Sri Saraswati Ashtakam 2 Lyrics in Bengali:
শ্রীসরস্বত্যষ্টকম্
অমলা বিশ্ববন্দ্যা সা কমলাকরমালিনী ।
বিমলাভ্রনিভা বোঽব্যাত্কমলা য়া সরস্বতী || ১ ||
বার্ণসংস্থাঙ্গরূপা য়া স্বর্ণরত্নবিভূষিতা ।
নির্ণয়া ভারতি শ্বেতবর্ণা বোঽব্যাত্সরস্বতী || ২ ||
বরদাভয়রুদ্রাক্ষবরপুস্তকধারিণী ।
সরসা সা সরোজস্থা সারা বোঽব্যাত্সরাস্বতী || ৩ ||
সুন্দরী সুমুখী পদ্মমন্দিরা মধুরা চ সা ।
কুন্দভাসা সদা বোঽব্যাদ্বন্দিতা য়া সরস্বতী || ৪ ||
রুদ্রাক্ষলিপিতা কুম্ভমুদ্রাধৃতকরাম্বুজা ।
ভদ্রার্থদায়িনী সাব্যাদ্ভদ্রাব্জাক্ষী সরস্বতী || ৫ ||
রক্তকৌশেয়রত্নাঢ্যা ব্যক্তভাষণভূষণা ।
ভক্তহৃত্পদ্মসংস্থা সা শক্তা বোঽব্যাত্সরস্বতী || ৬ ||
চতুর্মুখস্য জায়া য়া চতুর্বেদস্বরূপিণী ।
চতুর্ভুজা চ সা বোঽব্যাচ্চতুর্বর্গা সরস্বতী || ৭ ||
সর্বলোকপ্রপূজ্যা য়া পর্বচন্দ্রনিভাননা ।
সর্বজিহ্বাগ্রসংস্থা সা সদা বোঽব্যাত্সরস্বতী || ৮ ||
সরস্বত্যষ্টকং নিত্যং সকৃত্প্রাতর্জপেন্নরঃ।
অজ্ঞৈর্বিমুচ্যতে সোঽয়ং প্রাজ্ঞৈরিষ্টশ্চ লভ্যতে || ৯ ||
ইতি শ্রীসরস্বত্যষ্টকং সমাপ্তম্ ।