ശ്രീനവനീതപ്രിയാഷ്ടകം Lyrics in Malayalam:
അലകാവൃതലസദലികേ വിരചിതകസ്തൂരികാതിലകേ ।
ചപലയശോദാബാലേ ശോഭിതഭാലേ മതിര്‍മേഽസ്തു ॥ 1॥
മുഖരിതനൂപുരചരണേ കടിബദ്ധക്ഷുദ്രഘണ്ടികാവരണേ ।
ദ്വീപികരജകൃതഭൂഷണഭൂഷിതഹൃദയേ മതിര്‍മേഽസ്തു ॥ 2॥
കരധൃതനവനവനീതേ ഹിതകൃതജനനീവിഭീഷികാഭിതേ ।
രതിമുദ്വഹതാച്ചേതോ ഗോപീഭിര്‍വശ്യതാം നീതേ ॥ 3॥
ബാലദശാമതിമുഗ്ധേ ചോരിതദുഗ്ധേ വ്രജാങ്ഗനാഭവനാത് ।
തദുപാലംഭവചോഭയവിഭ്രമനയനേ മതിര്‍മേഽസ്തു ॥ 4॥
വ്രജകര്‍ദമലിപ്താങ്ഗേ സ്വരൂപസുഷമാജിതാനങ്ഗേ ।
കൃതനന്ദാങ്ഗണരിങ്ഗണ വിവിധവിഹാരേ മതിര്‍മേഽസ്തു ॥ 5॥
കരവരധൃതലഘുലകുടേ വിചിത്രമായൂരചന്ദ്രികാമുകുടേ ।
നാസാഗതമുക്താമണിജടിതവിഭൂഷേ മതിര്‍മേഽസ്തു ॥ 6॥
അഭിനന്ദനകൃതനൃത്യേ വിരചിതനിജഗോപികാകൃത്യേ ।
ആനന്ദിതനിജഭൃത്യേ പ്രഹസനമുദിതേ മതിര്‍മേഽസ്തു ॥ 7॥
കാമാദപി കമനീയേ നമനീയേ ബ്രഹ്മരുദ്രാദ്യൈഃ ।
നിഃസാധവഭജനീയേ ഭാവതനൌ മേ മതിര്‍ഭൂയാത് ॥ 8॥
ഇതി ശ്രീഹരിദാസവിരചിതം ശ്രീനവനീതപ്രിയാഷ്ടകം സമ്പൂര്‍ണം ॥
