શ્રીપૂર્ણાષ્ટકમ્ Lyrics in Gujarati:
ભગવતિ ભવબન્ધચ્છેદિનિ બ્રહ્મવન્દ્યે
શશિમુખિ રુચિપૂર્ણે ભાલચન્દ્રેઽન્નપૂર્ણે ।
સકલદુરિતહન્ત્રિ સ્વર્ગમોક્ષાદિદાત્રિ
જનનિ નિટિલનેત્રે દેવિ પૂર્ણે પ્રસીદ ॥ ૧॥
તવ ગુણગરિમાણં વર્ણિતું નૈવ શક્તા
વિધિ-હરિ-હરદેવા નૈવ લોકા ન વેદાઃ ।
કથમહમનભિજ્ઞો વાગતીતાં સ્તુવીયાં
જનનિ નિટિલનેત્રે દેવિ પૂર્ણે પ્રસીદ ॥ ૨॥
ભગવતિ વસુકામાઃ સ્વર્ગમોક્ષાદિકામા-
દિતિજસુર-મુનીન્દ્રાસ્ત્વાં ભજન્ત્યમ્બ સર્વે ।
તવ પદયુગભક્તિં ભિક્ષુકસ્ત્વાં નમામિ
જનનિ નિટિલનેત્રે દેવિ પૂર્ણે પ્રસીદ ॥ ૩॥
યદવધિ ભવમાતસ્તે કૃપા નાસ્તિ જન્તૌ
તદવધિ ભવજાલં કઃ સમર્થો વિહાતુમ્ ।
ભવકૃતભયભીતસ્ત્વાં શિવેઽહં પ્રસન્નો
જનનિ નિટિલેનેત્રે દેવિ પૂર્ણે પ્રસીદ ॥ ૪॥
સુરસુરપતિવન્દ્યે કોટિરિત્યેકરમ્યે
નિખિલભવનધન્યે કામદે કામદેહે ।
ભવતિ ભવપયોધસ્તારિણીં ત્વાં નતોઽહં
જનનિ નિટિલનેત્રે દેવિ પૂર્ણે પ્રસીદ ॥ ૫॥
ત્વમિહ જગતિ પૂર્ણા ત્વદ્વિહીનં ન કિઞ્ચિદ્
રજનિ યદિ વિહીનં તત્સ્વરૂપ તુ મિથ્યા ।
ઇતિ નિગદતિ વેદો બ્રહ્મભિન્નં ન સત્યં
જનનિ નિટિલનેત્રે દેવિ પૂર્ણે પ્રસીદ ॥ ૬॥
સ્વજનશરણદક્ષે દક્ષજે પૂર્ણકામે
સુરહિતકૃતરૂપે નિર્વિકલ્પે નિરીહે ।
શ્રુતિસમુદયગીતે સચ્ચિદાનન્દરૂપે
જનનિ નિટિલનેત્રે દેવિ પૂર્ણે પ્રસીદ ॥ ૭॥
ભગવતિ તવ પુર્યાં ત્વાં સમારાધ્ય યાચે
ભવતુ ગણપમાતભક્તિતસ્તેઽવિરામઃ ।
ત્વદિતરજન આર્યે પૂર્ણકામો ન પૂર્ણે
જનનિ નિટિલનેત્રે દેવિ પૂર્ણે પ્રસીદ ॥ ૮॥
ઇતિ શ્રીમત્પરમહંસપરિવ્રાજકાચાર્ય-શ્રીમદુત્તરામ્નાયજ્યોતિષ્પીઠાધીશ્વર-
જગદ્ગુરુશઙ્કરાચાર્ય-સ્વામિશ્રીશાન્તાનન્દસરસ્વતીશિષ્ય-
સ્વામિશ્રીમદનન્તાનન્દ-સરસ્વતીવિરચિતં શ્રીપૂર્ણાષ્ટકં સમ્પૂર્ણમ્ ।