ശ്രീകാലഭൈരവാഷ്ടകം Lyrics in Malayalam:
അങ്ഗസുന്ദരത്വനിന്ദിതാങ്ഗജാതവൈഭവം
ഭൃങ്ഗസര്‍വഗര്‍വഹാരിദേഹകാന്തിശോഭിതം ।
മങ്ഗലൌഘദാനദക്ഷപാദപദ്മസംസ്മൃതിം
ശൃങ്ഗശൈലവാസിനം നമാമി കാലഭൈരവം ॥ 1॥
പാദനംരമൂകലോകവാക്പ്രദാനദീക്ഷിതം
വേദവേദ്യമീശമോദവാര്‍ധിശുഭ്രദീധിതിം ।
ആദരേണ ദേവതാഭിരര്‍ചിതാങ്ഘ്രിപങ്കജം
ശൃങ്ഗശൈലവാസിനം നമാമി കാലഭൈരവം ॥ 2॥
അംബുജാക്ഷമിന്ദുവക്ത്രമിന്ദിരേശനായകം
കംബുകണ്ഠമിഷ്ടദാനധൂതകല്‍പപാദപം ।
അംബരാദിഭൂതരൂപമംബരായിതാംബരം
ശൃങ്ഗശൈലവാസിനം നമാമി കാലഭൈരവം ॥ 3॥
മന്ദഭാഗ്യമപ്യരം സുരേന്ദ്രതുല്യവൈഭവം
സുന്ദരം ച കാമതോഽപി സംവിധായ സന്തതം ।
പാലയന്തമാത്മജാതമാദരാത്പിതാ യഥാ
ശൃങ്ഗശൈലവാസിനം നമാമി കാലഭൈരവം ॥ 4॥
നംരകഷ്ടനാശദക്ഷമഷ്ടസിദ്ധിദായകം
കംരഹാസശോഭിതുണ്ഡമച്ഛഗണ്ഡദര്‍പണം ।
കുന്ദപുഷ്പമാനചോരദന്തകാന്തിഭാസുരം
ശൃങ്ഗശൈലവാസിനം നമാമി കാലഭൈരവം ॥ 5॥
കാശികാദിദിവ്യദേശവാസലോലമാനസം
പാശിവായുകിന്നരേശമുഖ്യദിഗ്ധവാര്‍ചിതം ।
നാശിതാഘവൃന്ദമങ്ഘ്രിനംരലോകയോഗദം
ശൃങ്ഗശൈലവാസിനം നമാമി കാലഭൈരവം ॥ 6॥
സാരമാഗമസ്യ തുങ്ഗസാരമേയവാഹനം
ദാരിതാന്തരാന്ധ്യമാശു നൈജമന്ത്രജാപിനാം ।
പൂരിതാഖിലേഷ്ടമഷ്ടമൂര്‍തിദേഹസംഭവം
ശൃങ്ഗശൈലവാസിനം നമാമി കാലഭൈരവം ॥ 7॥
കാലഭീതിവാരണം കപാലപാണിശോഭിതം
ഖണ്ഡിതാമരാരിമിന്ദുബാലശോഭിമസ്തകം ।
ചണ്ഡബുദ്ധിദാനദക്ഷമക്ഷതാത്മശാസനം
ശൃങ്ഗശൈലവാസിനം നമാമി കാലഭൈരവം ॥ 8॥
ഇതി ശൃങ്ഗേരി ശ്രീജഗദ്ഗുരു ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതം ശ്രീകാലഭൈരവാഷ്ടകം സമ്പൂര്‍ണം ।