The below Gujarati lines are about River Yamuna.
Shri Yamuna Ashtakam 10 Lyrics in Gujarati:
શ્રીયમુનાષ્ટકમ્
ભ્રાતુરન્તકસ્ય પત્તનેઽભિપત્તિહારિણી
પ્રેક્ષયાતિપાપિનોઽપિ પાપસિન્ધુતારિણી ।
નીરમાધુરીભિરપ્યશેષચિત્તબન્ધિની
માં પુનાતુ સર્વદારવિન્દબન્ધુનન્દિની || ૧ ||
હારિવારિધારયાભિમણ્ડિતોરુખાણ્ડવા
પુણ્ડરીકમણ્ડલોદ્યદણ્ડજાલિતાણ્ડવા ।
સ્નાનકામપામરોગ્રપાપસમ્પદન્ધિની
માં પુનાતુ સર્વદારવિન્દબન્ધુનન્દિની || ૨ ||
શીકરાભિમૃષ્ટજન્તુદુર્વિપાકમર્દિની
નન્દનન્દનાન્તરઙ્ગભક્તિપૂરવર્ધિની ।
તીરસઙ્ગમાભિલાષિમઙ્ગલાનુબન્ધિની
માં પુનાતુ સર્વદારવિન્દબન્ધુનન્દિની || ૩ ||
દ્વીપચક્રવાલજુષ્ટસપ્તસિન્ધુભેદિની
શ્રીમુકુન્દનિર્મિતોરુદિવ્યકેલિવેદિની ।
કાન્તિકન્દલીભિરિન્દ્રનીલવૃન્દનિન્દિની
માં પુનાતુ સર્વદારવિન્દબન્ધુનન્દિની || ૪ ||
માથુરેણ મણ્ડલેન ચારુણાભિમણ્ડિતા
પ્રેમનદ્ધવૈષ્ણવાધ્વવર્ધનાય પણ્ડિતા ।
ઊર્મિદોર્વિલાસપદ્મનાભપાદવન્દિની
માં પુનાતુ સર્વદારવિન્દબન્ધુનન્દિની || ૫ ||
રમ્યતીરરમ્ભમાણગોકદમ્બભૂષિતા
દિવ્યગન્ધભાક્કદમ્બપુષ્પરાજિરૂષિતા ।
નન્દસૂનુભક્તસઙ્ઘસઙ્ગમાભિનન્દિની
માં પુનાતુ સર્વદારવિન્દબન્ધુનન્દિની || ૬ ||
ફુલ્લપક્ષમલ્લિકાક્ષહંસલક્ષકૂજિતા
ભક્તિવિદ્ધદેવસિદ્ધકિન્નરાલિપૂજિતા ।
તીરગન્ધવાહગન્ધજન્મબન્ધરન્ધિની
માં પુનાતુ સર્વદારવિન્દબન્ધુનન્દિની || ૭ ||
ચિદ્વિલાસવારિપૂરભૂર્ભુવઃસ્વરાપિની
કીર્તિતાપિ દુર્મદોરુપાપમર્મતાપિની ।
બલ્લવેન્દ્રનન્દનાઙ્ગરાગભઙ્ગગન્ધિની
માં પુનાતુ સર્વદારવિન્દબન્ધુનન્દિની || ૮ ||
તુષ્ટબુદ્ધિરષ્ટકેન નિર્મલોર્મિચેષ્ટિતાં
ત્વામનેન ભાનુપુત્રિ! સર્વદેવવેષ્ટિતામ્ ।
યઃસ્તવીતિ વર્ધયસ્વ સર્વપાપમોચને
ભક્તિપૂરમસ્ય દેવિ! પુણ્ડરીકલોચને || ૯ ||
ઇતિ શ્રીરૂપગોસ્વામિવિરચિતસ્તવમાલાયાં શ્રીયમુનાષ્ટકં સમ્પૂર્ણમ્ ।
