પુણ્યોદયપ્રશસ્ત્યષ્ટકમ્ Lyrics in Gujarati:
પુણ્યમૂર્તિઃ પુણ્યચેતાઃ પુણ્યધીઃ પુણ્યવાઙ્મહાઃ ।
પુણ્યકર્મા પુણ્યશર્મા શ્રીપુણ્યવિજયો મુનિઃ ॥ ૧॥
નિસર્ગવત્સલો ધીરો વિશાલહૃદયસ્તથા ।
પરોપકારપ્રવણો નમ્નસૌમ્યસ્વભાવભાક્ ॥ ૨॥
ઉદાત્તચિન્તનો દીપ્રપ્રજ્ઞો વાચંયમસ્તથા ।
નિર્ભીકઃ સત્યસામર્થ્યપ્રભાપ્રસૃમરોદયઃ ॥ ૩॥
જૈન-વૈદિક-બૌદ્ધાનાં શાસ્ત્રેષુ સુવિશારદઃ ।
સમ્માનનીયો વિદુષાં વિદ્યાસંસ્થેવ જઙ્ગમા ॥ ૪॥
યદીયો વ્યવસાયશ્ચ મુખ્યરૂપેણ વર્તતે ।
શ્રેષ્ઠપદ્ધતિતઃ પ્રાચ્યશાસ્ત્રાણાં પરિશોધનમ્ ॥ ૫॥
બહુપ્રાચીનશાસ્ત્રાઢ્યભાણ્ડાગારાવલોકનમ્ ।
કૃત્વા શ્રમેણ યોઽકાર્ષીત્ તેષામુદ્ધારમુત્તમમ્ ॥ ૬॥
મહામેધાવિના યેન પ્રાચીના બહુગૌરવાઃ ।
ગ્રન્થાઃ સમ્પાદિતાઃ સન્તિ વિદ્વદાન્દકારિણઃ ॥ ૭॥
વિદ્યાસઙ્ગપરાયણો મુનિપદાલઙ્કારભૂતક્રિયઃ
શ્રેષ્ઠાચારવિચારપૂતવિકસદ્વૈદુષ્યનિષ્પાદિતમ્ ।
ભવ્યશ્લોકમનલ્પધામમહિમા વિભ્રન્મહાસાત્ત્વિકો
જીયાદ્ વિશ્વજનાય પુણ્યવિજયઃ પુણ્યપ્રકાશં દિશન્ ॥ ૮॥
ઇતિ મુનિ ન્યાયવિજયવિરચિતં પુણ્યોદયપ્રશસ્ત્યષ્ટકમ્ સમાપ્તમ્ ।
