Svapra Bhusvarupani Rupana Ashtakam Lyrics in Telugu:
స్వప్రభుస్వరూపనిరూపణాష్టకమ్
స్వామినీభావగౌరస్య స్వస్వరూపం ప్రపశ్యతః ।
కటాక్షైర్విఠ్ఠలేశస్య శ్యామతాచిత్రితం వపుః ॥ ౧ ॥
స్వాస్మిన్నభయభావేన స్వేషాముభయరూపతామ్ ।
స్పష్టం బోధయితుం గౌరశ్యామః శ్రీవిఠ్ఠలేశ్వరః ॥ ౨ ॥
నిజాచార్యోదితస్వీయమార్గసేవ్యస్వరూపతామ్ ।
బోధయన్నభయాత్మాఽయం గౌరశ్యామో విరాజతే ॥ ౩ ॥
రసస్య ద్వివిధస్యాపి స్వరూపే బోధయన్ స్థితిమ్ ।
ఐక్యం విరుద్ధధర్మత్వాద్గౌరశ్యామః కృపానిధిః ॥ ౪ ॥
స్త్రీభావభగవద్భావోభయాత్మేతి విబోధితుమ్ ।
స్వస్వరూపం హరిర్గౌరశ్యామః శ్రీవిఠ్ఠలేశ్వరః ॥ ౫ ॥
భావాత్మకత్వతో దృష్టిర్హాసలీలాకృతిస్తథా ।
అతో విలోక్యతే గౌరశ్యామః శ్రీవిఠ్ఠలేశ్వరః ॥ ౬ ॥
నిజానన్దప్రదానేన వ్యవధానే దివానిశమ్ ।
న కరోతి వ్రజస్థానమితి శ్రీమత్ప్రభుస్తథా ॥ ౭ ॥
సర్వాత్మకామభావాత్మస్వరూపం బోధయన్ప్రభుః ।
శ్రీవిఠ్ఠలేశ్వరోఽస్మాకం గౌరశ్యామో విరాజతే ॥ ౮ ॥
ఇతి శ్రీహరిదాసోదితం స్వప్రభుస్వరూపనిరూయణాష్టకం సమ్పూర్ణమ్ ।
