Shiva Panchakshara Nakshatramala in Malayalam:
॥ ശിവപഞ്ചാക്ഷര നക്ഷത്രമാലാ സ്തോത്രം ॥
ശ്രീമദാത്മനേ ഗുണൈകസിന്ധവേ നമഃ ശിവായ
ധാമലേശധൂതകോകബന്ധവേ നമഃ ശിവായ |
നാമശേഷിതാനമദ്ഭവാന്ധവേ നമഃ ശിവായ
പാമരേതരപ്രധാനവന്ധവേ നമഃ ശിവായ ॥ ൧ ॥
കാലഭീതവിപ്രബാലപാല തേ നമഃ ശിവായ
ശൂലഭിന്നദുഷ്ടദക്ഷഫാല തേ നമഃ ശിവായ |
മൂലകാരണായ കാലകാല തേ നമഃ ശിവായ
പാലയാധുനാ ദയാളവാല തേ നമഃ ശിവായ ॥ ൨ ॥
ഇഷ്ടവസ്തുമുഖ്യദാനഹേതവേ നമഃ ശിവായ
ദുഷ്ടദൈത്യവംശധൂമകേതവേ നമഃ ശിവായ |
സൃഷ്ടിരക്ഷണായ ധര്മസേതവേ നമഃ ശിവായ
അഷ്ടമൂര്ത്തയേ വൃഷേന്ദ്രകേതവേ നമഃ ശിവായ ॥ ൩ ॥
ആപദദ്രിഭേദടങ്കഹസ്ത തേ നമഃ ശിവായ
പാപഹാരി ദിവ്യസിന്ധുമസ്ത തേ നമഃ ശിവായ |
പാപഹാരിണേ ലസന്നമസ്തതേ നമഃ ശിവായ
ശാപദോഷഖണ്ഡനപ്രശസ്ത തേ നമഃ ശിവായ ॥ ൪ ॥
വ്യോമകേശ ദിവ്യഭവ്യരൂപ തേ നമഃ ശിവായ
ഹേമമേദിനീധരേന്ദ്രചാപ തേ നമഃ ശിവായ |
നാമമാത്രദഗ്ധസര്വപാപ തേ നമഃ ശിവായ
കാമനൈകതാനഹൃദ്ദുരാപ തേ നമഃ ശിവായ ॥ ൫ ॥
ബ്രഹ്മമസ്തകാവലീനിബദ്ധ തേ നമഃ ശിവായ
ജിഹ്മഗേന്ദ്രകുണ്ഡലപ്രസിദ്ധ തേ നമഃ ശിവായ |
ബ്രഹ്മണേ പ്രണീതവേദപദ്ധതേ നമഃ ശിവായ
ജിഹ്മകാലദേഹദത്തപദ്ധതേ നമഃ ശിവായ ॥ ൬ ॥
കാമനാശനായ ശുദ്ധകര്മണേ നമഃ ശിവായ
സാമഗാനജായമാനശര്മണേ നമഃ ശിവായ |
ഹേമകാന്തിചാകചക്യവര്മണേ നമഃ ശിവായ
സാമജാസുരാംഗലബ്ധചര്മണേ നമഃ ശിവായ ॥ ൭ ॥
ജന്മമൃത്യുഘോരദുഃഖഹാരിണേ നമഃ ശിവായ
ചിന്മയൈകരൂപദേഹധാരിണേ നമഃ ശിവായ |
മന്മനോരഥാവപൂര്ത്തികാരിണേ നമഃ ശിവായ
സന്മനോഗതായ കാമവൈരിണേ നമഃ ശിവായ ॥ ൮ ॥
യക്ഷരാജബന്ധവേ ദയാളവേ നമഃ ശിവായ
ദക്ഷപാണിശോഭികാഞ്ചനാലവേ നമഃ ശിവായ |
പക്ഷിരാജവാഹഹൃച്ഛയാലവേ നമഃ ശിവായ
അക്ഷിഫാലവേദപൂതതാലവേ നമഃ ശിവായ ॥ ൯ ॥
ദക്ഷഹസ്തനിഷ്ഠജാതവേദസേ നമഃ ശിവായ
ഹ്യക്ഷരാത്മനേ നമദ്വിഡൗജസേ നമഃ ശിവായ |
