ബിന്ദുമാധവാഷ്ടകം Lyrics in Malayalam:
ശ്രീ ഗണേശായ നമഃ ।
കലിന്ദജാതടാടവീലതാനികേതനാന്തര-
പ്രഗല്‍ഭവല്ലവിസ്ഫുരദ്രതിപ്രസങ്ഗസങ്ഗതം ।
സുധാരസാര്‍ദ്രവേണുനാദമോദമാധുരീമദ-
പ്രമത്തഗോപഗോവ്രജം ഭജാമി ബിന്ദുമാധവം ॥ 1॥
ഗദാരിശങ്ഖചക്രശാര്‍ങ്ഗഭൃച്ചതുഷ്കരം കൃപാ-
കടാക്ഷവീക്ഷണാമൃതാക്ഷിതാമരേന്ദ്രനന്ദനം ।
സനന്ദനാദിമൌനിമാനസാരവിന്ദമന്ദിരം
ജഗത്പവിത്രകീര്‍തിദം ഭജാമി ബിന്ദുമാധവം ॥ 2॥
ദിഗീശമൌലിനൂത്നരത്നനിഃസരത്പ്രഭാവലീ-
വിരാജിതാംഘ്രിപങ്കജം നവേന്ദുശേഖരാബ്ജജം ।
ദയാമരന്ദതുന്ദിലാരവിന്ദപത്രലോചനം
വിരോധിയൂഥഭേദനം ഭജാമി ബിന്ദുമാധവം ॥ 3॥
പയഃ പയോധിവീചികാവലീപയഃപൃഷന്‍മിലദ്ഭുജങ്ഗ-
പുങ്ഗവാങ്ഗകല്‍പപുഷ്പതല്‍പശായിനം ।
കടീതടിസ്ഫുടീഭവത്പ്രതപ്തഹാടകാംബരം
നിശാടകോടിപാടനം ഭജാമി ബിന്ദുമാധവം ॥ 4॥
അനുശ്രവാപഹാരകാവലേപലോപനൈപുണീ-
പയശ്ചരാവതാരതോഷിതാരവിന്ദസംഭവം ।
മഹാഭവാബ്ധിമധ്യമഗ്രദീനലോകതാരകം
വിഹങ്ഗരാട്തുരങ്ഗമം ഭജാമി ബിന്ദുമാധവം ॥ 5॥
സമുദ്രതോയമധ്യദേവദാനവോത്ക്ഷിപദ്ധരാ-
ധരേന്ദ്രമൂലധാരണക്ഷമാദികൂര്‍മവിഗ്രഹം ।
ദുരാഗ്രഹാവലിപ്തഹാടകാക്ഷനാശസൂകരം
ഹിരണ്യദാനവാന്തകം ഭജാമി ബിന്ദുമാധവം ॥ 6॥
വിരോചനാത്മസംഭവോത്തമാങ്ഗകൃത്പദക്രമം
പരശ്വധോപസംഹൃതാഖിലാവനീശമണ്ഡലം ।
കഠോരനീലകണ്ഠകാര്‍മുകപ്രദര്‍ശിതാദി-
ദോര്‍ബലാന്വിതക്ഷിതീസുതം ഭജാമി ബിന്ദുമാധവം ॥ 7॥
യമാനുജോദകപ്രവാഹസത്ത്വരാഭിജിത്വരം
പുരാസുരാങ്ഗനാഭിമാനനൂപഭൂപനായകം ।
സ്വമണ്ഡലാഗ്രഖണ്ഡനീയയാവനാരിമണ്ഡലം
ബലാനുജം ഗദാഗ്രജം ഭജാമി ബിന്ദുമാധവം ॥ 8॥
പ്രശസ്തപഞ്ചചാമരാഖ്യവൃത്തഭേദഭാസിതം
ദശാവതാരവര്‍ണനം നൃസിംഹഭക്തവര്‍ണിതം ।
പ്രസിദ്ധബിന്ദുമാധവാഷ്ടകം പഠന്തി യേ ഭൃശം
നരാ സുദുര്ലഭം ഭജന്തി തേ മനോരഥം നിരന്തം ॥ 9॥
॥ ഇതി ശ്രീബിന്ദുമാധവാഷ്ടകം സമ്പൂര്‍ണം ॥