શ્રીકૃષ્ણશરણાષ્ટકમ્ Lyrics in Gujarati:
દ્વિદલીકૃતદૃક્સ્વાસ્યઃ પન્નગીકૃતપન્નગઃ ।
કૃશીકૃતકૃશાનુશ્ચ શ્રીકૃષ્ણઃ શરણં મમ ॥ ૧॥
ફલીકૃતફલાર્થી ચ કુસ્સિતીકૃતકૌરવઃ ।
નિર્વાતીકૃતવાતારિઃ શ્રીકૃષ્ણઃ શરણં મમ ॥ ૨॥
કૃતાર્થીકૃતકુન્તીજઃ પ્રપૂતીકૃતપૂતનઃ ।
કલઙ્કીકૃતકંસાદિઃ શ્રીકૃષ્ણઃ શરણં મમ ॥ ૩॥
સુખીકૃતસુદામા ચ શઙ્કરીકૃતશઙ્કરઃ ।
સિતીકૃતસરિન્નાથઃ શ્રીકૃષ્ણઃ શરણં મમ ॥ ૪॥
છલીકૃતબલિદ્યૌર્યો નિધનીકૃતધેનુકઃ ।
કન્દર્પીકૃતકુબ્જાદિઃ શ્રીકૃષ્ણ શરણં મમ ॥ ૫॥
મહેન્દ્રીકૃતમાહેયઃ શિથિલીકૃતમૈથિલઃ ।
આનન્દીકૃતનન્દાદ્યઃ શ્રીકૃષ્ણઃ શરણં મમ ॥ ૬॥
વરાકીકૃતરાકેશો વિપક્ષીકૃતરાક્ષસઃ ।
સન્તોષીકૃતસદ્ભક્તઃ શ્રીકૃષ્ણઃ શરણં મમ ॥ ૭॥
જરીકૃતજરાસન્ધઃ કમલીકૃતકાર્મુકઃ ।
પ્રભ્રષ્ટીકૃતભીષ્માદિઃ શ્રીકૃષ્ણઃ શરણં મમ ॥ ૮॥
શ્રીકૃષ્ણઃ શરણં મમાષ્ટકમિદં પ્રોત્થાય યઃ સમ્પઠેત્
સ શ્રીગોકુલનાયકસ્ય પદવી સંયાતિ ભૂમીતલે ।
પશ્યત્યેવ નિરન્તરં તરણિજાતીરસ્થકેલી પ્રભોઃ
સમ્પ્રાપ્નોતિ તદીયતાં પ્રતિદિનં ગોપીશતૈરાવૃતામ્ ॥ ૯॥
॥ ઇતિ શ્રીદેવકીનન્દનાત્મજ શ્રીરઘુનાથપ્રભુકૃતં
શ્રીકૃષ્ણશરણાષ્ટકં સમ્પૂર્ણમ્ ॥