Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Bhagawad Gita / Srimad Bhagawad Gita Chapter 18 in Hindi and English

Srimad Bhagawad Gita Chapter 18 in Hindi and English

342 Views

Srimad Bhagawad Gita Chapter 18 in Hindi:

अथ अष्टादशो‌உध्यायः ।

अर्जुन उवाच ।
संन्यासस्य महाबाहो तत्त्वमिच्छामि वेदितुम् ।
त्यागस्य च हृषीकेश पृथक्केशिनिषूदन ॥ 1 ॥

श्रीभगवानुवाच ।
काम्यानां कर्मणां न्यासं संन्यासं कवयो विदुः ।
सर्वकर्मफलत्यागं प्राहुस्त्यागं विचक्षणाः ॥ 2 ॥

त्याज्यं दोषवदित्येके कर्म प्राहुर्मनीषिणः ।
यज्ञदानतपःकर्म न त्याज्यमिति चापरे ॥ 3 ॥

Srimad Bhagawad Gita

निश्चयं शृणु मे तत्र त्यागे भरतसत्तम ।
त्यागो हि पुरुषव्याघ्र त्रिविधः सम्प्रकीर्तितः ॥ 4 ॥

यज्ञदानतपःकर्म न त्याज्यं कार्यमेव तत् ।
यज्ञो दानं तपश्चैव पावनानि मनीषिणाम् ॥ 5 ॥

एतान्यपि तु कर्माणि सङ्गं त्यक्त्वा फलानि च ।
कर्तव्यानीति मे पार्थ निश्चितं मतमुत्तमम् ॥ 6 ॥

नियतस्य तु संन्यासः कर्मणो नोपपद्यते ।
मोहात्तस्य परित्यागस्तामसः परिकीर्तितः ॥ 7 ॥

दुःखमित्येव यत्कर्म कायक्लेशभयात्त्यजेत् ।
स कृत्वा राजसं त्यागं नैव त्यागफलं लभेत् ॥ 8 ॥

कार्यमित्येव यत्कर्म नियतं क्रियते‌உर्जुन ।
सङ्गं त्यक्त्वा फलं चैव स त्यागः सात्त्विको मतः ॥ 9 ॥

न द्वेष्ट्यकुशलं कर्म कुशले नानुषज्जते ।
त्यागी सत्त्वसमाविष्टो मेधावी छिन्नसंशयः ॥ 10 ॥

न हि देहभृता शक्यं त्यक्तुं कर्माण्यशेषतः ।
यस्तु कर्मफलत्यागी स त्यागीत्यभिधीयते ॥ 11 ॥

अनिष्टमिष्टं मिश्रं च त्रिविधं कर्मणः फलम् ।
भवत्यत्यागिनां प्रेत्य न तु संन्यासिनां क्वचित् ॥ 12 ॥

पञ्चैतानि महाबाहो कारणानि निबोध मे ।
साङ्ख्ये कृतान्ते प्रोक्तानि सिद्धये सर्वकर्मणाम् ॥ 13 ॥

अधिष्ठानं तथा कर्ता करणं च पृथग्विधम् ।
विविधाश्च पृथक्चेष्टा दैवं चैवात्र पञ्चमम् ॥ 14 ॥

शरीरवाङ्मनोभिर्यत्कर्म प्रारभते नरः ।
न्याय्यं वा विपरीतं वा पञ्चैते तस्य हेतवः ॥ 15 ॥

तत्रैवं सति कर्तारमात्मानं केवलं तु यः ।
पश्यत्यकृतबुद्धित्वान्न स पश्यति दुर्मतिः ॥ 16 ॥

यस्य नाहङ्कृतो भावो बुद्धिर्यस्य न लिप्यते ।
हत्वा‌உपि स इमांल्लोकान्न हन्ति न निबध्यते ॥ 17 ॥

ज्ञानं ज्ञेयं परिज्ञाता त्रिविधा कर्मचोदना ।
करणं कर्म कर्तेति त्रिविधः कर्मसङ्ग्रहः ॥ 18 ॥

