శ్రీగోపినాథదేవాష్టకమ్ Lyrics in Telugu:
ఆస్యే హాస్యం తత్ర మాధ్వీకమస్మిన్
వంశీ తస్యాం నాదపీయూషసిన్ధుః ।
తద్వీచీభిర్మజ్జయన్ భాతి గోపీ-
ర్గోపీనాథః పీనవక్షా గతిర్నః ॥ ౧॥
శోణోష్ణీషభ్రాజిముక్తాస్రజోద్యత్
పిఞ్ఛోత్తంసస్పన్దనేనాపి నూనమ్ ।
హృన్నేత్రాలీవృత్తిరత్నాని ముఞ్చన్
గోపీనాథః పీనవక్షా గతిర్నః ॥ ౨॥
బిభ్రద్వాసః పీతమూరూరుకాన్త్యా
శ్లీష్టం భాస్వత్కిఙ్కిణీకం నితమ్బే ।
సవ్యాభీరీచుమ్బితప్రాన్తబాహు-
ర్గోపీనాథః పీనవక్షా గతిర్నః ॥ ౩॥
గుఞ్జాముక్తారత్నగాఙ్గేయహారై-
ర్మాల్యైః కణ్ఠే లమ్బమానైః క్రమేణ ।
పీతోదఞ్చత్కఞ్చుకేనాఞ్చితశ్రీ-
ర్గోపీనాథః పీనవక్షా గతిర్నః ॥ ౪॥
శ్వతోష్ణీషః శ్వేతసుశ్లోకధౌతః
సుశ్వేతస్రక్ద్విత్రశః శ్వేతభూషః ।
చుమ్బన్ శర్యామఙ్గలారాత్రికే హృ-
ద్గోపీనాథః పీనవక్షా గతిర్నః ॥ ౫॥
శ్రీవత్సశ్రీకౌస్తుభోద్భిన్నరోమ్ణాం
వర్ణైః శ్రీమాన్ యశ్చతుర్భిః సదేష్టః ।
దృష్టః ప్రేమ్ణైవాతిధన్యైరనన్యై-
ర్గోపీనాథః పీనవక్షా గతిర్నః ॥ ౬॥
తాపిఞ్ఛః కిం హేమవల్లీయుగాన్తః
పార్శ్వద్వన్ద్వోద్ద్యోతివిద్యుద్ఘనః కిమ్ ।
కిం వా మధ్యే రాధయోః శ్యామలేన్దు-
ర్గోపీనాథః పీనవక్షా గతిర్నః ॥ ౭॥
శ్రీజాహ్నవ్యా మూర్తిమాన్ ప్రేమపుఞ్జో
దీనానాథాన్ దర్శయన్ స్వం ప్రసీదన్ ।
పుష్ణన్ దేవాలభ్యఫేలాసుధాభి-
ర్గోపీనాథః పీనవక్షా గతిర్నః ॥ ౮॥
గోపీనాథాష్టకం తుష్టచేతా-
స్తత్పదాబ్జప్రేమపుష్ణీభవిష్ణుః ।
యోఽధీతే తన్మన్తుకోటీరపశ్యన్
గోపీనాథః పీనవక్షా గతిర్నః ॥ ౯॥
ఇతి శ్రీవిశ్వనాథచక్రవర్తిఠక్కురవిరచితస్తవామృతలహర్యాం
శ్రీగోపినాథాష్టకం సమ్పూర్ణమ్ ।