతాగృహనివాకసినీ లతాపూజ్యా లతారాధ్యా ।
లతాపుష్పా లతారతా లతాధారా లతామయీ ॥ ౯ ॥

లతాస్పర్శనసన్తుష్టా లతాఽఽలిఙ్గనహర్షితా ।
లతావిద్యా లతాసారా లతాఽఽచారా లతానిధీ ॥ ౧౦ ॥

లవఙ్గపుష్పసన్తుష్టా లవఙ్గలతామధ్యస్థా ।
లవఙ్గలతికారూపా లవఙ్గహోమసన్తుష్టా ॥ ౧౧ ॥

లకారాక్షారపూజితా చ లకారవర్ణోద్భవా ।
లకారవర్ణభూషితా లకారవర్ణరూచిరా ॥ ౧౨ ॥

లకారబీజోద్భవా తథా లకారాక్షరస్థితా ।
లకారబీజనిలయా లకారబీజసర్వస్వా ॥ ౧౩ ॥

లకారవర్ణసర్వాఙ్గీ లక్ష్యఛేదనతత్పరా ।
లక్ష్యధరా లక్ష్యఘూర్ణా లక్షజాపేనసిద్ధదా ॥ ౧౪ ॥

లక్షకోటిరూపధరా లక్షలీలాకలాలక్ష్యా ।
లోకపాలేనార్చితా చ లాక్షారాగవిలేపనా ॥ ౧౫ ॥

లోకాతీతా లోపాముద్రా లజ్జాబీజస్వరూపిణీ ।
లజ్జాహీనా లజ్జామయీ లోకయాత్రావిధాయినీ ॥ ౧౬ ॥

లాస్యప్రియా లయకరీ లోకలయా లమ్బోదరీ ।
లఘిమాదిసిద్ధదాత్రీ లావణ్యనిధిదాయినీ ।
లకారవర్ణగ్రథితా లమ్బీజా లలితామ్బికా ॥ ౧౭ ॥

ఫలశ్రుతిః ।
ఇతి తే కథితం ! గుహ్యాద్గుహ్యతరం పరమ్ ।
ప్రాతఃకాలే చ మధ్యాహ్నే సాయాహ్నే చ సదా నిశి ।
యః పఠేత్సాధకశ్రేష్ఠో త్రైలోక్యవిజయీ భవేత్ ॥ ౧ ॥

సర్వపాపివినిర్మముక్తః స యాతి లలితాపదమ్ ।
శూన్యాగారే శివారణ్యే శివదేవాలయే తథా ॥ ౨ ॥

శూన్యదేశే తడాగే చ నదీతీరే చతుష్పథే ।
ఏకలిఙ్గే ఋతుస్నాతాగేహే వేశ్యాగృహే తథా ॥ ౩ ॥

పఠేదష్టోత్తరశతనామాని సర్వసిద్ధయే ।
సాధకో వాఞ్ఛాం యత్కుర్యాత్తత్తథైవ భవిష్యతి ॥ ౪ ॥

బహ్మాణ్డగోలకే యాశ్చ యాః కాశ్చిజ్జగతీతలే ।
సమస్తాః సిద్ధయో దేవీ ! కరామలకవత్సదా ॥ ౫ ॥

సాధకస్మృతిమాత్రేణ యావన్త్యః సన్తి సిద్ధయః ।
స్వయమాయాన్తి పురతో జపాదీనాం తు కా కథా ॥ ౬ ॥

అయుతావర్త్తనాద్దేవి ! పురశ్చర్యాఽస్య గీయతే ।
పురశ్చర్యాయుతః స్తోత్రః సర్వకర్మఫలప్రదః ॥ ౭ ॥

సహస్రం చ పఠేద్యస్తు మాసార్ధ సాధకోత్తమః ।
దాసీభూతం జగత్సర్వం మాసార్ధాద్భవతి ధ్రువమ్ ॥ ౮ ॥

నిత్యం ప్రతినామ్నా హుత్వా పాలశకుసుమైర్నరః ।
భూలోకస్థాః సర్వకన్యాః సర్వలోకస్థితాస్తథా ॥ ౯ ॥