ज्ञानं कर्म च कर्ता च त्रिधैव गुणभेदतः ।
प्रोच्यते गुणसङ्ख्याने यथावच्छृणु तान्यपि ॥ 19 ॥

सर्वभूतेषु येनैकं भावमव्ययमीक्षते ।
अविभक्तं विभक्तेषु तज्ज्ञानं विद्धि सात्त्विकम् ॥ 20 ॥

पृथक्त्वेन तु यज्ज्ञानं नानाभावान्पृथग्विधान् ।
वेत्ति सर्वेषु भूतेषु तज्ज्ञानं विद्धि राजसम् ॥ 21 ॥

यत्तु कृत्स्नवदेकस्मिन्कार्ये सक्तमहैतुकम् ।
अतत्त्वार्थवदल्पं च तत्तामसमुदाहृतम् ॥ 22 ॥

नियतं सङ्गरहितमरागद्वेषतः कृतम् ।
अफलप्रेप्सुना कर्म यत्तत्सात्त्विकमुच्यते ॥ 23 ॥

यत्तु कामेप्सुना कर्म साहङ्कारेण वा पुनः ।
क्रियते बहुलायासं तद्राजसमुदाहृतम् ॥ 24 ॥

अनुबन्धं क्षयं हिंसामनपेक्ष्य च पौरुषम् ।
मोहादारभ्यते कर्म यत्तत्तामसमुच्यते ॥ 25 ॥

मुक्तसङ्गो‌உनहंवादी धृत्युत्साहसमन्वितः ।
सिद्ध्यसिद्ध्योर्निर्विकारः कर्ता सात्त्विक उच्यते ॥ 26 ॥

रागी कर्मफलप्रेप्सुर्लुब्धो हिंसात्मको‌உशुचिः ।
हर्षशोकान्वितः कर्ता राजसः परिकीर्तितः ॥ 27 ॥

अयुक्तः प्राकृतः स्तब्धः शठो नैष्कृतिको‌உलसः ।
विषादी दीर्घसूत्री च कर्ता तामस उच्यते ॥ 28 ॥

बुद्धेर्भेदं धृतेश्चैव गुणतस्त्रिविधं शृणु ।
प्रोच्यमानमशेषेण पृथक्त्वेन धनञ्जय ॥ 29 ॥

प्रवृत्तिं च निवृत्तिं च कार्याकार्ये भयाभये ।
बन्धं मोक्षं च या वेत्ति बुद्धिः सा पार्थ सात्त्विकी ॥ 30 ॥

यया धर्ममधर्मं च कार्यं चाकार्यमेव च ।
अयथावत्प्रजानाति बुद्धिः सा पार्थ राजसी ॥ 31 ॥

अधर्मं धर्ममिति या मन्यते तमसावृता ।
सर्वार्थान्विपरीतांश्च बुद्धिः सा पार्थ तामसी ॥ 32 ॥

धृत्या यया धारयते मनःप्राणेन्द्रियक्रियाः ।
योगेनाव्यभिचारिण्या धृतिः सा पार्थ सात्त्विकी ॥ 33 ॥

यया तु धर्मकामार्थान्धृत्या धारयते‌உर्जुन ।
प्रसङ्गेन फलाकाङ्क्षी धृतिः सा पार्थ राजसी ॥ 34 ॥

यया स्वप्नं भयं शोकं विषादं मदमेव च ।
न विमुञ्चति दुर्मेधा धृतिः सा पार्थ तामसी ॥ 35 ॥

सुखं त्विदानीं त्रिविधं शृणु मे भरतर्षभ ।
अभ्यासाद्रमते यत्र दुःखान्तं च निगच्छति ॥ 36 ॥

यत्तदग्रे विषमिव परिणामे‌உमृतोपमम् ।
तत्सुखं सात्त्विकं प्रोक्तमात्मबुद्धिप्रसादजम् ॥ 37 ॥

विषयेन्द्रियसंयोगाद्यत्तदग्रे‌உमृतोपमम् ।
परिणामे विषमिव तत्सुखं राजसं स्मृतम् ॥ 38 ॥

