સત્યવ્રતોક્તદામોદરસ્તોત્રમ્ Lyrics in Gujarati:
શ્રીગણેશાય નમઃ ॥
સિન્ધુદેશોદ્ભવો વિપ્રો નામ્ના સત્યવ્રતઃ સુધીઃ ।
વિરક્ત ઇન્દ્રિયાર્થેભ્યસ્ત્યક્ત્વા પુત્રગૃહાદિકમ્ ॥ ૧॥
વૃન્દાવને સ્થિતઃ કૃષ્ણમારિરાધ દિવાનિશમ્ ।
નિઃસ્વઃ સત્યવ્રતો વિપ્રો નિર્જનેઽવ્યગ્રમાનસઃ ॥ ૨॥
કાર્તિકે પૂજયામાસ પ્રીત્યા દામોદરં નૃપ ।
તૃતીયેઽહ્નિ સકૃદ્ભુઙ્ક્તે પત્રં મૂલં ફલં તથા ॥ ૩॥
પૂજયિત્વા હરિં સ્તૌતિ પ્રીત્યા દામોદરાભિધમ્ ॥ ૪॥
સત્યવ્રત ઉવાચ ।
નમામીશ્વરં સચ્ચિદાનન્દરૂપં લસત્કુણ્ડલં ગોકુલે ભ્રાજમાનમ્ ।
યશોદાભિયોલૂખલે ધાવમાનં પરામૃષ્ટમત્યન્તતો દૂતગોપ્યા ॥ ૫॥
રુદન્તં મુહુર્નેત્રયુગ્મં મૃજન્તં કરામ્ભોજયુગ્મેન સાતઙ્કનેત્રમ્ ।
મુહુઃશ્વાસકં પત્રિરેખાઙ્કકણ્ઠં સ્થિતં નૌમિ દામોદરં ભક્તવન્દ્યમ્ ॥ ૬॥
વરં દેવ દેહીશ મોક્ષાવધિં વા ન ચાન્યં વૃણેઽહં વરેશાદપીહ ।
ઇદં તે વપુર્નાથ ગોપાલબાલં સદા મે મનસ્યાવિરાસ્તાં કિમન્યૈઃ ॥ ૭॥
ઇદં તે મુખામ્ભોજમત્યન્તનીલૈર્વૃતં કુન્તલૈઃ સ્નિગ્ધવક્ત્રૈશ્ચ ગોપ્યા ।
મુહુશ્ચુમ્બિતં બિમ્બરક્તાધરં મે મનસ્યાવિરાસ્તામલં લક્ષલાભૈઃ ॥ ૮॥
નમો દેવ દામોદરાનન્ત વિષ્ણો પ્રસીદ પ્રભો દુઃખજાલાબ્ધિમગ્નમ્ ।
કૃપાદૃષ્ટિવૃષ્ટ્યાઽતિદીનં ચ રક્ષ ગૃહાણેશ મામજ્ઞમેવાક્ષિદૃશ્યમ્ ॥ ૯॥
કુબેરાત્મજૌ વૃક્ષમૂર્તી ચ યદ્વત્વયા મોચિતૌ ભક્તિભાજૌ કૃતૌ ચ ।
તથા પ્રેમભક્તિં સ્વકાં મે પ્રયચ્છ ન મોક્ષેઽઽગ્રહો મેઽસ્તિ દામોદરેહ ॥ ૧૦॥
નમસ્તે સુદામ્ને સ્ફુરદ્દીપ્તધામ્ને તથોરસ્થવિશ્વસ્ય ધામ્ને નમસ્તે ।
નમો રાધિકાયૈ ત્વદીયપ્રિયાયૈ નમોઽનન્તલીલાય દેવાય તુભ્યમ્ ॥ ૧૧॥
નારદ ઉવાચ ।
સત્યવ્રતદ્વિજસ્તોત્રં શ્રુત્વા દામોદરો હરિઃ ।
વિદ્યુલ્લીલાચમત્કારો હૃદયે શનકૈરભૂત્ ॥ ૧૨॥
ઇતિ શ્રીસત્યવ્રતકૃતદામોદરસ્તોત્રં સમ્પૂર્ણમ્ ॥