পুষ্করাষ্টকম্ Lyrics in Bengali :
শ্রীগণেশায় নমঃ ॥
শ্রিয়ায়ুতং ত্রিদেহতাপপাপরাশিনাশকং
মুনীন্দ্রসিদ্ধসাধ্যদেবদানবৈরভিষ্টুতম্ ।
তটেস্তি য়জ্ঞপর্বতস্য মুক্তিদং সুখাকরং
নমামি ব্রহ্মপুষ্করং সবৈষ্ণবং সশঙ্করম্ ॥ ১॥
সদার্যমাসশুষ্কপঞ্চবাসরে বরাগতং
তদন্যথান্তরিক্ষগং সুতন্ত্রভাবনানুগম্ ।
তদম্বুপানমজ্জনং দৃশাং সদামৃতাকরং
নমামি ব্রহ্মপুষ্করং সবৈষ্ণবং সশঙ্করম্ ॥ ২॥
ত্রিপুষ্কর ত্রিপুষ্কর ত্রিপুষ্করেতি সংস্মরেত্-
স দূরদেশগোঽপি য়স্তদঙ্গপাপনাশনম্ ।
প্রপন্নদুঃখভঞ্জনং সুরঞ্জনং সুধাকরং
নমামি ব্রহ্মপুষ্করং সবৈষ্ণবং সশঙ্করম্ ॥ ৩॥
মৃকণ্ডুমঙ্কণৌ পুলস্ত্যকণ্বপর্বতাসিতা
অগস্ত্যভার্গবৌ দধীচিনারদৌ শুকাদয়ঃ।
সপদ্মতীর্থপাবনৈকদ্দষ্ট্যো দয়াকরং
নমামি ব্রহ্মপুষ্করং সবৈষ্ণবং সশঙ্করম্ ॥ ৪॥
সদা পিতামহেক্ষিতং বরাহবিষ্ণুনেক্ষিতং
তথাঽমরেশ্বরেক্ষিতং সুরাসুরৈঃ সমীক্ষিতম্ ।
ইহৈব ভুক্তিমুক্তিদং প্রজাকরং ঘনাকরং
নমামি ব্রহ্মপুষ্করং সবৈষ্ণবং সশঙ্করম্ ॥ ৫॥
ত্রিদণ্ডিদণ্ডিব্রহ্মচারিতাপসৈঃ সুসেবিতং
পুরার্ধচন্দ্রপ্রাপ্তদেবনন্দিকেশ্বরাভিধৈঃ ।
সবৈদ্যনাথনীলকণ্ঠসেবিতং সুধাকরং
নমামি ব্রহ্মপুষ্করং সবৈষ্ণবং সশঙ্করম্ ॥ ৬॥
সুপঞ্চধা সরস্বতী বিরাজতে য়দন্ত্তরে
তথৈকয়োজনায়তং বিভাতি তীর্থনায়কম্ ।
অনেকদৈবপৈত্রতীর্থসাগরং রসাকরং
নমামি ব্রহ্মপুষ্করং সবৈষ্ণবং সশঙ্করম্ ॥ ৭॥
য়মাদিসংয়ুতো নরস্ত্রিপুষ্করং নিমজ্জতি
পিতামহশ্চ মাধবোপ্যুমাধবঃ প্রসন্নতাম্ ।
প্রয়াতি তত্পদং দদাত্যয়ত্নতো গুণাকরং
নমামি ব্রহ্মপুষ্করং সবৈষ্ণবং সশঙ্করম্ ॥ ৮॥
ইদং হি পুষ্করাষ্টকং সুনীতিনীরজাশ্রিতং
স্থিতং মদীয়মানসে কদাপি মাঽপগচ্ছতু ।
ত্রিসন্ধ্যমাপঠন্তি য়ে ত্রিপুষ্করাষ্টকং নরাঃ
প্রদীপ্তদেহভূষণা ভবন্তি মেশকিঙ্করাঃ ॥ ৯॥
ইতি শঞ্করাচার্যবিরচিতং শ্রীপুষ্করাষ্টকং সমাপ্তম্ ॥