यदग्रे चानुबन्धे च सुखं मोहनमात्मनः ।
निद्रालस्यप्रमादोत्थं तत्तामसमुदाहृतम् ॥ 39 ॥

न तदस्ति पृथिव्यां वा दिवि देवेषु वा पुनः ।
सत्त्वं प्रकृतिजैर्मुक्तं यदेभिः स्यात्त्रिभिर्गुणैः ॥ 40 ॥

ब्राह्मणक्षत्रियविशां शूद्राणां च परन्तप ।
कर्माणि प्रविभक्तानि स्वभावप्रभवैर्गुणैः ॥ 41 ॥

शमो दमस्तपः शौचं क्षान्तिरार्जवमेव च ।
ज्ञानं विज्ञानमास्तिक्यं ब्रह्मकर्म स्वभावजम् ॥ 42 ॥

शौर्यं तेजो धृतिर्दाक्ष्यं युद्धे चाप्यपलायनम् ।
दानमीश्वरभावश्च क्षात्रं कर्म स्वभावजम् ॥ 43 ॥

कृषिगौरक्ष्यवाणिज्यं वैश्यकर्म स्वभावजम् ।
परिचर्यात्मकं कर्म शूद्रस्यापि स्वभावजम् ॥ 44 ॥

स्वे स्वे कर्मण्यभिरतः संसिद्धिं लभते नरः ।
स्वकर्मनिरतः सिद्धिं यथा विन्दति तच्छृणु ॥ 45 ॥

यतः प्रवृत्तिर्भूतानां येन सर्वमिदं ततम् ।
स्वकर्मणा तमभ्यर्च्य सिद्धिं विन्दति मानवः ॥ 46 ॥

श्रेयान्स्वधर्मो विगुणः परधर्मोत्स्वनुष्ठितात् ।
स्वभावनियतं कर्म कुर्वन्नाप्नोति किल्बिषम् ॥ 47 ॥

सहजं कर्म कौन्तेय सदोषमपि न त्यजेत् ।
सर्वारम्भा हि दोषेण धूमेनाग्निरिवावृताः ॥ 48 ॥

असक्तबुद्धिः सर्वत्र जितात्मा विगतस्पृहः ।
नैष्कर्म्यसिद्धिं परमां संन्यासेनाधिगच्छति ॥ 49 ॥

सिद्धिं प्राप्तो यथा ब्रह्म तथाप्नोति निबोध मे ।
समासेनैव कौन्तेय निष्ठा ज्ञानस्य या परा ॥ 50 ॥

बुद्ध्या विशुद्धया युक्तो धृत्यात्मानं नियम्य च ।
शब्दादीन्विषयांस्त्यक्त्वा रागद्वेषौ व्युदस्य च ॥ 51 ॥

विविक्तसेवी लघ्वाशी यतवाक्कायमानसः ।
ध्यानयोगपरो नित्यं वैराग्यं समुपाश्रितः ॥ 52 ॥

अहङ्कारं बलं दर्पं कामं क्रोधं परिग्रहम् ।
विमुच्य निर्ममः शान्तो ब्रह्मभूयाय कल्पते ॥ 53 ॥

ब्रह्मभूतः प्रसन्नात्मा न शोचति न काङ्क्षति ।
समः सर्वेषु भूतेषु मद्भक्तिं लभते पराम् ॥ 54 ॥

भक्त्या मामभिजानाति यावान्यश्चास्मि तत्त्वतः ।
ततो मां तत्त्वतो ज्ञात्वा विशते तदनन्तरम् ॥ 55 ॥

सर्वकर्माण्यपि सदा कुर्वाणो मद्व्यपाश्रयः ।
मत्प्रसादादवाप्नोति शाश्वतं पदमव्ययम् ॥ 56 ॥

चेतसा सर्वकर्माणि मयि संन्यस्य मत्परः ।
बुद्धियोगमुपाश्रित्य मच्चित्तः सततं भव ॥ 57 ॥