పాతాలస్థాః సర్వకన్యాః నాగకన్యాః యక్షకన్యాః ।
వశీకుర్యాన్మణ్డలార్ధాత్సంశయో నాత్ర విద్యతే ॥ ౧౦ ॥

అశ్వత్థమూలే పఠేత్శతవార ధ్యానపూర్వకమ్ ।
తత్క్షణాద్వ్యాధినాశశ్చ భవేద్దేవీ ! న సంశయః ॥ ౧౧ ॥

శూన్యాగారే పఠేత్స్తోత్రం సహస్రం ధ్యానపూర్వవకమ్ ।
లక్ష్మీ ప్రసీదతి ధ్రువం స త్రైలోక్యం వశిష్యతి ॥ ౧౨ ॥

ప్రేతవస్త్రం భౌమే గ్రాహ్యం రిపునామ చ కారయేత్ ।
ప్రాణప్రతిష్ఠా కృత్వా తు పూజాం చైవ హి కారయేత్ ॥ ౧౩ ॥

శ్మశానే నిఖనేద్రాత్రౌ ద్విసహస్రం పఠేత్తతః ।
జిహవాస్తమ్భనమాప్నోతి సద్యో మూకత్వమాప్నుయాత్ ॥ ౧౪ ॥

శ్మశానే పఠేత్ స్తోత్రం అయుతార్ధ సుబుద్ధిమాన్ ।
శత్రుక్షయో భవేత్ సద్యో నాన్యథా మమ భాషితమ్ ॥ ౧౫ ॥

ప్రేతవస్త్రం శనౌ గ్రాహ్యం ప్రతినామ్నా సమ్పుటితమ్ ।
శత్రునామ లిఖిత్వా చ ప్రాణప్రతిష్ఠాం కారయేత్ ॥ ౧౬ ॥

తతః లలితాం సమ్పూజ్యయ కృష్ణధత్తూరపుష్పకైః ।
శ్మశానే నిఖనేద్రాత్రౌ శతవారం పఠేత్ స్తోత్రమ్ ॥ ౧౭ ॥

తతో మృత్యుమవాప్నోతి దేవరాజసమోఽపి సః ।
శ్మశానాఙ్గారమాదాయ మఙ్గలే శనివారే వా ॥ ౧౮ ॥

ప్రేతవస్త్రేణ సంవేష్ట్య బధ్నీయాత్ ప్రేతరజ్జునా ।
దశాభిమన్త్రితం కృత్వా ఖనేద్వైరివేశ్మని ॥ ౧౯ ॥

సప్తరాత్రాన్తరే తస్యోచ్చాటనం భ్రామణం భవేత్ ।
కుమారీ పూజయిత్వా తు యః పఠేద్భక్తితత్పరః ॥ ౨౦ ॥

న కిఞ్చిద్దుర్లభం తస్య దివి వా భువి మోదతే ।
దుర్భిక్షే రాజపీడాయాం సగ్రామే వైరిమధ్యకే ॥ ౨౧ ॥

యత్ర యత్ర భయం ప్రాప్తః సర్వత్ర ప్రపఠేన్నరః ।
తత్ర తత్రాభయం తస్య భవత్యేవ న సంశయః ॥ ౨౨ ॥

వామపార్శ్వే సమానీయ శోధితాం వరకామినీమ్ ।
జపం కృత్వా పఠేద్యస్తు సిద్ధిః కరే స్థితా ॥ ౨౩ ॥

దరిద్రస్తు చతుర్దశ్యాం కామినీసఙ్గమైః సహ ।
అష్టవారం పఠేద్యస్తు కుబేరసదృశో భవేత్ ॥ ౨౪ ॥

శ్రీలలితా మహాదేవీం నిత్యం సమ్పూజ్య మానవః ।
ప్రతినామ్నా జుహుయాత్స ధనరాశిమవాప్నుయాత్ ॥ ౨౫ ॥

నవనీత చాభిమన్త్ర్య స్త్రీభ్యో దద్యాన్మహేశ్వరి ।
వన్ధ్యాం పుత్రప్రదం దేవి ! నాత్ర కార్యా విచారణా ॥ ౨౬ ॥

