Ashtaka

Svasvamiyugala Ashtakam Lyrics in Bengali

Svasva Yugala Ashtakam Lyrics in Bengali:

স্বস্বামিয়ুগলাষ্টকম্

আসাতামেকশরণে বিহিতাকরণে হৃদি ।
স্বামিনৌ বল্লভাধীশবিঠ্ঠলেশাভিধৌ সদা ॥ ১ ॥

কৃপাং প্রকুরুতাং দীনে স্বত এক কৃপাকরৌ ।
স্বামিনৌ বল্লভাধীশবিঠ্ঠলেশাভিধৌ সদা ॥ ২ ॥

প্রসীদেতাং ময়ি শ্রীমদ্ব্রজেশচরণাশ্রয়ে ।
স্বামিনৌ বল্লভাধীশবিঠ্ঠলেশাভিধৌ সদা ॥ ৩ ॥

দাস্যং প্রয়চ্ছতাং মহ্যং সমস্তফলমূর্ধগম্ ।
স্বামিনৌ বল্লভাধীশবিঠ্ঠলেশাভিধৌ সদা ॥ ৪ ॥

কদাঽপি মামনন্যং মা ত্যজেতাং নিজসেবকম্ ।
স্বামিনৌ বল্লভাধীশবিঠ্ঠলেশাভিধৌ সদা ॥ ৫ ॥

প্রমেয়বলমাত্রেণ গৃহ্ণীতাং মত্করং দৃঢম্ ।
স্বামিনৌ বল্লভাধীশবিঠ্ঠলেশাভিধৌ সদা ॥ ৬ ॥

আর্তিং নিবারয়েতাং মে মস্তকে হস্তধারণৈঃ ।
স্বামিনৌ বল্লভাধীশবিঠ্ঠলেশাভিধৌ সদা ॥ ৭ ॥

মন্মূর্ধনি বিরাজেতাং প্রভূ লোকবিলক্ষণৌ ।
স্বামিনৌ বল্লভাধীশাবিঠ্ঠলেশাভিধৌ মম ॥ ৮ ॥

ইতি শ্রীমদ্ধরিদাসোদিতং স্বস্বামিয়ুগলাষ্টকং সম্পূর্ণম্ ।

Add Comment

Click here to post a comment