ಶ್ರೀಕಾಲಭೈರವಾಷ್ಟಕಮ್ Lyrics in Kannada:
ಅಂಗಸುನ್ದರತ್ವನಿನ್ದಿತಾಂಗಜಾತವೈಭವಂ
ಭೃಂಗಸರ್ವಗರ್ವಹಾರಿದೇಹಕಾನ್ತಿಶೋಭಿತಮ್ ।
ಮಂಗಲೌಘದಾನದಕ್ಷಪಾದಪದ್ಮಸಂಸ್ಮೃತಿಂ
ಶೃಂಗಶೈಲವಾಸಿನಂ ನಮಾಮಿ ಕಾಲಭೈರವಮ್ ॥ 1॥
ಪಾದನಮ್ರಮೂಕಲೋಕವಾಕ್ಪ್ರದಾನದೀಕ್ಷಿತಂ
ವೇದವೇದ್ಯಮೀಶಮೋದವಾರ್ಧಿಶುಭ್ರದೀಧಿತಿಮ್ ।
ಆದರೇಣ ದೇವತಾಭಿರರ್ಚಿತಾಂಘ್ರಿಪಂಕಜಂ
ಶೃಂಗಶೈಲವಾಸಿನಂ ನಮಾಮಿ ಕಾಲಭೈರವಮ್ ॥ 2॥
ಅಮ್ಬುಜಾಕ್ಷಮಿನ್ದುವಕ್ತ್ರಮಿನ್ದಿರೇಶನಾಯಕಂ
ಕಮ್ಬುಕಂಠಮಿಷ್ಟದಾನಧೂತಕಲ್ಪಪಾದಪಮ್ ।
ಅಮ್ಬರಾದಿಭೂತರೂಪಮಮ್ಬರಾಯಿತಾಮ್ಬರಂ
ಶೃಂಗಶೈಲವಾಸಿನಂ ನಮಾಮಿ ಕಾಲಭೈರವಮ್ ॥ 3॥
ಮನ್ದಭಾಗ್ಯಮಪ್ಯರಂ ಸುರೇನ್ದ್ರತುಲ್ಯವೈಭವಂ
ಸುನ್ದರಂ ಚ ಕಾಮತೋಽಪಿ ಸಂವಿಧಾಯ ಸನ್ತತಮ್ ।
ಪಾಲಯನ್ತಮಾತ್ಮಜಾತಮಾದರಾತ್ಪಿತಾ ಯಥಾ
ಶೃಂಗಶೈಲವಾಸಿನಂ ನಮಾಮಿ ಕಾಲಭೈರವಮ್ ॥ 4॥
ನಮ್ರಕಷ್ಟನಾಶದಕ್ಷಮಷ್ಟಸಿದ್ಧಿದಾಯಕಂ
ಕಮ್ರಹಾಸಶೋಭಿತುಂಡಮಚ್ಛಗಂಡದರ್ಪಣಮ್ ।
ಕುನ್ದಪುಷ್ಪಮಾನಚೋರದನ್ತಕಾನ್ತಿಭಾಸುರಂ
ಶೃಂಗಶೈಲವಾಸಿನಂ ನಮಾಮಿ ಕಾಲಭೈರವಮ್ ॥ 5॥
ಕಾಶಿಕಾದಿದಿವ್ಯದೇಶವಾಸಲೋಲಮಾನಸಂ
ಪಾಶಿವಾಯುಕಿನ್ನರೇಶಮುಖ್ಯದಿಗ್ಧವಾರ್ಚಿತಮ್ ।
ನಾಶಿತಾಘವೃನ್ದಮಂಘ್ರಿನಮ್ರಲೋಕಯೋಗದಂ
ಶೃಂಗಶೈಲವಾಸಿನಂ ನಮಾಮಿ ಕಾಲಭೈರವಮ್ ॥ 6॥
ಸಾರಮಾಗಮಸ್ಯ ತುಂಗಸಾರಮೇಯವಾಹನಂ
ದಾರಿತಾನ್ತರಾನ್ಧ್ಯಮಾಶು ನೈಜಮನ್ತ್ರಜಾಪಿನಾಮ್ ।
ಪೂರಿತಾಖಿಲೇಷ್ಟಮಷ್ಟಮೂರ್ತಿದೇಹಸಮ್ಭವಂ
ಶೃಂಗಶೈಲವಾಸಿನಂ ನಮಾಮಿ ಕಾಲಭೈರವಮ್ ॥ 7॥
ಕಾಲಭೀತಿವಾರಣಂ ಕಪಾಲಪಾಣಿಶೋಭಿತಂ
ಖಂಡಿತಾಮರಾರಿಮಿನ್ದುಬಾಲಶೋಭಿಮಸ್ತಕಮ್ ।
ಚಂಡಬುದ್ಧಿದಾನದಕ್ಷಮಕ್ಷತಾತ್ಮಶಾಸನಂ
ಶೃಂಗಶೈಲವಾಸಿನಂ ನಮಾಮಿ ಕಾಲಭೈರವಮ್ ॥ 8॥
ಇತಿ ಶೃಂಗೇರಿ ಶ್ರೀಜಗದ್ಗುರು ಶ್ರೀಸಚ್ಚಿದಾನನ್ದಶಿವಾಭಿನವನೃಸಿಂಹ-
ಭಾರತೀಸ್ವಾಮಿಭಿಃ ವಿರಚಿತಂ ಶ್ರೀಕಾಲಭೈರವಾಷ್ಟಕಂ ಸಮ್ಪೂರ್ಣಮ್ ।