కణ్ఠే వా వామబాహౌ వా యోనౌ వా ధారణాచ్ఛివే ।
బహుపుత్రవతీ నారీ సుభగా జాయతే ధ్రువమ ॥ ౨౭ ॥

ఉగ్ర ఉగ్రం మహదుగ్రం స్తవమిదం లలితాయాః ।
సువినీతాయ శాన్తాయ దాన్తాయాతిగుణాయ చ ॥ ౨౮ ॥

భక్త్తాయ జ్యేష్ఠపుత్రాయ గరూభక్త్తిపరాయ చ ।
భక్తభక్తాయ యోగ్యాయ భక్తిశక్తిపరాయ చ ॥ ౨౯ ॥

వేశ్యాపూజనయుక్తాయ కుమారీపూజకాయ చ ।
దుర్గాభక్తాయ శైవాయ కామేశ్వరప్రజాపినే ॥ ౩౦ ॥

అద్వైతభావయుక్తాయ శక్తిభక్తిపరాయ చ ।
ప్రదేయం శతనామాఖ్యం స్వయం లలితాజ్ఞయా ॥ ౩౧ ॥

ఖలాయ పరతన్త్రాయ పరనిన్దాపరాయ చ ।
భ్రష్టాయ దుష్టసత్త్వాయ పరీవాదపరాయ చ ॥ ౩౨ ॥

శివాభక్త్తాయ దుష్టాయ పరదారరతాయ చ ।
వేశ్యాస్త్రీనిన్దకాయ చ పఞ్చమకారనిన్దకే ॥ ౩౩ ॥

న స్త్రోత్రం దర్శయేద్దేవీ ! మమ హత్యాకరో భవేత్ ।
తస్మాన్న దాపయేద్దేవీ ! మనసా కర్మణా గిరా ॥ ౩౪ ॥

అన్యథా కురుతే యస్తు స క్షీణాయుర్భవేద్ధ్రువమ ।
పుత్రహారీ చ స్త్రీహారీ రాజ్యహారీ భవేద్ధ్రువమ ॥ ౩౫ ॥

మన్త్రక్షోభశ్చ జాయతే తస్య మృత్యుర్భవిష్యతి ।
క్రమదీక్షాయుతానాం చ సిద్ధిర్భవతి నాన్యథా ॥ ౩౬ ॥

క్రమదీక్షాయుతో దేవీ ! క్రమాద్ రాజ్యమవాప్నుయాత్ ।
క్రమదీక్షాసమాయుక్తః కల్పోక్తసిద్ధిభాగ్ భవేత్ ॥ ౩౭ ॥

విధేర్లిపిం తు సమ్మార్జ్య కిఙ్కరత్వ విసృజ్య చ ।
సర్వసిద్ధిమవాప్నోతి నాత్ర కార్యా విచారణా ॥ ౩౮ ॥

క్రమదీక్షాయుతో దేవీ ! మమ సమో న సంశయః ।
గోపనీయం గోపనీయం గోపనీయం సదాఽనఘే ॥ ౩౯ ॥

స దీక్షితః సుఖీ సాధుః సత్యవాదీ నజితేన్ద్రయః ।
స వేదవక్తా స్వాధ్యాయీ సర్వానన్దపరాయణాః ॥ ౪౦ ॥

స్వస్మిన్లలితా సమ్భావ్య పూజయేజ్జగదమ్బికామ్ ।
త్రైలోక్యవిజయీ భూయాన్నాత్ర కార్యా విచారణా ॥ ౪౧ ॥

గురురూపం శివం ధ్యాత్వా శివరూపం గురుం స్మరేత్ ।
సదాశివః స ఏవ స్యాన్నాత్ర కార్యా విచారణా ॥ ౪౨ ॥

ఇతి శ్రీకౌలికార్ణవే శ్రీభైరవీసంవాదే షట్కర్మసిద్ధదాయక
శ్రీమల్లలితాయా లకారాదిశతనామస్తోత్రం సమ్పూర్ణమ్ ।

Also Read:

Sri Lalita Lakaradi Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *