Templesinindiainfo

Best Spiritual Website

Shri Mangirish Ashtakam Lyrics in Bengali | শ্রীমাঙ্গিরীশাষ্টকম্

শ্রীমাঙ্গিরীশাষ্টকম্ Lyrics in Bengali:

বিশ্বেশ্বর প্রণত দুঃখবিনাশকারিন্
সর্বেষ্টপূরক পরাত্পরপাপহারিন্ ।
কুন্দেন্দুশঙ্খধবলশ্রুতিগীতকীর্তে
ভো মাঙ্গিরীশ তব পাদয়ুগং নমামি ॥ ১॥

গঙ্গাধর স্বজনপালনশোকহারিন্
শক্রাদিসংস্তুতগুণ প্রমথাধিনাথ ।
খণ্ডেন্দুশেখর সুরেশ্বর ভব্যমূর্তে
ভো মাঙ্গিরীশ তব পাদয়ুগং নমামি ॥ ২॥

ত্রৈলোক্যনাথ মদনান্তক শূলপাণে
পাপৌঘনাশনপটো পরমপ্রতাপিন্ ।
লোমেশবিপ্রবরদায়ক কালশত্রো
ভো মাঙ্গিরীশ তব পাদয়ুগং নমামি ॥ ৩॥

ভো ভূতনাথ ভবভঞ্জন সর্বসাক্ষিন্
মৃত্যুঞ্জয়ান্ধকনিষূদন বিশ্বরূপ ।
ভো সঙ্গমেশ্বর সদাশিব ভালনেত্র
ভো মাঙ্গিরীশ তব পাদয়ুগং নমামি ॥ ৪॥

অম্ভোজসম্ভব-রমাপতি -পূজিতাঙ্ঘ্রে
য়ক্ষেন্দ্রমিত্র করুণাময়কায় শম্ভো ।
বিদ্যানিধে বরদ দীনজনৈকবন্ধো
ভো মাঙ্গিরীশ তব পাদয়ুগং নমামি ॥ ৫॥

রুদ্রাক্ষভূষিততনো মৃগশাবহস্ত
মোহান্ধকারমিহির শ্রিতভালনেত্র ।
গোত্রাধরেন্দ্র-তনয়াঙ্কিত-বামভাগ
ভো মাঙ্গিরীশ তব পাদয়ুগং নমামি ॥ ৬॥

কৈলাসনাথ কলিদোষ বিনাশদক্ষ
ধত্তূরপুষ্প পরমপ্রিয় পঞ্চবক্ত্র ।
শ্রীবারিজাক্ষকুলদৈবত কামশত্রো
ভো মাঙ্গিরীশ তব পাদয়ুগং নমামি ॥ ৭॥

য়োগীন্দ্রহৃত্কমলকোশ সদানিবাস
জ্ঞানপ্রদায়ক শরণ্য দুরন্তশক্তে ।
য়জ্ঞেশয়জ্ঞফলদায়ক য়জ্ঞমূর্তে
ভো মাঙ্গিরীশ তব পাদয়ুগং নমামি ॥ ৮॥

য়ে মাঙ্গিরীশ-চরণ-স্মরণানুরক্তাং
মাঙ্গীশ্বরাষ্টকমিদং সততং পঠন্তি ।
তেঽমুষ্মিকং সকল সৌখ্যমপীহ ভুক্ত্বা
দেহান্তকালসময়ে শিবতাং ব্রজন্তি ॥
॥ ভো মাঙ্গিরীশ তব পাদয়ুগং নমামি ॥

ইতি শ্রীমাঙ্গিরীশাষ্টকং সম্পূর্ণম্ ।

Shri Mangirish Ashtakam Lyrics in Bengali | শ্রীমাঙ্গিরীশাষ্টকম্

Leave a Reply

Your email address will not be published. Required fields are marked *

Scroll to top