Ramanathashtakam Lyrics in Telugu:
రామనాథాష్టకమ్
గజాజినం శూలకపాలపాణినం
జటాధరం చన్ద్రకలావతంసమ్ ।
ఉమాపతిం కాలకాలమ్ త్రినేత్రం
శ్రీరామనాథం శిరసా నమామి ॥ ౧॥
సమస్తపాపక్షయదివ్యనామం
ప్రపన్నసంసారగతౌషధం త్వమ్ ।
నామాజ్జనాభీష్టవరప్రదం చ
శ్రీరామనాథం శిరసా నమామి ॥ ౨॥
సామ్బం ప్రవాలేన్దుశిలాసమాభం
శమ్భుం జటాఽలఙ్కృతచన్ద్రమౌలిమ్ ।
దిక్పూతవాసోవసనం వరేణ్యం
శ్రీరామనాథం శిరసా నమామి ॥ ౩॥
పురత్రయధ్వంసనతీవ్రబాణం
కామాఙ్గసంహారకపాలనేత్రమ్ ।
సన్దర్శనాత్త్వత్స్థలమస్తపాపం
శ్రీరామనాథం శిరసా నమామి ॥ ౪॥
భవాన్ధకరోగ్రగభస్తిమన్తం
సంసరకాన్తారమహాదవాగ్నిమ్ ।
మనోరథఃపూరణకాలమేఘం
శ్రీరామనాథం శిరసా నమామి ॥ ౫॥
సితాంశువక్త్రం స్మితచన్ద్రికాభం
కపాలమాలోడుగణప్రచారమ్ ।
ఋతధ్వజం వ్యోమతనుం మహాన్తం
శ్రీరామనాథం శిరసా నమామి ॥ ౬॥
సురాసురైర్జ్యేష్ఠసురేన్ద్రవన్ద్యం
సురాసురోద్భాసురభూసురాద్యమ్ ।
సురాపగాశోభితశేఖరం తం
శ్రీరామనాథం శిరసా నమామి ॥ ౭॥
సేతోర్మధ్యే పర్వతాగ్రే పవిత్రే
గౌర్యా సాకం భ్రాజమానం మహేశమ్ ।
జ్యోతిస్వరూపం చన్ద్రసుర్యాగ్నినేత్రం
శ్రీరామనాథం శిరసా నమామి ॥ ౮॥
రామేణైవం సంస్తుతో రామనాథః
ప్రాదుర్భూతో లిఙ్గమధ్యాద్భవాన్యా ।
దృష్ట్వా రుద్రం రాఘవః పూర్ణకామః
నత్వా స్తుత్వా ప్రార్థయామాస శమ్భుమ్ ॥ ౯॥
ఇతి రామనాథాష్టకం సమ్పూర్ణమ్ ॥