দেবীধামাষ্টকম্ Lyrics in Bengali:
কস্মৈচিদঙ্ঘ্রিপ্রণতাখিলেষ্টবিশ্রাণনব্রীডিতকৌস্তুভায় ।
কামারিবামাঙ্কজুষে কিরীটকনচ্ছশাঙ্কায় নমোঽস্তু ধাম্নে ॥ ১॥
কস্মৈচিদুদ্যদ্রবিকোটিভাসে কল্পদ্রুমাণামপি গর্বহর্ত্রে ।
পুণ্ড্রেক্ষুপাশাঙ্কুশপুষ্পবাণহস্তায় শস্তায় নমোঽস্তু ধাম্নে ॥ ২॥
কস্মৈচিদাদ্যায় নমোঽস্তু ধাম্নে বন্ধূকপুষ্পাভকলেবরায় ।
কুলাদ্রিবংশাম্বুধিকৌস্তুভায় মত্তেভকুম্ভস্তনবন্ধুরায় ॥
কস্মৈচিদাদ্যায় নমোঽস্তু ধাম্নে ভণ্ডাসুরাম্ভোনিধিবাডবায় ।
ভক্তৌঘসংরক্ষণদক্ষিণায় ভাধীশনীকাশমুখাম্বুজায় ॥ ৪॥
কস্মৈচিদস্তু প্রণতিঃ করাম্বুজাতম্রদিম্না হসতে প্রবালম্ ।
কারুণ্যজন্মাবনয়ে কাপর্দিমোদাব্ধিরাকারজনীকরায় ॥ ৫॥
কল্যাণশৈলাধিপমধ্যশৃঙ্গনিকেতনায় প্রণতার্তিহন্ত্রে ।
ক্রব্যাদবৈরিপ্রমুখেডিতায় কুর্মঃ প্রণামং কুতুকায় শম্ভৌ ॥ ৬॥
কচপ্রভানির্জিতনীরদায় কস্তুরিকাকুঙ্কুমলেপনায় ।
বিম্বাধরায় শ্রুতিবোধিতায় বন্ধাপনোদায় নমোঽস্তু ধাম্নে ॥ ৭॥
কটাক্ষকাঙ্ক্ষিপ্রবরামরায় কালারিচিত্তাম্বুজভাস্করায় ।
পটীয়সে পাপসমূহভেদে নমোঽস্তু কস্মৈচিদমোঘধাম্নে ॥ ৮॥
ইতি শৃঙ্গেরি শ্রীজগদ্গুরু শ্রীসচ্চিদানন্দশিবাভিনবনৃসিংহ-
ভারতীস্বামিভিঃ বিরচিতং শ্রীদেবীধামাষ্টকং সম্পূর্ণম্ ।