मच्चित्तः सर्वदुर्गाणि मत्प्रसादात्तरिष्यसि ।
अथ चेत्त्वमहङ्कारान्न श्रोष्यसि विनङ्क्ष्यसि ॥ 58 ॥

यदहङ्कारमाश्रित्य न योत्स्य इति मन्यसे ।
मिथ्यैष व्यवसायस्ते प्रकृतिस्त्वां नियोक्ष्यति ॥ 59 ॥

स्वभावजेन कौन्तेय निबद्धः स्वेन कर्मणा ।
कर्तुं नेच्छसि यन्मोहात्करिष्यस्यवशो‌உपि तत् ॥ 60 ॥

ईश्वरः सर्वभूतानां हृद्देशे‌உर्जुन तिष्ठति ।
भ्रामयन्सर्वभूतानि यन्त्रारूढानि मायया ॥ 61 ॥

तमेव शरणं गच्छ सर्वभावेन भारत ।
तत्प्रसादात्परां शान्तिं स्थानं प्राप्स्यसि शाश्वतम् ॥ 62 ॥

इति ते ज्ञानमाख्यातं गुह्याद्गुह्यतरं मया ।
विमृश्यैतदशेषेण यथेच्छसि तथा कुरु ॥ 63 ॥

सर्वगुह्यतमं भूयः शृणु मे परमं वचः ।
इष्टो‌உसि मे दृढमिति ततो वक्ष्यामि ते हितम् ॥ 64 ॥

मन्मना भव मद्भक्तो मद्याजी मां नमस्कुरु ।
मामेवैष्यसि सत्यं ते प्रतिजाने प्रियो‌உसि मे ॥ 65 ॥

सर्वधर्मान्परित्यज्य मामेकं शरणं व्रज ।
अहं त्वा सर्वपापेभ्यो मोक्षयिष्यामि मा शुचः ॥ 66 ॥

इदं ते नातपस्काय नाभक्ताय कदाचन ।
न चाशुश्रूषवे वाच्यं न च मां यो‌உभ्यसूयति ॥ 67 ॥

य इमं परमं गुह्यं मद्भक्तेष्वभिधास्यति ।
भक्तिं मयि परां कृत्वा मामेवैष्यत्यसंशयः ॥ 68 ॥

न च तस्मान्मनुष्येषु कश्चिन्मे प्रियकृत्तमः ।
भविता न च मे तस्मादन्यः प्रियतरो भुवि ॥ 69 ॥

अध्येष्यते च य इमं धर्म्यं संवादमावयोः ।
ज्ञानयज्ञेन तेनाहमिष्टः स्यामिति मे मतिः ॥ 70 ॥

श्रद्धावाननसूयश्च शृणुयादपि यो नरः ।
सो‌உपि मुक्तः शुभांल्लोकान्प्राप्नुयात्पुण्यकर्मणाम् ॥ 71 ॥

कच्चिदेतच्छ्रुतं पार्थ त्वयैकाग्रेण चेतसा ।
कच्चिदज्ञानसंमोहः प्रनष्टस्ते धनञ्जय ॥ 72 ॥

अर्जुन उवाच ।
नष्टो मोहः स्मृतिर्लब्धा त्वत्प्रसादान्मयाच्युत ।
स्थितो‌உस्मि गतसन्देहः करिष्ये वचनं तव ॥ 73 ॥

सञ्जय उवाच ।
इत्यहं वासुदेवस्य पार्थस्य च महात्मनः ।
संवादमिममश्रौषमद्भुतं रोमहर्षणम् ॥ 74 ॥

व्यासप्रसादाच्छ्रुतवानेतद्गुह्यमहं परम् ।
योगं योगेश्वरात्कृष्णात्साक्षात्कथयतः स्वयम् ॥ 75 ॥

राजन्संस्मृत्य संस्मृत्य संवादमिममद्भुतम् ।
केशवार्जुनयोः पुण्यं हृष्यामि च मुहुर्मुहुः ॥ 76 ॥