ദീക്ഷിതപ്രകാശിതാത്മതേജസേ നമഃ ശിവായ
ഉക്ഷരാജവാഹ തേ സതാം ഗതേ നമഃ ശിവായ ॥ ൧൦ ॥
രാജതാചലേന്ദ്രസാനുവാസിനേ നമഃ ശിവായ
രാജമാനനിത്യമന്ദഹാസിനേ നമഃ ശിവായ |
രാജകോരകാവതംസഭാസിനേ നമഃ ശിവായ
രാജരാജമിത്രതാ പ്രകാശിനേ നമഃ ശിവായ ॥ ൧൧ ॥
ദീനമാനബാലികാമധേനവേ നമഃ ശിവായ
സൂനവാണദാഹകൃത്കൃശാനവേ നമഃ ശിവായ |
സ്വാനുരാഗഭക്തരത്ന സാനവേ നമഃ ശിവായ
ദാനവാന്ധകാരചണ്ഡഭാനവേ നമഃ ശിവായ ॥ ൧൨ ॥
സര്വമംഗളാകുചാഗ്രശായിനേ നമഃ ശിവായ
സര്വദേവതാഗണാതിശായിനേ നമഃ ശിവായ |
പൂര്വദേവനാശസംവിധായിനേ നമഃ ശിവായ
സര്വമന്മനോജഭംഗദായിനേ നമഃ ശിവായ ॥ ൧൩ ॥
സ്തോകഭക്തിതോഽപി ഭക്തപോഷിണേ നമഃ ശിവായ
മാകരന്ദസാരവര്ഷിഭാഷിണേ നമഃ ശിവായ |
ഏകബില്വദാനതോഽപി തോഷിണേ നമഃ ശിവായ
നൈകജന്മപാപജാലശോഷിണേ നമഃ ശിവായ ॥ ൧൪ ॥
സര്വജീവരക്ഷണൈകശീലിനേ നമഃ ശിവായ
പാര്വതീപ്രിയായ ഭക്തപാലിനേ നമഃ ശിവായ |
ദുര്വിദഗ്ധദൈത്യസൈന്യദാരിണേ നമഃ ശിവായ
ശര്വരീശധാരിണേ കപാലിനേ നമഃ ശിവായ ॥ ൧൫ ॥
പാഹി മാമുമാമനോജ്ഞദേഹ തേ നമഃ ശിവായ
ദേഹി മേ വരം സിതാദ്രിഗേഹ തേ നമഃ ശിവായ |
മോഹിതര്ഷികാമിനീസമൂഹ തേ നമഃ ശിവായ
സ്വേഹിതപ്രസന്ന കാമദോഹ തേ നമഃ ശിവായ ॥ ൧൬ ॥
മംഗളപ്രദായ ഗോതുരംഗ തേ നമഃ ശിവായ
ഗംഗയാ തരംഗിതോത്തമാംഗ തേ നമഃ ശിവായ |
സംഗരപ്രവൃത്തവൈരിഭംഗ തേ നമഃ ശിവായ
അംഗജാരയേ കരേകുരംഗ തേ നമഃ ശിവായ ॥ ൧൭ ॥
ഈഹിതക്ഷണപ്രദാനഹേതവേ നമഃ ശിവായ
ആഹിതാഗ്നിപാലകോക്ഷകേതവേ നമഃ ശിവായ |
ദേഹകാന്തിധൂതരൗപ്യധാതവേ നമഃ ശിവായ
ഗേഹദുഃഖപുഞ്ജധൂമകേതവേ നമഃ ശിവായ ॥ ൧൮ ॥
ത്ര്യക്ഷ ദീനസത്കൃപാകടാക്ഷ തേ നമഃ ശിവായ
ദക്ഷസപ്തതന്തുനാശദക്ഷ തേ നമഃ ശിവായ |
ഋക്ഷരാജഭാനുപാവകാക്ഷ തേ നമഃ ശിവായ
രക്ഷ മാം പ്രപന്നമാത്രരക്ഷ തേ നമഃ ശിവായ ॥ ൧൯ ॥
ന്യങ്കുപാണയേ ശിവങ്കരായ തേ നമഃ ശിവായ
സങ്കടാബ്ധിതീര്ണകിങ്കരായ തേ നമഃ ശിവായ |
പങ്കഭീഷിതാഭയങ്കരായ തേ നമഃ ശിവായ
