ശ്രീകൃഷ്ണശരണാഷ്ടകം Lyrics in Malayalam:
ദ്വിദലീകൃതദൃക്സ്വാസ്യഃ പന്നഗീകൃതപന്നഗഃ ।
കൃശീകൃതകൃശാനുശ്ച ശ്രീകൃഷ്ണഃ ശരണം മമ ॥ 1॥
ഫലീകൃതഫലാര്‍ഥീ ച കുസ്സിതീകൃതകൌരവഃ ।
നിര്‍വാതീകൃതവാതാരിഃ ശ്രീകൃഷ്ണഃ ശരണം മമ ॥ 2॥
കൃതാര്‍ഥീകൃതകുന്തീജഃ പ്രപൂതീകൃതപൂതനഃ ।
കലങ്കീകൃതകംസാദിഃ ശ്രീകൃഷ്ണഃ ശരണം മമ ॥ 3॥
സുഖീകൃതസുദാമാ ച ശങ്കരീകൃതശങ്കരഃ ।
സിതീകൃതസരിന്നാഥഃ ശ്രീകൃഷ്ണഃ ശരണം മമ ॥ 4॥
ഛലീകൃതബലിദ്യൌര്യോ നിധനീകൃതധേനുകഃ ।
കന്ദര്‍പീകൃതകുബ്ജാദിഃ ശ്രീകൃഷ്ണ ശരണം മമ ॥ 5॥
മഹേന്ദ്രീകൃതമാഹേയഃ ശിഥിലീകൃതമൈഥിലഃ ।
ആനന്ദീകൃതനന്ദാദ്യഃ ശ്രീകൃഷ്ണഃ ശരണം മമ ॥ 6॥
വരാകീകൃതരാകേശോ വിപക്ഷീകൃതരാക്ഷസഃ ।
സന്തോഷീകൃതസദ്ഭക്തഃ ശ്രീകൃഷ്ണഃ ശരണം മമ ॥ 7॥
ജരീകൃതജരാസന്ധഃ കമലീകൃതകാര്‍മുകഃ ।
പ്രഭ്രഷ്ടീകൃതഭീഷ്മാദിഃ ശ്രീകൃഷ്ണഃ ശരണം മമ ॥ 8॥
ശ്രീകൃഷ്ണഃ ശരണം മമാഷ്ടകമിദം പ്രോത്ഥായ യഃ സമ്പഠേത്
സ ശ്രീഗോകുലനായകസ്യ പദവീ സംയാതി ഭൂമീതലേ ।
പശ്യത്യേവ നിരന്തരം തരണിജാതീരസ്ഥകേലീ പ്രഭോഃ
സമ്പ്രാപ്നോതി തദീയതാം പ്രതിദിനം ഗോപീശതൈരാവൃതാം ॥ 9॥
॥ ഇതി ശ്രീദേവകീനന്ദനാത്മജ ശ്രീരഘുനാഥപ്രഭുകൃതം
ശ്രീകൃഷ്ണശരണാഷ്ടകം സമ്പൂര്‍ണം ॥