तच्च संस्मृत्य संस्मृत्य रूपमत्यद्भुतं हरेः ।
विस्मयो मे महान्राजन्हृष्यामि च पुनः पुनः ॥ 77 ॥

यत्र योगेश्वरः कृष्णो यत्र पार्थो धनुर्धरः ।
तत्र श्रीर्विजयो भूतिर्ध्रुवा नीतिर्मतिर्मम ॥ 78 ॥

ॐ तत्सदिति श्रीमद्भगवद्गीतासूपनिषत्सु ब्रह्मविद्यायां योगशास्त्रे श्रीकृष्णार्जुनसंवादे

मोक्षसंन्यासयोगो नामाष्टादशो‌உध्यायः ॥ 18 ॥

Srimad Bhagawad Gita Chapter 18 in English:

atha asṭadaso‌உdhyayah |

arjuna uvaca |
samnyasasya mahabaho tattvamicchami veditum |
tyagasya ca hrsikesa prthakkesinisudana || 1 ||

sribhagavanuvaca |
kamyanam karmanam nyasam samnyasam kavayo viduh |
sarvakarmaphalatyagam prahustyagam vicaksanah || 2 ||

tyajyam dosavadityeke karma prahurmanisinah |
yannadanatapahkarma na tyajyamiti capare || 3 ||

niscayam srnu me tatra tyage bharatasattama |
tyago hi purusavyaghra trividhah samprakirtitah || 4 ||

yannadanatapahkarma na tyajyam karyameva tat |
yanno danam tapascaiva pavanani manisinam || 5 ||

etanyapi tu karmani sangam tyaktva phalani ca |
kartavyaniti me partha niscitam matamuttamam || 6 ||

niyatasya tu samnyasah karmano nopapadyate |
mohattasya parityagastamasah parikirtitah || 7 ||

duhkhamityeva yatkarma kayaklesabhayattyajet |
sa krtva rajasam tyagam naiva tyagaphalam labhet || 8 ||

karyamityeva yatkarma niyatam kriyate‌உrjuna |
sangam tyaktva phalam caiva sa tyagah sattviko matah || 9 ||

na dvesṭyakusalam karma kusale nanusajjate |
tyagi sattvasamavisṭo medhavi chinnasamsayah || 10 ||

na hi dehabhrta sakyam tyaktum karmanyasesatah |
yastu karmaphalatyagi sa tyagityabhidhiyate || 11 ||

anisṭamisṭam misram ca trividham karmanah phalam |
bhavatyatyaginam pretya na tu samnyasinam kvacit || 12 ||

pancaitani mahabaho karanani nibodha me |
sankhye krtante proktani siddhaye sarvakarmanam || 13 ||

adhisṭhanam tatha karta karanam ca prthagvidham |
vividhasca prthakcesṭa daivam caivatra pancamam || 14 ||

sariravanmanobhiryatkarma prarabhate narah |
nyayyam va viparitam va pancaite tasya hetavah || 15 ||

tatraivam sati kartaramatmanam kevalam tu yah |
pasyatyakrtabuddhitvanna sa pasyati durmatih || 16 ||

yasya nahankrto bhavo buddhiryasya na lipyate |
hatva‌உpi sa imamllokanna hanti na nibadhyate || 17 ||

nnanam nneyam parinnata trividha karmacodana |
karanam karma karteti trividhah karmasangrahah || 18 ||

nnanam karma ca karta ca tridhaiva gunabhedatah |
procyate gunasankhyane yathavacchrnu tanyapi || 19 ||

sarvabhutesu yenaikam bhavamavyayamiksate |
avibhaktam vibhaktesu tajnnanam viddhi sattvikam || 20 ||

prthaktvena tu yajnnanam nanabhavanprthagvidhan |
vetti sarvesu bhutesu tajnnanam viddhi rajasam || 21 ||

yattu krtsnavadekasminkarye saktamahaitukam |
atattvarthavadalpam ca tattamasamudahrtam || 22 ||

niyatam sangarahitamaragadvesatah krtam |
aphalaprepsuna karma yattatsattvikamucyate || 23 ||

