ധന്യാഷ്ടകം Lyrics in Malayalam:
തജ്ജ്ഞാനം പ്രശമകരം യദിന്ദ്രിയാണാം
തജ്ജ്ഞേയം യദുപനിഷത്സു നിശ്ചിതാര്‍ഥം ।
തേ ധന്യാ ഭുവി പരമാര്‍ഥനിശ്ചിതേഹാഃ
ശേഷാസ്തു ഭ്രമനിലയേ പരിഭ്രമന്തഃ ॥ 1॥
ആദൌ വിജിത്യ വിഷയാന്‍മദമോഹരാഗ-
ദ്വേഷാദിശത്രുഗണമാഹൃതയോഗരാജ്യാഃ ।
ജ്ഞാത്വാ മതം സമനുഭൂയപരാത്മവിദ്യാ-
കാന്താസുഖം വനഗൃഹേ വിചരന്തി ധന്യാഃ ॥ 2॥
ത്യക്ത്വാ ഗൃഹേ രതിമധോഗതിഹേതുഭൂതാം
ആത്മേച്ഛയോപനിഷദര്‍ഥരസം പിബന്തഃ ।
വീതസ്പൃഹാ വിഷയഭോഗപദേ വിരക്താ
ധന്യാശ്ചരന്തി വിജനേഷു വിരക്തസങ്ഗാഃ ॥ 3॥
ത്യക്ത്വാ മമാഹമിതി ബന്ധകരേ പദേ ദ്വേ
മാനാവമാനസദൃശാഃ സമദര്‍ശിനശ്ച ।
കര്‍താരമന്യമവഗംയ തദര്‍പിതാനി
കുര്‍വന്തി കര്‍മപരിപാകഫലാനി ധന്യാഃ ॥ 4॥
ത്യക്ത്വഈഷണാത്രയമവേക്ഷിതമോക്ഷമര്‍ഗാ
ഭൈക്ഷാമൃതേന പരികല്‍പിതദേഹയാത്രാഃ ।
ജ്യോതിഃ പരാത്പരതരം പരമാത്മസംജ്ഞം
ധന്യാ ദ്വിജാരഹസി ഹൃദ്യവലോകയന്തി ॥ 5॥
നാസന്ന സന്ന സദസന്ന മഹസന്നചാണു
ന സ്ത്രീ പുമാന്ന ച നപുംസകമേകബീജം ।
യൈര്‍ബ്രഹ്മ തത്സമമുപാസിതമേകചിത്തൈഃ
ധന്യാ വിരേജുരിത്തരേഭവപാശബദ്ധാഃ ॥ 6॥
അജ്ഞാനപങ്കപരിമഗ്നമപേതസാരം
ദുഃഖാലയം മരണജന്‍മജരാവസക്തം ।
സംസാരബന്ധനമനിത്യമവേക്ഷ്യ ധന്യാ
ജ്ഞാനാസിനാ തദവശീര്യ വിനിശ്ചയന്തി ॥ 7॥
ശാന്തൈരനന്യമതിഭിര്‍മധുരസ്വഭാവൈഃ
ഏകത്വനിശ്ചിതമനോഭിരപേതമോഹൈഃ ।
സാകം വനേഷു വിജിതാത്മപദസ്വരുപം
തദ്വസ്തു സംയഗനിശം വിമൃശന്തി ധന്യാഃ ॥ 8॥
അഹിമിവ ജനയോഗം സര്‍വദാ വര്‍ജയേദ്യഃ
കുണപമിവ സുനാരീം ത്യക്തുകാമോ വിരാഗീ ।
വിഷമിവ വിഷയാന്യോ മന്യമാനോ ദുരന്താന്‍
ജയതി പരമഹംസോ മുക്തിഭാവം സമേതി ॥ 9॥
സമ്പൂര്‍ണം ജഗദേവ നന്ദനവനം സര്‍വേഽപി കല്‍പദ്രുമാ
ഗാങ്ഗം വരി സമസ്തവാരിനിവഹഃ പുണ്യാഃ സമസ്താഃ ക്രിയാഃ ।
വാചഃ പ്രാകൃതസംസ്കൃതാഃ ശ്രുതിശിരോവാരാണസീ മേദിനീ
സര്‍വാവസ്ഥിതിരസ്യ വസ്തുവിഷയാ ദൃഷ്ടേ പരബ്രഹ്മണി ॥ 10॥
॥ ഇതി ശ്രീമദ് ശങ്കരാചാര്യവിരചിതം ധന്യാഷ്ടകം സമാപ്തം ॥