Marakatha Sri Lakshmi Ganapathi Stotram in Kannada:
ಮರಕತ ಶ್ರೀ ಲಕ್ಷ್ಮೀಗಣಪತಿ ಸ್ತೋತ್ರಂ
ವರಸಿದ್ಧಿಸುಬುದ್ಧಿಮನೋನಿಲಯಂ
ನಿರತಪ್ರತಿಭಾಫಲದಾನ ಘನಂ
ಪರಮೇಶ್ವರ ಮಾನ ಸಮೋದಕರಂ
ಪ್ರಣಮಾಮಿ ನಿರಂತರವಿಘ್ನಹರಮ್ || ೧ ||
ಅಣಿಮಾಂ ಮಹಿಮಾಂ ಗರಿಮಾಂ ಲಘಿಮಾಂ
ಘನತಾಪ್ತಿ ಸುಕಾಮವರೇಶವಶಾನ್
ನಿರತಪ್ರದಮಕ್ಷಯಮಂಗಳದಂ
ಪ್ರಣಮಾಮಿ ನಿರಂತರವಿಘ್ನಹರಮ್ || ೨ ||
ಜನನೀಜನಕಾತ್ಮವಿನೋದಕರಂ
ಜನತಾಹೃದಯಾಂತರತಾಪಹರಂ
ಜಗದಭ್ಯುದಯಾಕರಮೀಪ್ಸಿತದಂ
ಪ್ರಣಮಾಮಿ ನಿರಂತರವಿಘ್ನಹರಮ್ || ೩ ||
ವರಬಾಲ್ಯಸುಖೇಲನಭಾಗ್ಯಕರಂ
ಸ್ಥಿರಯೌವನಸೌಖ್ಯವಿಲಾಸಕರಂ
ಘನವೃದ್ಧಮನೋಹರಶಾಂತಿಕರಂ
ಪ್ರಣಮಾಮಿ ನಿರಂತರವಿಘ್ನಹರಮ್ || ೪ ||
ನಿಗಮಾಗಮಲೌಕಿಕಶಾಸ್ತ್ರನಿಧಿ
ಪ್ರದದಾನಚಣಂ ಗುಣಗಣ್ಯಮಣಿಮ್
ಶತತೀರ್ಥವಿರಾಜಿತಮೂರ್ತಿಧರಮ್
ಪ್ರಣಮಾಮಿ ನಿರಂತರವಿಘ್ನಹರಮ್ || ೫ ||
ಅನುರಾಗಮಯಂ ನವರಾಗಯುತಂ
ಗುಣರಾಜಿತನಾಮವಿಶೇಷಹಿತಂ
ಶುಭಲಾಭವರಪ್ರದಮಕ್ಷಯದಂ
ಪ್ರಣಮಾಮಿ ನಿರಂತರವಿಘ್ನಹರಮ್ || ೬ ||
ಪೃಥಿವೀಶ ಸುಪೂಜಿತಪಾದಯುಗಂ
ರಥಯಾನ ವಿಶೇಷಯಶೋವಿಭವಂ
ಸಕಲಾಗಮ ಪೂಜಿತದಿವ್ಯಗುಣಂ
ಪ್ರಣಮಾಮಿ ನಿರಂತರವಿಘ್ನಹರಮ್ || ೭ ||
ಗಗನೋದ್ಭವಗಾಂಗಸರಿತ್ಪ್ರಭವ
ಪ್ರಚುರಾಂಬುಜಪೂಜಿತಶೀರ್ಷತಲಂ
ಮಣಿರಾಜಿತಹೈಮಕಿರೀಟಯುತಂ
ಪ್ರಣಮಾಮಿ ನಿರಂತರವಿಘ್ನಹರಮ್ || ೮ ||
ದ್ವಿಜರಾಜದಿವಾಕರನೇತ್ರಯುತಂ
ಕಮನೀಯಶುಭಾವಹಕಾಂತಿಹಿತಂ
ರಮಣೀಯ ವಿಲಾಸಕಥಾವಿದಿತಂ
ಪ್ರಣಮಾಮಿ ನಿರಂತರವಿಘ್ನಹರಮ್ || ೯ ||
ಹೃದಯಾಂತರದೀಪಕಶಕ್ತಿಧರಂ
ಮಧುರೋದಯದೀಪ್ತಿಕಳಾರುಚಿರಂ
ಸುವಿಶಾಲನಭೋಂಗಣದೀಪ್ತಿಕರಂ
ಪ್ರಣಮಾಮಿ ನಿರಂತರವಿಘ್ನಹರಮ್ || ೧೦ ||
ಕವಿರಾಜವಿರಾಜಿತಕಾವ್ಯಮಯಂ
ರವಿಕಾಂತಿ ವಿಭಾಸಿತಲೋಕಮಯಂ
ಭುವನೈಕ ವಿಲಾಸಿತಕೀರ್ತಿಮಯಂ
ಪ್ರಣಮಾಮಿ ನಿರಂತರವಿಘ್ನಹರಮ್ || ೧೧ ||
ಶ್ರೀ ಮರಕತ ಲಕ್ಷ್ಮೀಗಣೇಶ ಸ್ತೋತ್ರಂ ಸಂಪೂರ್ಣಮ್ ||
Also Read:
Marakatha Sri Lakshmi Ganapathi Stotram lyrics in Sanskrit | English | Telugu | Tamil | Kannada
Marakatha Sri Lakshmi Ganapathi:
Suprabhatam | Stotram | Prapatti | Mangalasasanam