બિન્દુમાધવાષ્ટકમ્ Lyrics in Gujarati:
શ્રી ગણેશાય નમઃ ।
કલિન્દજાતટાટવીલતાનિકેતનાન્તર-
પ્રગલ્ભવલ્લવિસ્ફુરદ્રતિપ્રસઙ્ગસઙ્ગતમ્ ।
સુધારસાર્દ્રવેણુનાદમોદમાધુરીમદ-
પ્રમત્તગોપગોવ્રજં ભજામિ બિન્દુમાધવમ્ ॥ ૧॥
ગદારિશઙ્ખચક્રશાર્ઙ્ગભૃચ્ચતુષ્કરં કૃપા-
કટાક્ષવીક્ષણામૃતાક્ષિતામરેન્દ્રનન્દનમ્ ।
સનન્દનાદિમૌનિમાનસારવિન્દમન્દિરં
જગત્પવિત્રકીર્તિદં ભજામિ બિન્દુમાધવમ્ ॥ ૨॥
દિગીશમૌલિનૂત્નરત્નનિઃસરત્પ્રભાવલી-
વિરાજિતાંઘ્રિપઙ્કજં નવેન્દુશેખરાબ્જજમ્ ।
દયામરન્દતુન્દિલારવિન્દપત્રલોચનં
વિરોધિયૂથભેદનં ભજામિ બિન્દુમાધવમ્ ॥ ૩॥
પયઃ પયોધિવીચિકાવલીપયઃપૃષન્મિલદ્ભુજઙ્ગ-
પુઙ્ગવાઙ્ગકલ્પપુષ્પતલ્પશાયિનમ્ ।
કટીતટિસ્ફુટીભવત્પ્રતપ્તહાટકામ્બરં
નિશાટકોટિપાટનં ભજામિ બિન્દુમાધવમ્ ॥ ૪॥
અનુશ્રવાપહારકાવલેપલોપનૈપુણી-
પયશ્ચરાવતારતોષિતારવિન્દસમ્ભવમ્ ।
મહાભવાબ્ધિમધ્યમગ્રદીનલોકતારકં
વિહઙ્ગરાટ્તુરઙ્ગમં ભજામિ બિન્દુમાધવમ્ ॥ ૫॥
સમુદ્રતોયમધ્યદેવદાનવોત્ક્ષિપદ્ધરા-
ધરેન્દ્રમૂલધારણક્ષમાદિકૂર્મવિગ્રહમ્ ।
દુરાગ્રહાવલિપ્તહાટકાક્ષનાશસૂકરં
હિરણ્યદાનવાન્તકં ભજામિ બિન્દુમાધવમ્ ॥ ૬॥
વિરોચનાત્મસમ્ભવોત્તમાઙ્ગકૃત્પદક્રમં
પરશ્વધોપસંહૃતાખિલાવનીશમણ્ડલમ્ ।
કઠોરનીલકણ્ઠકાર્મુકપ્રદર્શિતાદિ-
દોર્બલાન્વિતક્ષિતીસુતં ભજામિ બિન્દુમાધવમ્ ॥ ૭॥
યમાનુજોદકપ્રવાહસત્ત્વરાભિજિત્વરં
પુરાસુરાઙ્ગનાભિમાનનૂપભૂપનાયકમ્ ।
સ્વમણ્ડલાગ્રખણ્ડનીયયાવનારિમણ્ડલં
બલાનુજં ગદાગ્રજં ભજામિ બિન્દુમાધવમ્ ॥ ૮॥
પ્રશસ્તપઞ્ચચામરાખ્યવૃત્તભેદભાસિતં
દશાવતારવર્ણનં નૃસિંહભક્તવર્ણિતમ્ ।
પ્રસિદ્ધબિન્દુમાધવાષ્ટકં પઠન્તિ યે ભૃશં
નરા સુદુર્લભં ભજન્તિ તે મનોરથં નિરન્તમ્ ॥ ૯॥
॥ ઇતિ શ્રીબિન્દુમાધવાષ્ટકં સમ્પૂર્ણમ્ ॥
