Sri Ganesha Bhujangam in English:
॥ śrī gaṇēśa bhujaṅgaṁ raṇatkṣudraghaṇṭāninādābhirāmaṁ
calattāṇḍavōddaṇḍavatpadmatālam |
lasattundilāṅgōparivyālahāraṁ
gaṇādhīśamīśānasūnuṁ tamīḍē || 1 ||
dhvanidhvaṁsavīṇālayōllāsivaktraṁ
sphuracchuṇḍadaṇḍōllasadbījapūram |
galaddarpasaugandhyalōlālimālaṁ
gaṇādhīśamīśānasūnuṁ tamīḍē || 2 ||
prakāśajjapāraktaratnaprasūna-
pravālaprabhātāruṇajyōtirēkam |
pralambōdaraṁ vakratuṇḍaikadantaṁ
gaṇādhīśamīśānasūnuṁ tamīḍē || 3 ||
vicitrasphuradratnamālākirīṭaṁ
kirīṭōllasaccandrarēkhāvibhūṣam |
vibhūṣaikabhūṣaṁ bhavadhvaṁsahētuṁ
gaṇādhīśamīśānasūnuṁ tamīḍē || 4 ||
udañcadbhujāvallarīdr̥śyamūlō-
ccaladbhrūlatāvibhramabhrājadakṣam |
marutsundarīcāmaraiḥ sēvyamānaṁ
gaṇādhīśamīśānasūnuṁ tamīḍē || 5 ||
sphuranniṣṭhurālōlapiṅgākṣitāraṁ
kr̥pākōmalōdāralīlāvatāram |
kalābindugaṁ gīyatē yōgivaryai-
rgaṇādhīśamīśānasūnuṁ tamīḍē || 6 ||
yamēkākṣaraṁ nirmalaṁ nirvikalpaṁ
guṇātītamānandamākāraśūnyam |
paraṁ pāramōṅkāramāmnāyagarbhaṁ
vadanti pragalbhaṁ purāṇaṁ tamīḍē || 7 ||
cidānandasāndrāya śāntāya tubhyaṁ
namō viśvakartrē ca hartrē ca tubhyam |
namō:’nantalīlāya kaivalyabhāsē
namō viśvabīja prasīdēśasūnō || 8 ||
imaṁ sustavaṁ prātarutthāya bhaktyā
paṭhēdyastu martyō labhētsarvakāmān |
gaṇēśaprasādēna siddhyanti vācō
gaṇēśē vibhau durlabhaṁ kiṁ prasannē || 9 ||॥
Also Read:
Sri Ganesha Bhujangam in Sanskrit | English | Kannada | Telugu | Tamil