Sri Vidya Atirtha Ashtakam Lyrics in Gujarati:
શ્રીવિદ્યાતીર્થાષ્ટકમ્
વર્ણચતુષ્ટયમેતદ્વિદ્યાતીર્થેતિ યસ્ય જિહ્વાગ્રે ।
વિલસતિ સદા સ યોગી ભોગી ચ સ્યાન્ન તત્ર સન્દેહઃ ॥ ૧॥
લમ્બિકાયોગનિરતમમ્બિકાપતિરૂપિણમ્ ।
વિદ્યાપ્રદં નતૌઘાય વિદ્યાતીર્થમહેશ્વરમ્ ॥ ૨॥
પાપગધકારસૂર્યં તાપામ્ભોધિપ્રવૃદ્ધબડવાગ્નિમ્ ।
નતહૃન્માનસહંસં વિદ્યાતીર્થં નમામિ યોગીશમ્ ॥ ૩॥
પદ્યાવલિર્મુખાબ્જાદયત્નતો નિઃસરેચ્છીઘ્રમ્ ।
હૃદ્યા યત્કૃપયા તં વિદ્યાતીર્થં નમામિ યોગીશમ્ ॥ ૪॥
ભક્ત્યા યત્પદપદ્મં ભજતાં યોગઃ ષડઙ્ગયુતઃ ।
સુલભસ્તં કરુણાબ્ધિં વિદ્યાતીર્થં નમામિ યોગીશમ્ ॥ ૫॥
હૃદ્યા વિદ્યા વૃણુતે યત્પદનમ્રં નરં શીઘ્રમ્ ।
તં કારુણ્યપયોધિં વિદ્યાતીર્થં નમામિ યોગીશમ્ ॥ ૬॥
વિદ્યાં દત્ત્વાવિદ્યાં ક્ષિપ્રં વારયતિ યઃ પ્રણમ્રાણામ્ ।
દયયા નિસર્ગયા તં વિદ્યાતીર્થં નમામિ યોગીશમ્ ॥
વિદ્યારણ્યપ્રમુખૈર્વિદ્યાપારઙ્ગતૈઃ સેવ્યમ્ ।
અદ્યાપિ યોગનિરતં વિદ્યાતીર્થં નમામિ યોગીશમ્ ॥ ૮॥
વિદ્યાતીર્થાષ્ટકમિદં પઠન્ભક્તિપુરઃસરમ્ ।
વિદ્યામનન્યસામાન્યાં પ્રાપ્ય મોદમવાપ્નુયાત્ ॥ ૯॥
ઇતિ શૃઙ્ગેરિ શ્રીજગદ્ગુરુ શ્રીસચ્ચિદાનન્દશિવાભિનવનૃસિંહ-
ભારતીસ્વામિભિઃ વિરચિતં શ્રીવિદ્યાતીર્થાષ્ટકં સમ્પૂર્ણમ્ ।
