Sri Smaranashnakam in Bengali:
শ্রীস্মরণাষ্টকম্
য়দীয়সৌভাগ্যভরেণ গোকুল-
স্ত্রিয়ো ন য়োগ্যানি বচাংসি সত্পতেঃ ।
ন মানয়ামাসুরুদারমানসা-
স্তদঙ্ঘ্রিসেবাসময়ং স্মরামি ॥ ১ ॥
য়দ্রূপসৌন্দর্যবশীকৃতাশয়া
মৃগীগণাঃ পূজনমাদধুর্মুদা ।
হিত্বা সমীপস্থিতভর্তৃভীতিং
তদঙ্ঘিসেবাসময়ং স্মরামি ॥ ২ ॥
য়দ্বেণুনাদশ্রবণৈকজাত-
ভাবাঙ্কুরা দেববধূসমূহাঃ ।
প্রবৃদ্ধভাবা মুমুহুঃ সভর্তৃকা-
স্তদঙ্ঘ্রিসেবাসময়ং স্মরামি ॥ ৩ ॥
য়ত্পাদসঞ্চারণজাতকাম-
ভাবা য়দঙ্কেন নয়ত্যতল্পাম্ ।
শান্তিং বিচিত্রা ব্রজভূমিরেষা
তদঙ্ঘ্রিসেবাসময়ং স্মরামি ॥ ৪ ॥
য়দ্বাললীলাকৃতচৌর্যজাত-
সন্তোষভাবা ব্রজগোপবধ্বঃ ।
উপালভন্তে সময়ং য়মর্ভকং
তদঙ্ঘ্রিসেবাসময়ং স্মরামি ॥ ৫ ॥
য়ং গোপনারীগণদর্শনীয়-
লীলং মুদা গোসুতপুচ্ছকর্ষুকম্ ।
প্রেক্ষন্ত্য এবোজ্ঝিতগেহকৃত্যাঃ
তঙ্ঘ্রিসেবাসময়ং স্মরামি ॥ ৬ ॥
য়দ্বাহুসংস্পর্শনজাতভাব-
রসালবাবর্তুলভূতবিগ্রহঃ ।
গোবর্ধনো বেদ ন বৃষ্টিপাতং
তদঙ্ঘ্রিসেবাসময়ং স্মরামি ॥ ৭ ॥
য়দধরসঙ্গতবেণুনিনাদং
বিহিতবিষয়সুখভরনির্বাদম্ ।
শ্রুতবত্যো মুখভক্ষ্যা গাবঃ
কিং ন হি কুরুতে তদ্গতভাবঃ ॥ ৮ ॥
ইতি শ্রীহরিদাসোদিতং স্মরণাষ্টকং সমাপ্তম্ ।
