Harihara Ashtottara Shatanama Stotram in Bengali:
॥ হরিহর অষ্টোত্তর শতনাম স্তোত্রম ॥
গোৱিন্দ মাধৱ মুকুন্দ হরে মুরারে শংভো শিৱেশ শশিশেখর শূলপাণে ||
দামোদরাচ্যুত জনার্দন ৱাসুদেৱ ত্যাজ্যা ভটা য ইতি সন্ততমামনন্তি || ১ ||
গঙ্গাধরান্ধকরিপো হর নীলকণ্ঠ ৱৈকুণ্ঠ কৈটভরিপো কমঠাব্জপাণে ||
ভুতেশ খণ্ডপরশো মৃড চণ্ডিকেশ ত্যাজ্যা ভটা য ইতি সন্ততমামনন্তি || ২ ||
ৱিষ্ণো নৃসিংহ মধুসূদন চক্রপাণে গৌরীপতে গিরিশ শঙ্কর চন্দ্রচূড ||
নারাযণাসুরনিবর্হণ শার্ঙ্গপাণে ত্যাজ্যা ভটা য ইতি সন্ততমামনন্তি || ৩ ||
মৃত্যুঞ্জযোগ্র ৱিষমেক্ষণ কামশত্রো শ্রীকান্ত পীতৱসনাংবুদ নীল শৌরে ||
ঈশান কৃত্তিৱসন ত্রিদশৈকনাথ ত্যাজ্যা ভটা য ইতি সন্ততমামনন্তি || ৪ ||
লক্ষ্মীপতে মধুরিপো পুরুষোত্তমাদ্য শ্রীকণ্ঠ দিগ্ৱসন শান্ত পিনাকপাণে ||
আনন্দকন্দ ধরণীধর পদ্মনাভ ত্যাজ্যা ভটা য ইতি সন্ততমামনন্তি || ৫ ||
সর্ৱেশ্ৱর ত্রিপুরসূদন দেৱদেৱ ব্রহ্মণ্যদেৱ গরুডধ্ৱজ শঙ্খপাণে ||
ত্র্যক্ষোরগাভরণ বালমৃগাঙ্কমৌলে ত্যাজ্যা ভটা য ইতি সন্ততমামনন্তি || ৬ ||
শ্রীরাম রাঘৱ রমেশ্ৱর রাৱণারে ভূতেশ মন্মথরিপো প্রমথাধিনাথ ||
চাণূরমর্দন হৃষীকপতে মুরারে ত্যাজ্যা ভটা য ইতি সন্ততমামনন্তি || ৭ ||
শূলিন গিরীশ রজনীশ কলাৱতংস কংসপ্রণাশন সনাতন কেশিনাশ ||
ভর্গ ত্রিনেত্র ভৱ ভূতপতে পুরারে ত্যাজ্যা ভটা য ইতি সন্ততমামনন্তি || ৮ ||
গোপীপতে যদুপতে ৱসুদেৱসূনো কর্পূরগৌর ৱৃষভধ্ৱজ ভালনেত্র ||
গোৱর্ধনোদ্ধরণ ধর্মধুরীণ গোপ ত্যাজ্যা ভটা য ইতি সন্ততমামনন্তি || ৯ ||
স্থাণো ত্রিলোচন পিনাকধর স্মরারে কৃষ্ণানিরুদ্ধ কমলাকর কল্মষারে ||
ৱিশ্ৱেশ্ৱর ত্রিপথগার্দ্রজটাকলাপ ত্যাজ্যা ভটা য ইতি সন্ততমামনন্তি || ১০ ||
অষ্টোত্তরাধিকশতেন সুচারুনাম্নাং সন্দর্ভিতাং ললিতরত্নকদংবকেন ||
সন্নাযকাং দৃঢগুণাং নিজকণ্ঠগতাং যঃ কুর্যাদিমাং স্রজমহো স যমং ন পশ্যেত || ১১ ||
গণাৱূচতুঃ ||
ইত্থং দ্ৱিজেন্দ্র নিজভৃত্যগণান্সদৈৱ সংশিক্ষযেদৱনিগান্স হি ধর্মরাজঃ ||
অন্যেঽপি যে হরিহরাঙ্কধরা ধরাযাং তে দূরতঃ পুনরহো পরিৱর্জনীযাঃ || ১২ ||
অগস্ত্য উৱাচ ||
যো ধর্মরাজরচিতাং ললিতপ্রবন্ধাং নামাৱলিং সকলকল্মষবীজহন্ত্রীম ||
ধীরোঽত্র কৌস্তুভভৄতঃ শশিভূষণস্য নিত্যং জপেত্স্তনরসং ন পিবেত্স মাতুঃ || ১৩ ||
ইতি শ্রৃণ্ৱন্কথাং রম্যাং শিৱশর্মা প্রিযেঽনঘাম ||
প্রহর্ষৱক্ত্রঃ পুরতো দদর্শ সরসীং পুরীম || ১৪ ||
ইতি হরিহরাষ্টোত্তরশতনামস্তোত্রং সম্পূর্ণম ||
Also Read:
Harihara Ashtottara Shatanama Stotram Lyrics in Marathi | Gujarati | Bengali | Kannada | Telugu