yattu kamepsuna karma sahankarena va punah |
kriyate bahulayasam tadrajasamudahrtam || 24 ||

anubandham ksayam himsamanapeksya ca paurusam |
mohadarabhyate karma yattattamasamucyate || 25 ||

muktasango‌உnahamvadi dhrtyutsahasamanvitah |
siddhyasiddhyornirvikarah karta sattvika ucyate || 26 ||

ragi karmaphalaprepsurlubdho himsatmako‌உsucih |
harsasokanvitah karta rajasah parikirtitah || 27 ||

ayuktah prakrtah stabdhah saṭho naiskrtiko‌உlasah |
visadi dirghasutri ca karta tamasa ucyate || 28 ||

buddherbhedam dhrtescaiva gunatastrividham srnu |
procyamanamasesena prthaktvena dhananjaya || 29 ||

pravrttim ca nivrttim ca karyakarye bhayabhaye |
bandham moksam ca ya vetti buddhih sa partha sattviki || 30 ||

yaya dharmamadharmam ca karyam cakaryameva ca |
ayathavatprajanati buddhih sa partha rajasi || 31 ||

adharmam dharmamiti ya manyate tamasavrta |
sarvarthanviparitamsca buddhih sa partha tamasi || 32 ||

dhrtya yaya dharayate manahpranendriyakriyah |
yogenavyabhicarinya dhrtih sa partha sattviki || 33 ||

yaya tu dharmakamarthandhrtya dharayate‌உrjuna |
prasangena phalakanksi dhrtih sa partha rajasi || 34 ||

yaya svapnam bhayam sokam visadam madameva ca |
na vimuncati durmedha dhrtih sa partha tamasi || 35 ||

sukham tvidanim trividham srnu me bharatarsabha |
abhyasadramate yatra duhkhantam ca nigacchati || 36 ||

yattadagre visamiva pariname‌உmrtopamam |
tatsukham sattvikam proktamatmabuddhiprasadajam || 37 ||

visayendriyasamyogadyattadagre‌உmrtopamam |
pariname visamiva tatsukham rajasam smrtam || 38 ||

yadagre canubandhe ca sukham mohanamatmanah |
nidralasyapramadottham tattamasamudahrtam || 39 ||

na tadasti prthivyam va divi devesu va punah |
sattvam prakrtijairmuktam yadebhih syattribhirgunaih || 40 ||

brahmanaksatriyavisam sudranam ca parantapa |
karmani pravibhaktani svabhavaprabhavairgunaih || 41 ||

samo damastapah saucam ksantirarjavameva ca |
nnanam vinnanamastikyam brahmakarma svabhavajam || 42 ||

sauryam tejo dhrtirdaksyam yuddhe capyapalayanam |
danamisvarabhavasca ksatram karma svabhavajam || 43 ||

krsigauraksyavanijyam vaisyakarma svabhavajam |
paricaryatmakam karma sudrasyapi svabhavajam || 44 ||

sve sve karmanyabhiratah samsiddhim labhate narah |
svakarmaniratah siddhim yatha vindati tacchrnu || 45 ||

yatah pravrttirbhutanam yena sarvamidam tatam |
svakarmana tamabhyarcya siddhim vindati manavah || 46 ||

sreyansvadharmo vigunah paradharmotsvanusṭhitat |
svabhavaniyatam karma kurvannapnoti kilbisam || 47 ||

sahajam karma kaunteya sadosamapi na tyajet |
sarvarambha hi dosena dhumenagnirivavrtah || 48 ||

asaktabuddhih sarvatra jitatma vigatasprhah |
naiskarmyasiddhim paramam samnyasenadhigacchati || 49 ||

siddhim prapto yatha brahma tathapnoti nibodha me |
samasenaiva kaunteya nisṭha nnanasya ya para || 50 ||

buddhya visuddhaya yukto dhrtyatmanam niyamya ca |
sabdadinvisayamstyaktva ragadvesau vyudasya ca || 51 ||

