Heramba Ganapati Stotram Kannada Lyrics:
ಹೇರಂಬ ಸ್ತೋತ್ರಂ
ಗೌರ್ಯುವಾಚ |
ಗಜಾನನ ಜ್ಞಾನವಿಹಾರಕಾನಿ-
-ನ್ನ ಮಾಂ ಚ ಜಾನಾಸಿ ಪರಾವಮರ್ಷಾಮ್ |
ಗಣೇಶ ರಕ್ಷಸ್ವ ನ ಚೇಚ್ಛರೀರಂ
ತ್ಯಜಾಮಿ ಸದ್ಯಸ್ತ್ವಯಿ ಭಕ್ತಿಯುಕ್ತಾ || ೧ ||
ವಿಘ್ನೇಶ ಹೇರಂಬ ಮಹೋದರ ಪ್ರಿಯ
ಲಂಬೋದರ ಪ್ರೇಮವಿವರ್ಧನಾಚ್ಯುತ |
ವಿಘ್ನಸ್ಯ ಹರ್ತಾಽಸುರಸಂಘಹರ್ತಾ
ಮಾಂ ರಕ್ಷ ದೈತ್ಯಾತ್ತ್ವಯಿ ಭಕ್ತಿಯುಕ್ತಾಮ್ || ೨ ||
ಕಿಂ ಸಿದ್ಧಿಬುದ್ಧಿಪ್ರಸರೇಣ ಮೋಹ-
-ಯುಕ್ತೋಽಸಿ ಕಿಂ ವಾ ನಿಶಿ ನಿದ್ರಿತೋಽಸಿ |
ಕಿಂ ಲಕ್ಷಲಾಭಾರ್ಥವಿಚಾರಯುಕ್ತಃ
ಕಿಂ ಮಾಂ ಚ ವಿಸ್ಮೃತ್ಯ ಸುಸಂಸ್ಥಿತೋಽಸಿ || ೩ ||
ಕಿಂ ಭಕ್ತಸಂಗೇನ ಚ ದೇವದೇವ
ನಾನೋಪಚಾರೈಶ್ಚ ಸುಯಂತ್ರಿತೋಽಸಿ |
ಕಿಂ ಮೋದಕಾರ್ಥೇ ಗಣಪಾದ್ಭೃತೋಽಸಿ
ನಾನಾವಿಹಾರೇಷು ಚ ವಕ್ರತುಂಡ || ೪ ||
ಸ್ವಾನಂದಭೋಗೇಷು ಪರಿಹೃತೋಽಸಿ
ದಾಸೀಂ ಚ ವಿಸ್ಮೃತ್ಯ ಮಹಾನುಭಾವ |
ಆನಂತ್ಯಲೀಲಾಸು ಚ ಲಾಲಸೋಽಸಿ
ಕಿಂ ಭಕ್ತರಕ್ಷಾರ್ಥಸುಸಂಕಟಸ್ಥಃ || ೫ ||
ಅಹೋ ಗಣೇಶಾಮೃತಪಾನದಕ್ಷಾ-
-ಮರೈಸ್ತಥಾ ವಾಸುರಪೈಃ ಸ್ಮೃತೋಽಸಿ |
ತದರ್ಥನಾನಾವಿಧಿಸಂಯುತೋಽಸಿ
ವಿಸೃಜ್ಯ ಮಾಂ ದಾಸೀಮನನ್ಯಭಾವಾಮ್ || ೬ ||
ರಕ್ಷಸ್ವ ಮಾಂ ದೀನತಮಾ ಪರೇಶ
ಸರ್ವತ್ರ ಚಿತ್ತೇಷು ಚ ಸಂಸ್ಥಿತಸ್ತ್ವಮ್ |
ಪ್ರಭೋ ವಿಲಂಬೇನ ವಿನಾಯಕೋಽಸಿ
ಬ್ರಹ್ಮೇಶ ಕಿಂ ದೇವ ನಮೋ ನಮಸ್ತೇ || ೭ ||
ಭಕ್ತಾಭಿಮಾನೀತಿ ಚ ನಾಮ ಮುಖ್ಯಂ
ವೇದೇ ತ್ವಭಾವಾನ್ ನಹಿ ಚೇನ್ಮಹಾತ್ಮನ್ |
ಆಗತ್ಯ ಹತ್ವಾಽದಿತಿಜಂ ಸುರೇಶ
ಮಾಂ ರಕ್ಷ ದಾಸೀಂ ಹೃದಿ ಪಾದನಿಷ್ಠಾಮ್ || ೮ ||
ಅಹೋ ನ ದೂರಂ ತವ ಕಿಂಚಿದೇವ
ಕಥಂ ನ ಬುದ್ಧೀಶ ಸಮಾಗತೋಽಸಿ |
ಸುಚಿಂತ್ಯದೇವ ಪ್ರಜಹಾಮಿ ದೇಹಂ
ಯಶಃ ಕರಿಷ್ಯೇ ವಿಪರೀತಮೇವಮ್ || ೯ ||
ರಕ್ಷ ರಕ್ಷ ದಯಾಸಿಂಧೋಽಪರಾಧಾನ್ಮೇ ಕ್ಷಮಸ್ವ ಚ |
ಕ್ಷಣೇ ಕ್ಷಣೇ ತ್ವಹಂ ದಾಸೀ ರಕ್ಷಿತವ್ಯಾ ವಿಶೇಷತಃ || ೧೦ ||
ಸ್ತುವತ್ಯಾಮೇವ ಪಾರ್ವತ್ಯಾಂ ಶಂಕರೋ ಬೋಧಸಂಯುತಃ |
ಬಭೂವ ಗಣಪಾನಾಂ ವೈ ಶ್ರುತ್ವಾ ಹಾಹಾರವಂ ವಿಧೇಃ || ೧೧ ||
ಗಣೇಶಂ ಮನಸಾ ಸ್ಮೃತ್ವಾ ವೃಷಾರೂಢಃ ಸಮಾಯಯೌ |
ಕ್ಷಣೇನ ದೈತ್ಯರಾಜಂ ತಂ ದೃಷ್ಟ್ವಾ ಡಮರುಣಾ ಹನತ್ || ೧೨ ||
ತತಃ ಸೋಽಪಿ ಶಿವಂ ವೀಕ್ಷ್ಯಾಲಿಂಗಿತುಂ ಧಾವಿತೋಽಭವತ್ |
ಶಿವಸ್ಯ ಶೂಲಿಕಾದೀನಿ ಶಸ್ತ್ರಾಣಿ ಕುಂಠಿತಾನಿ ವೈ || ೧೩ ||
ತಂ ದೃಷ್ಟ್ವಾ ಪರಮಾಶ್ಚರ್ಯಂ ಭಯಭೀತೋ ಮಹೇಶ್ವರಃ |
ಸಸ್ಮಾರ ಗಣಪಂ ಸೋಽಪಿ ನಿರ್ವಿಘ್ನಾರ್ಥಂ ಪ್ರಜಾಪತೇ || ೧೪ ||
ಇತಿ ಮುದ್ಗಲಪುರಾಣೇ ಹೇರಂಬ ಸ್ತೋತ್ರಮ್ ||
Also Read:
Heramba Ganapati Stotram lyrics in Sanskrit | English | Telugu | Tamil | Kannada