പങ്കജാനനായ ശങ്കരായ തേ നമഃ ശിവായ ॥ ൨൦ ॥
കര്മപാശനാശ നീലകണ്ഠ തേ നമഃ ശിവായ
ശര്മദായ നര്യഭസ്മകണ്ഠ തേ നമഃ ശിവായ |
നിര്മമര്ഷിസേവിതോപകണ്ഠ തേ നമഃ ശിവായ
കുര്മഹേ നതീര്നമദ്വികുണ്ഠ തേ നമഃ ശിവായ ॥ ൨൧ ॥
വിഷ്ടപാധിപായ നമ്രവിഷ്ണവേ നമഃ ശിവായ
ശിഷ്ടവിപ്രഹൃദ്ഗുഹാചരിഷ്ണവേ നമഃ ശിവായ |
ഇഷ്ടവസ്തുനിത്യതുഷ്ടജിഷ്ണവേ നമഃ ശിവായ
കഷ്ടനാശനായ ലോകജിഷ്ണവേ നമഃ ശിവായ ॥ ൨൨ ॥
അപ്രമേയദിവ്യസുപ്രഭാവ തേ നമഃ ശിവായ
സത്പ്രപന്നരക്ഷണസ്വഭാവ തേ നമഃ ശിവായ |
സ്വപ്രകാശ നിസ്തുലാനുഭാവ തേ നമഃ ശിവായ
വിപ്രഡിംഭദര്ശിതാര്ദ്രഭാവ തേ നമഃ ശിവായ ॥ ൨൩ ॥
സേവകായ മേ മൃഡ പ്രസീദ തേ നമഃ ശിവായ
ഭാവലഭ്യ താവകപ്രസാദ തേ നമഃ ശിവായ |
പാവകാക്ഷ ദേവപൂജ്യപാദ തേ നമഃ ശിവായ
താവകാംഘ്രിഭക്തദത്തമോദ തേ നമഃ ശിവായ ॥ ൨൪ ॥
ഭുക്തിമുക്തിദിവ്യഭോഗദായിനേ നമഃ ശിവായ
ശക്തികല്പിതപ്രപഞ്ചഭാഗിനേ നമഃ ശിവായ |
ഭക്തസങ്കടാപഹാരയോഗിനേ നമഃ ശിവായ
യുക്തസന്മനഃ സരോജയോഗിനേ നമഃ ശിവായ ॥ ൨൫ ॥
അന്തകാന്തകായ പാപഹാരിണേ നമഃ ശിവായ
ശന്തമായ ദന്തിചര്മധാരിണേ നമഃ ശിവായ |
സന്തതാശ്രിതവ്യഥാവിദാരിണേ നമഃ ശിവായ
ജന്തുജാതനിത്യസൗഖ്യകാരിണേ നമഃ ശിവായ ॥ ൨൬ ॥
ശൂലിനേ നമോ നമഃ കപാലിനേ നമഃ ശിവായ
പാലിനേ വിരിഞ്ചിതുണ്ഡമാലിനേ നമഃ ശിവായ |
ലീലിനേ വിശേഷരുണ്ഡമാലിനേ നമഃ ശിവായ
ശീലിനേ നമഃ പ്രപുണ്യശാലിനേ നമഃ ശിവായ ॥ ൨൭ ॥
ശിവപഞ്ചാക്ഷരമുദ്രാം ചതുഷ്പദോല്ലാസപദ്യമണിഘടിതാം |
നക്ഷത്രമാലികാമിഹ ദധദുപകണ്ഠം നരോ ഭയേത്സോമഃ ॥ ൨൮ ॥
ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ കൃതൗ ശിവപഞ്ചാക്ഷരനക്ഷത്രമാലാസ്തോത്രം സംപൂര്ണം ॥
Also Read:
Shivapanchakshara Nakshatramala Stotram Lyrics in English | Marathi | Gujarati | Bengali | Kannada | Malayalam | Telugu | Tamil