Shambhustotram Lyrics in Gujarati:
॥ શમ્ભુસ્તોત્રમ્ ॥
નાનાયોનિસહસ્રકોટિષુ મુહુઃ સંભૂય સંભૂય તદ્-
ગર્ભાવાસનિરન્તદુઃખનિવહં વક્તું ન શક્યં ચ તત્ ।
ભૂયો ભૂય ઇહાનુભૂય સુતરાં કષ્ટાનિ નષ્ટોઽસ્મ્યહં
ત્રાહિ ત્વં કરુણાતરઙ્ગિતદૃશા શંભો દયામ્ભોનિધે ॥ ૧ ॥
બાલ્યે તાડનપીડનૈર્બહુવિધૈઃ પિત્રાદિભિર્બોધિતઃ
તત્કાલોચિતરોગજાલજનિતૈર્દુઃખૈરલં બાધિતઃ ।
લીલાલૌલ્યગુણીકૃતૈશ્ચ વિવિધૈર્દુશ્ચોષ્ટિતૈઃ ક્લેશિતઃ
સોઽહં ત્વાં શરણં વ્રજામ્યવ વિભો શંભો દયામ્ભોનિધે ॥ ૨ ॥
તારુણ્યે મદનેન પીડિતતનુઃ કામાતુરઃ કામિની-
સક્તસ્તદ્વશગઃ સ્વધર્મવિમુખઃ સદ્ભિઃ સદા દૂષિતઃ ।
કર્માકાર્ષમપારનારકફલં સૌખ્યાશયા દુર્મતિઃ
ત્રાહિ ત્વં કરુણાતરઙ્ગિતદૃશા શંભો દયામ્ભોનિધે ॥ ૩ ॥
વૃદ્ધત્વે ગલિતાખિલેન્દ્રિયબલો વિભ્રષ્ટદન્તાવલિઃ
શ્વેતીભૂતશિરાઃ સુજર્જરતનુઃ કમ્પાશ્રયોઽનાશ્રયઃ ।
લાલોચ્છિષ્ટપુરીષમૂત્રસલિલક્લિન્નોઽસ્મિ દીનોઽસ્મ્યહં
ત્રાહિ ત્વં કરુણાતરઙ્ગિતદૃશા શંભો દયામ્ભોનિધે ॥ ૪ ॥
ધ્યાતં તે પદામ્બુજં સકૃદપિ ધ્યાતં ધનં સર્વદા
પૂજા તે ન કૃતા કૃતા સ્વવપુષઃ સ્ત્રગ્ગન્ધલેપાર્ચનૈઃ ।
નાન્નાદ્યૈઃ પરિતર્પિતા દ્વિજવરા જિહ્વૈવ સંતર્પિતા
પાપિષ્ઠેન મયા સદાશિવ વિભો શંભો દયામ્ભોનિધે ॥ ૫ ॥
સંધ્યાસ્નાનજપાદિ કર્મ ન કૃતં ભક્ત્યા કૃતં દુષ્કૃતં
ત્વન્નામેશ ન કીર્તિતં ત્વતિમુદા દુર્ભાષિતં ભાષિતમ્ ।
ત્વન્મૂર્તિર્ન વિલોકિતા પુનરપિ સ્ત્રીમૂર્તિરાલોકિતા
ભોગાસક્તિમતા મયા શિવ વિભો શંભો દયામ્ભોનિધે ॥ ૬ ॥
સંધ્યાધ્યાનજપાદિકર્મકરણે શક્તોઽસ્મિ નૈવ પ્રભો
દાતું હન્ત મતિં પ્રતીપકરણે દારાદિબન્ધાસ્પદે ।
નામૈકં તવ તારકં મમ વિભો હ્યન્યન્ન ચાસ્તિ ક્વચિત્
ત્રાહિ ત્વં કરુણાતરઙ્ગિતદૃશા શંભો દયામ્ભોનિધે ॥ ૭ ॥
કુમ્ભીપાકધુરંધરાદિષુ મહાબીજાદિષુ પ્રોદ્ધતં
ઘોરં નારકદુઃખમીષદપિ વા સોઢું ન શક્તોઽસ્મ્યહમ્ ।
તસ્માત્ ત્વાં શરણં વ્રજામિ સતતં જાનામિ ન ત્વાં વિના
ત્રાહિ ત્વં કરુણાતરઙ્ગિતદૃશા શંભો દયામ્ભોનિધે ॥ ૮ ॥
માતા વાપિ પિતા સુતોઽપિ ન હિતો ભ્રાત્રાદયો બાન્ધવાઃ
સર્વે સ્વાર્થપરા ભવન્તિ ખલુ માં ત્રાતું ન કેઽપિ ક્ષમાઃ ।
દૂતેભ્યો યમચોદિતેભ્ય ઇહ તુ ત્વામન્તરા શંકર
ત્રાહિ ત્વં કરુણાતરઙ્ગિતદૃશા શંભો દયામ્ભોનિધે ॥ ૯ ॥
॥ શંભુસ્તોત્રં સંપૂર્ણમ્ ॥
Also Read:
Shambhu Stotram Lyrics in Hindi | English | Marathi | Bengali | Gujarati | Kannada | Malayalam | Oriya | Telugu | Tamil