viviktasevi laghvasi yatavakkayamanasah |
dhyanayogaparo nityam vairagyam samupasritah || 52 ||

ahankaram balam darpam kamam krodham parigraham |
vimucya nirmamah santo brahmabhuyaya kalpate || 53 ||

brahmabhutah prasannatma na socati na kanksati |
samah sarvesu bhutesu madbhaktim labhate param || 54 ||

bhaktya mamabhijanati yavanyascasmi tattvatah |
tato mam tattvato nnatva visate tadanantaram || 55 ||

sarvakarmanyapi sada kurvano madvyapasrayah |
matprasadadavapnoti sasvatam padamavyayam || 56 ||

cetasa sarvakarmani mayi samnyasya matparah |
buddhiyogamupasritya maccittah satatam bhava || 57 ||

maccittah sarvadurgani matprasadattarisyasi |
atha cettvamahankaranna srosyasi vinanksyasi || 58 ||

yadahankaramasritya na yotsya iti manyase |
mithyaisa vyavasayaste prakrtistvam niyoksyati || 59 ||

svabhavajena kaunteya nibaddhah svena karmana |
kartum necchasi yanmohatkarisyasyavaso‌உpi tat || 60 ||

isvarah sarvabhutanam hrddese‌உrjuna tisṭhati |
bhramayansarvabhutani yantrarudhani mayaya || 61 ||

tameva saranam gaccha sarvabhavena bharata |
tatprasadatparam santim sthanam prapsyasi sasvatam || 62 ||

iti te nnanamakhyatam guhyadguhyataram maya |
vimrsyaitadasesena yathecchasi tatha kuru || 63 ||

sarvaguhyatamam bhuyah srnu me paramam vacah |
isṭo‌உsi me drdhamiti tato vaksyami te hitam || 64 ||

manmana bhava madbhakto madyaji mam namaskuru |
mamevaisyasi satyam te pratijane priyo‌உsi me || 65 ||

sarvadharmanparityajya mamekam saranam vraja |
aham tva sarvapapebhyo moksayisyami ma sucah || 66 ||

idam te natapaskaya nabhaktaya kadacana |
na casusrusave vacyam na ca mam yo‌உbhyasuyati || 67 ||

ya imam paramam guhyam madbhaktesvabhidhasyati |
bhaktim mayi param krtva mamevaisyatyasamsayah || 68 ||

na ca tasmanmanusyesu kascinme priyakrttamah |
bhavita na ca me tasmadanyah priyataro bhuvi || 69 ||

adhyesyate ca ya imam dharmyam samvadamavayoh |
nnanayannena tenahamisṭah syamiti me matih || 70 ||

sraddhavananasuyasca srnuyadapi yo narah |
so‌உpi muktah subhamllokanprapnuyatpunyakarmanam || 71 ||

kaccidetacchrutam partha tvayaikagrena cetasa |
kaccidannanasammohah pranasṭaste dhananjaya || 72 ||

arjuna uvaca |
nasṭo mohah smrtirlabdha tvatprasadanmayacyuta |
sthito‌உsmi gatasandehah karisye vacanam tava || 73 ||

sanjaya uvaca |
ityaham vasudevasya parthasya ca mahatmanah |
samvadamimamasrausamadbhutam romaharsanam || 74 ||

vyasaprasadacchrutavanetadguhyamaham param |
yogam yogesvaratkrsnatsaksatkathayatah svayam || 75 ||

rajansamsmrtya samsmrtya samvadamimamadbhutam |
kesavarjunayoh punyam hrsyami ca muhurmuhuh || 76 ||

tacca samsmrtya samsmrtya rupamatyadbhutam hareh |
vismayo me mahanrajanhrsyami ca punah punah || 77 ||

yatra yogesvarah krsno yatra partho dhanurdharah |
tatra srirvijayo bhutirdhruva nitirmatirmama || 78 ||

om tatsaditi srimadbhagavadgitasupanisatsu brahmavidyayam yogasastre srikrsnarjunasamvade

moksasamnyasayogo namasṭadaso‌உdhyayah || 18 ||

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *