Pradosha Stotrashtakam in Telugu:
॥ ప్రదోషస్తోత్రాష్టకమ్ ॥
శ్రీ గణేశాయ నమః ।
సత్యం బ్రవీమి పరలోకహితం బ్రవ్రీమి
సారం బ్రవీమ్యుపనిషద్ధృదయం బ్రవీమి ।
సంసారముల్బణమసారమవాప్య జన్తోః
సారోఽయమీశ్వరపదామ్బురుహస్య సేవా ॥ ౧ ॥
యే నార్చయన్తి గిరిశం సమయే ప్రదోషే
యే నార్చితం శివమపి ప్రణమన్తి చాన్యే ।
ఏతత్కథాం శ్రుతిపుటైర్న పిబన్తి మూఢాస్తే
జన్మజన్మసు భవన్తి నరా దరిద్రాః ॥ ౨ ॥
యే వై ప్రదోషసమయే పరమేశ్వరస్య,
కుర్వన్త్యనన్యమనసోంఽఘ్రిసరోజపూజామ్ ।
నిత్యం ప్రవృద్ధధనధాన్యకలత్రపుత్రసౌభాగ్య-
సమ్పదధికాస్త ఇహైవ లోకే ॥ ౩ ॥
కైలాసశైలభువనే త్రిజగజ్జనిత్రీం గౌరీం
నివేశ్య కనకాచితరత్నపీఠే ।
నృత్యం విధాతుమభివాఞ్ఛతి శూలపాణౌ
దేవాః ప్రదోషసమయే ను భజన్తి సర్వే ॥ ౪ ॥
వాగ్దేవీ ధృతవల్లకీ శతమఖో వేణుం దధత్పద్మజ-
స్తాలోన్నిద్రకరో రమా భగవతీ గేయప్రయోగాన్వితా ।
విష్ణుః సాన్ద్రమృదఙ్గవాదనపటుర్దేవాః సమన్తాత్స్థితాః
సేవన్తే తమను ప్రదోషసమయే దేవం మృడానీపతిమ్ ॥ ౫ ॥
గన్ధర్వయక్షపతగోరగసిద్ధసాధ్య-
విద్యాధరామరవరాప్సరసాం గణాంశ్చ ।
యేఽన్యే త్రిలోకనిలయా సహభూతవర్గాః
ప్రాప్తే ప్రదోషసమయే హరపార్శ్వసంస్థాః ॥ ౬ ॥
అతః ప్రదోషే శివ ఏక ఏవ
పూజ్యోఽథ నాన్యే హరిపద్మజాద్యాః ।
తస్మిన్మహేశే విధినేజ్యమానే
సర్వే ప్రసీదన్తి సురాధినాథాః ॥ ౭ ॥
ఏష తే తనయః పూర్వజన్మని బ్రాహ్మణోత్తమః ।
ప్రతిగ్రహైర్వయో నిన్యే న దానాద్యైః సుకర్మభిః ॥ ౮ ॥
అతో దారిద్ర్యమాపన్నః పుత్రస్తే ద్విజభామిని ।
తద్దోషపరిహారార్థం శరణాం యాతు శఙ్కరమ్ ॥ ౯ ॥
॥ ఇతి శ్రీస్కాన్దోక్తం ప్రదోషస్తోత్రాష్టకం సమ్పూర్ణమ్ ॥
Also Read:
Pradosha Stotra Ashtakam Lyrics in Hindi | English | Bengali | Gujarati | Marathi | Punjabi | Kannada | Malayalam | Oriya | Telugu | Tamil